16 का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु।
केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।
जातिङको यहुदि उङको दोङ हि, जाइको सामान्दा परमेस्वर दोफा ठिक हि। कालाउ मोसाको व्यवस्था मानिलि खिनिङ जातिङको खाताना माको, भरु जातिङको खाताना दोअ्का परमेस्वरको आत्मा पाहासो हृदय परिबतन जेङलि दोङ हि। इसिका द्याङगेलाइ द्याङगेलाइसो माको भरु परमेस्वरसो बाखिन निङखे।
हाइपालिपानु का काङको गोताङ ह्रदयहोइ परमेस्वरको व्यवस्थाता लेङचाका हिघा।
परमेस्वर एसा पाहि, हाइपालिपानु वा ताइमिङ छाल्का द्याङगेलाइहेङ दाया पातेङ ताइको गेनेगेल्का महिमा इम्बालाइ दोफा बाखाराइलि भोघाखे।
चङख हिसु, खाङधुरिता द्रिद हिसु। साहासि जेङसु, कालाउ बल्लियाका जेङसु।
कालाउ वा कासेहेङ दोअ्हि, “काङको आनुग्रह नाङको भाअ्सिङ गेनेगेल्पा जेङका हि, हाइपालिपानु काङको सरबुङ कोमजोरताबुङ सिद्द जेङखे।” ओदोङ भाअ्सिङ ख्रिस्टको सरबुङ का ह्रुता बासा ह्याको दोअ्तेङ का भरु काङको कोमजोरता हेन्जाङ लेङचातेङसाङ गर्ब पाङका।
ओदोङ भाअ्सिङ केलाइ हारेस माचानाखे। केलाइको बाहारको मारेम्का जिउ नास जेङतेङ हानिलाउ बुङ केलाइको लिताको जिउ चाहि दिनाङ-दिनाङ नावा जेङतेङ हानिखे।
का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।
ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।
परमेस्वर इसिका पाहि, कालाउकि लोका सोमोइता सुमिङको द्याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।
वा दोङ गोताङ खान्धुराइगेलाइको आबा हि जाइ स्वर्ग कालाउ प्रिथिबिता हि।
परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।
आम्तिमता नेलाइ प्रभुता कालाउ वाको बार्का सरबुङसो आत्माता बल्लियाका जेङसु।
ख्रिस्ट जाइ कासेहेङ सरबुङ पिखे वाकोसो दोङ का गोताङ काम पालि द्वाङका।
काङको परमेस्वर ताइको महिमाता वाको सम्पति आन्सार नेलाइको गोताङ खाचो येसु ख्रिस्टता पुरा पापियाङ।
का प्रार्थाना पाखा, कि नेलाइहेङ परमेस्वर ताइको माहान सरबुङ प्रयोग पातेङ हेन्जा बल्लियाका बानाइका हि। कालाउकि नेलाइ धर्य पासु कालाउ आनान्द दोफाङ ताइको गोताङ कस्टगेलाइ सहिलि दोसु।
परमेस्वर ताइको द्याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।
का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।
कालाउ प्रभु काङको दोफा हिघाखे, कालाउ वा दोङ कासेहेङ सरबुङ पिहि, कालाउकि का गोताङ गैर-यहुदिगेलाइहेङ जाइ इन्ता जोम्का हिघाहि, इम्बालाइहेङ येसु ख्रिस्टको सुसमाचार प्राचार पालि द्वाको कालाउ इम्बालाइ झाराङ हिनाको। कालाउ वा कासेहेङ सिकासो बन्चिपाहि, जेसाङ म्हितुका खुवाँको नुइसो हासु बान्चि पावा।
मेको तिका दाल्दालाइका ज्वालाहोइ इम्बालाइ माओहि, कालाउ तरवारहोइ इम्बालाइहेङ मापाल्हि, इम्बालाइ हुइका हिघाहि कालाउ एला बल्लियाका जेङका हि, धुमता बिर जेङका हि, कालाउ इम्बालाइ ताइको सतुरुगेलाइको सिपालाइहेङ खाअ्पाहि।
नेलाइ ताइमिहेङ रेम्का गुनगेलाइहोइ कोइनाका बानाइलि गोइखे जेदोङ राम्खे, इङको मोनोइ कालाउ सान्ति ब्यभार दोङ हि, जेदोङ परमेस्वरको भाअ्सिङ ओसारापाङ जाङका हि।