एफिसि 3:7 - Dhimal NT

⁷ परमेस्वरको एन्साङ दोङ पिका बरदान आनुग्रह कालाउ वाको सरबुङ पाहासो, का सुसमाचार प्राचार पालिको भाअ्सिङ सेवक जेङका हिघा। वा ताइको सरबुङसो कासेहेङ इदोइ आनुग्रह पिका हि।

एफिसि 3:7 Iomraidhean Croise

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 1:5

कालाउ प्रभु येसु ख्रिस्टसो परमेस्वर कासेहेङ आनुग्रह पातेङ साल्न्हाका चात्याको काम पिहि, कालाउकि का ख्रिस्टको काम पालि द्वाको कालाउ गोताङ गैर-यहुदिगेलाइ येसु ख्रिस्टको मिङता खाङधुरि पाको कालाउ वाको आग्या किताको।

रोमि 12:3

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

रोमि 15:16

कि का गैर-यहुदिगेलाइको भाअ्सिङ येसु ख्रिस्टको सेवक जेङतेङ परमेस्वरसो लोका सुसमाचार प्राचार पालि पुजारि कोनिङ सेवा पाखा, कालाउकि गैर-यहुदिगेलाइहेङ पबित्तरो आत्मा पाहासो सुद्द जेङतेङ ग्रहन योग्य बलि जेङलि द्वाको।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 3:5

आपुल्लोस हासु रो? कालाउ का पावल हासु रो? किधिन्हेमिते परमेस्वरको सेवक खिनिङ हिनाहि, जाइ नेलाइहेङ येसु ख्रिस्टको खाङधुरिता चुमाहि। केलाइ झाराङ ते परमेस्वर केलाइहेङ खाटाइका काम खिनिङ पान्हाखे।

2 कोरिन्थि 3:6

नावा कारारको सेवकगेलाइ जेङलि वा केलाइहेङ खुबि पिहि, इदोइ चाहि पबित्तरो आत्माको कारार हि, व्यवस्थाहोइ तेअ्पाका कारार माको, हाइपालिपानु मोसा लेखेका व्यवस्था माकिलिको परिनाम सिलि दोङ, भरु पबित्तरो आत्माते आनान्त जिबन पिखे।

2 कोरिन्थि 4:1

ओदोङ भाअ्सिङ परमेस्वरको क्रिपा पाहासो केलाइ दोफा परमेस्वरको बचन प्राचार पाका सेवा हिनाङ केलाइ हारेस माचाङ।

गलाति 2:8

हाइपालिपानु जेसाङ परमेस्वर पतरुसहेङ यहुदिगेलाइको माझाता छाल्न्हाका चात्या जेङतेङ काम पालि लागाइहि, कालाउ वा दोङ कासेहेङ गैर-यहुदिगेलाइको माझाता छाल्न्हाका चात्या जेङतेङ काम पालि लागाइहि।

एफिसि 1:19

कालाउ केलाइ ख्रिस्टता खाङधुरि पाकालाइको भाअ्सिङ परमेस्वरको सरबुङ हेथे माहान हि, दोअ्का काथा नेलाइ बुङ गिका का भोखा।

एफिसि 3:2

निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि।

एफिसि 3:20

परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

एफिसि 4:16

केलाइ झाराङ ख्रिस्टता खाङधुरि पाकालाइ वाकोङ जिउको आङगगेलाइ भाइका हिनाहि, जेसाङ एमि द्‍याङको जिउको गोताङ आङगगेलाइ जोर्नि पाहासो तेअ्का हिखे, कालाउ जेलाउ जिउको गोताङ आङग एनोङ दोङ बानाइका आङग ठिकसो काम पाखे। कालाउ जिउ बाराखे कालाउ बल्लियाका जेङखे। एन्सा पातेङ केलाइ झाराङ मिलितेङ ख्रिस्टको काम पानाखे, कालाउ केलाइ बल्लियाका कालाउ परिपक्क जेङन्हाखे कालाउ एमिसो भेनेङहेङ हेन्जा प्रेम पानाखे।

कलस्सि 1:29

ओदोङ भाअ्सिङ का थाङका परिस्रोम पाखा, इङको चाहि ख्रिस्टको पिका का लिता पाका बार्का सरबुङ आन्सार का पाखा।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।