एफिसि 3:4 - Dhimal NT

⁴ जेलाउ नेलाइ काङको लेखेका इङको काथागेलाइ पढेसुना पानु ख्रिस्टको बारेता म्होनाका सत्ये काथा का बुझिका हिघा दोअ्तेङ नेलाइ गिलि दोस्वाना।

एफिसि 3:4 Iomraidhean Croise

मत्‍ति 13:11

वा इम्बालाइहेङ जोबाफ पिहि, नेलाइहेङते परमेस्वरको सासनको रहस्य पिका हि। जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्पिका मान्थु।

लुका 8:10

येसु इम्बालाइहेङ दोअ्हि, परमेस्वरको सासनको रहस्य इम्बालाइहेङ पिका हि, जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्खा, कालाउकि इम्बालाइ खाङनुते खानाको कालाउ मातिनाको, कालाउ हिङनुते हिनाको कालाउ बुङ माबुझियाको।

रोमि 11:25

खान्धुराइ ओनेगेलाइ, का नाअ् गैर-यहुदिगेलाइहेङ घमन्डि जेङका का माचाहिखा। ओदोङ भाअ्सिङ का इस्राएललिगेलाइहेङ हाइ जेङहि दोअ्का रहस्यको ब्याख्या पाङका, कालाउ इङको काथा नेलाइहेङ थाहा जेङहि पानु नेलाइ घमन्ड मापास्वाना। इदोइ रहस्य इसिका हि, गोताङ गैर-यहुदिगेलाइ ख्रिस्टता खाङधुरि मापाका धाउ इस्राएललिगेलाइको ह्रदय राङका जेनावा।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

1 कोरिन्थि 13:2

का दोफा परमेस्वर पाहासो आगमबानि धुइका बरदान हि, कालाउ गोताङ म्होन्हाका काथा कालाउ ग्यानगेलाइ बुझिखा, कालाउ रागेलाइ तुगिल्लिका गोताङ खाङधुरि काङको दोफा हि, कालाउ का आरुहेङ प्रेम मापाखा पानु काङको हिदोइ बुङ मुल्य मान्थु।

1 कोरिन्थि 4:1

एसापा द्‍याङगेलाइ केलाइहेङ ख्रिस्टको बान्धाइति कालाउ परमेस्वरको म्होन्हाका जातिङको काथाको बाख्या पाका काम पिका हि।

2 कोरिन्थि 11:6

का एकदम सिल्लि बक्ता माकोलाउ बुङ काङकोता ख्रिस्टको कालाउ सुसमाचारको बारेता ग्यान हि, काङको धिरपाका ग्यान जेसालाउ बुङ नेलाइहेङ तिङपाका हि।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

एफिसि 3:3

परमेस्वर कासेहेङ वाको म्होनाका योजाना देखाल पिका हि, जाइको बारेता का लाम्फा दोङ आधे काथा लेखेलि दोका हिघा।

एफिसि 3:9

कालाउ कासेहेङ इदोइ रहस्यको योजाना गोताङ द्‍याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि।

एफिसि 5:32

या एनोङ बार्का रहस्य धर्मसास्तरता देखाल जेङका हि, जाइ का ख्रिस्ट कालाउ मन्डलिको सम्बन्धता लागु पातेङ बुझियाङका।

एफिसि 6:19

कालाउ काङको भाअ्सिङ बुङ प्रार्थाना पापिसु, कि जेलाउ का नुइ धुइलि तोम्लाउ परमेस्वर कासेहेङ बचनगेलाइ प्याको कालाउ का माअ्थिसिङ परमेस्वरको सुसमाचारको म्होनाका सत्येहेङ गोताङ द्‍याङगेलाइहेङ दोअ्लि द्वाको।

कलस्सि 1:26

इदोइ रहस्यको काथा गोताङ द्‍याङगेलाइ जाइ हेन्जाङ लाम्फा हिघाहि कालाउ इम्बालाइसो म्होन्हाका हिघाहि कालाउ एला परमेस्वरको जनहेङ इदोइ काथा देखाल जेङका हि।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

कलस्सि 4:3

केलाइको भाअ्सिङ बुङ प्रार्थाना पासु, कालाउकि ख्रिस्टको इङको रहस्यको सुसमाचार प्राचार पालि परमेस्वर केलाइहेङ दामा खोलि पाप्याको, जाइको भाअ्सिङ का झ्याल्खानाता हिघा।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

1तिमोथि 3:9

कालाउ इम्बालाइ सुद्द बिबेकता परमेस्वर तिङपाका सत्ये सन्देसता खाङधुरि पातेङ हितेङ हिलि गोइखे।