एफिसि 3:1 - Dhimal NT

¹ ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा।

एफिसि 3:1 Iomraidhean Croise

लुका 21:12

कालाउ इदोइ घाटानागेलाइ जेङलि खान्तेङ लाम्फा द्‍याङगेलाइ काङको मिङको कारन नेलाइहेङ रिमावा, साताइयावा कालाउ चाउघारा साअ्गेलाइता चुम्पुतेङ द्वालिहोइ म्हेतावा कालाउ झ्यालखानाता ह्वातावा। आरोङ इम्बालाइ नेलाइहेङ राजा कालाउ बार्का हाकिमगेलाइको आगाता जाअ्पावा।

साल्न्हाका चात्या 21:33

कालाउ रोमि सेनापति पावलको भेरपा हानितेङ रिम्हि, कालाउ न्हेनोङ झिन्झिरिहोइ वासेहेङ धेउलि दोअ्तेङ हुकुम पाहि। कालाउ सेनापति हिअ्हि, “इदोइ द्‍याङ हासु कालाउ वा हाइ गल्ति पाका हि?”

साल्न्हाका चात्या 23:18

ओदोङ भाअ्सिङ कप्तान पावलको भाअ्गेनाहेङ सेनापतिकोता चुम्पुतेङ हानिहि कालाउ दोअ्हि, “कैदि पावल कासेहेङ काइतेङ इदोइ वाजानहेङ नाङकोता सिरपुलि दोअ्का हि, हाइपालिपानु वा नासेहेङ हाइ दोङ दोअ्लि भोखे।”

साल्न्हाका चात्या 26:29

पावल जबाफ पिहि, “आतुइसा सोमोइता ह्याको माकुनु हेन्जाङ ह्याको, नाअ् खिनिङ माको कालाउ नानि काङको काथा हिङका झाराङ का भाइकाङ ख्रिस्टतियन जेनाको दोअ्तेङ परमेस्वर दोफा प्रार्थाना पाङका कालाउ कैदि कोनिङ माको।”

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

2 कोरिन्थि 1:6

केलाइ दुख निङन्हाहि पानु या नेलाइको सान्तावाना कालाउ मुक्तिको भाअ्सिङ हि, केलाइ सान्तावाना निङलाउ बुङ इङको नेलाइको सान्तावानाको भाअ्सिङ हि, केलाइ भोगिका इङकोङ दुखगेलाइ नेलाइ धर्य दोफाङ सहिलि गोइलाउ नेलाइ बुङ सान्तावानाको आनुभब पास्वाना।

2 कोरिन्थि 10:1

का पावल, नेलाइको आगाता हिलाउ मोनोइ जेङघा, कालाउ दुरे हिलाउ नेलाइ प्रति साहासि जेङखा! ख्रिस्टको मोनोइता कालाउ मायारु पाहासो का नेलाइहेङ सेउपाखा।

2 कोरिन्थि 11:23

हाइ इम्बालाइ ख्रिस्टको सेवकगेलाइ दोङ हि? का बुङ झन आसल सेवक हिघा, का पागाला भाइपाङ नुइ धुइतेङ हिघा, का इम्बालाइ खान्तेङ हेन्जाङ परिस्रोम पाघा इम्बालाइ खान्तेङ कासेहेङ हेन्जाङखे झ्यालखानाता ताअ्हि, कासेहेङ गान्दिलि मादोपाङ द्वालिहोइ म्हेहि, एसापा काङको प्रान घुरि-घुरि सङकटता परिहि।

गलाति 5:11

खान्धुराइ ओनेगेलाइ, जेसापा का द्‍याङगेलाइको खाताना हिलि गोयाङ दोअ्तेङ प्राचार पाकानु, का समस्याता मापरिधाङका। कालाउ जेसापा का ख्रिस्टको क्रुसको बिसोइहेङ लाअ्तेङ द्‍याङगेलाइको खाताना हिलि गोयाङ दोअ्का बिसोइता प्राचार पाकानु, का यहुदिगेलाइहेङ चेर माताम्पापिधाङका।

गलाति 5:2

का पावल नेलाइहेङ हाइ दोअ्लि भोखा ध्यान पितेङ हिङसु, नेलाइ परमेस्वरसो धर्मि जेङलि खाताना पासुन्हा पानु, ख्रिस्ट नेलाइको भाअ्सिङ पाका कामको हिदोइ बुङ फाइदा मान्थु।

गलाति 5:24

कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।

एफिसि 3:11

परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि।

एफिसि 3:13

एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

एफिसि 6:20

हाइपालिपानु कासेहेङ इदोङ सुसमाचार प्राचार पालि दिङगिल्का हि, कालाउ का एला इता झ्यालखानाता इङको सुसमाचार एमि परमेस्वरको राजदुत भाइपा पादोङखा। प्रार्थाना पापिसु, कि जेसाङ का धुइलि गोइका हि, एन्साङ दोङ का माअ्थिसिङ सुसमाचार प्राचार पालि द्वाको।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

कलस्सि 4:18

का पावल, पात्ताराको इङको भाग नेलाइहेङ सेउपालि को भाअ्सिङ लेखेदोङखा। फोम ताअ्सु कि का झ्यालखानाता हिघा कालाउ काङको भाअ्सिङ प्रार्थाना पासु। नेलाइ दोफा परमेस्वरको आनुग्रह ह्याको। आमेन।

कलस्सि 4:3

केलाइको भाअ्सिङ बुङ प्रार्थाना पासु, कालाउकि ख्रिस्टको इङको रहस्यको सुसमाचार प्राचार पालि परमेस्वर केलाइहेङ दामा खोलि पाप्याको, जाइको भाअ्सिङ का झ्याल्खानाता हिघा।

2 तिमोथि 1:16

प्रभु आन्सिफरसको जाहानहेङ क्रिपा पाको दोअ्तेङ का प्रार्थाना पाखा। हाइपालिपानु ओन्सिफरस का कस्टता हिलाउ भेतिलि लोहि कालाउ हेन्जाङ खेप साघाइहि। कालाउ कासेहेङ झ्यालखानाता भेतिलि लोलि बुङ मालेदेर हि।

2 तिमोथि 1:8

ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

फिलेमोन 1:1

का पावल इदोइ पात्तारा लेखेदोङखा, का झ्याल्खानाता हिघा हाइपालिपानु का येसु ख्रिस्टको बारेता प्राचार पाघा। का कालाउ का दोफाङ काम पाका खान्धुराइ सानाइति तिमोथिसो नाअ् फिलेमोन केलाइको आनाउ सानाइति कालाउ साघाइकाहेङ सेउपाखा।

फिलेमोन 1:23

इपाफ्रास बुङ का दोफा झ्यालखानाता हि, हाइपालिपानु वा बुङ येसु ख्रिस्टको सेवा पाखे, वा बुङ नासेहेङ सेउपाखा पिगिल्का हि।

प्रकास 2:10

नाअ् भोगिलि तोम्का कस्टसो माअ्थि। साइतान नेलाइ मध्ये हेथेहेङ द्‍याङगेलाइसो रिम्पाखे कालाउ नेलाइहेङ जाचिलिको भाअ्सिङ झ्यालखानाता पिगिल्खे। नाअ् ते दिनाको भाअ्सिङ बार्का समस्याको आनुभब पान्हा। कालाउ नेलाइहेङ सेअ्लाउ बुङ नेलाइ हेलाउ बुङ हारेस माचासु काङकोता खाङधुरि पासु, हाइपालिपानु का नेलाइहेङ आनान्त जिबन प्याङका, इङको चाहि नाङको जिति का को इनाम जेनाङ।