एफिसि 3:11 - Dhimal NT

¹¹ परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि।

एफिसि 3:11 Iomraidhean Croise

रोमि 9:11

कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्‍याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।

गलाति 5:24

कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

एफिसि 3:1

ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।