एफिसि 3:6 - Dhimal NT

⁶ इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।

एफिसि 3:6 Iomraidhean Croise

1 कोरिन्थि 12:12

हाइपालिपानु जेसाङ जिउ एनोङ हि, कालाउ इङको को हेन्जाङ आङगगेलाइ हिखे, कालाउ जिउको गोताङ आङगगेलाइ हेन्जा हिलाउ बुङ जिउ चाहि एनोङ दोङ हिखे, ख्रिस्ट कालाउ वाकोता खाङधुरि पाकालाइ बुङ इन्सिकाङ हिखे।

1 कोरिन्थि 12:27

नेलाइ ख्रिस्टको जिउ दोङ हिसुना कालाउ नेलाइ झाराङ वाको जिउको आङगगेलाइ भाइकाङ हिसुना।

गलाति 3:14

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

गलाति 5:24

कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।

एफिसि 3:3

परमेस्वर कासेहेङ वाको म्होनाका योजाना देखाल पिका हि, जाइको बारेता का लाम्फा दोङ आधे काथा लेखेलि दोका हिघा।

एफिसि 5:30

हाइपालिपानु केलाइ ख्रिस्टकोङ जिउको आङगगेलाइ कोनिङ हिनाहि।

एफिसि 5:7

ओदोङ भाअ्सिङ इन्सिका आखेका काम पाका द्‍याङगेलाइ दोफा माझ्वाइनासु,

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।