13 एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।
कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।
केलाइ दुख निङन्हाहि पानु या नेलाइको सान्तावाना कालाउ मुक्तिको भाअ्सिङ हि, केलाइ सान्तावाना निङलाउ बुङ इङको नेलाइको सान्तावानाको भाअ्सिङ हि, केलाइ भोगिका इङकोङ दुखगेलाइ नेलाइ धर्य दोफाङ सहिलि गोइलाउ नेलाइ बुङ सान्तावानाको आनुभब पास्वाना।
ओदोङ भाअ्सिङ परमेस्वरको क्रिपा पाहासो केलाइ दोफा परमेस्वरको बचन प्राचार पाका सेवा हिनाङ केलाइ हारेस माचाङ।
केलाइ रेम्का काम पालि निरास माजेनाइने, हाइपालिपानु जेसापा केलाइ हिम्मत माहारेहे पानु, परमेस्वरको ताइको सोमोइता केलाइ इनाम निनाङ।
ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा।
एसा पासोङ नेलाइ बुङ का दोफा खुसि कालाउ आनान्दित जेङलि गोइस्वाना।
हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्याङगेलाइहेङ साघाइलि द्वाको जेदोङ वाको जिउ मन्डलि दोङ हि।
खान्धुराइ ओनेगेलाइ, नेलाइ रेम्का काम पालि मामाइसु।