एफिसि 2:8 - Dhimal NT

⁸ हाइपालिपानु जेलाउ नेलाइ खाङधुरि पासुन्हा कालाउ परमेस्वर ताइको आनुग्रह पाहासो नेलाइको मुक्ति पाका हि, नेलाइ ताइमिङ दोङ उद्दार निङका माको, भरु इङकोते परमेस्वरको दान हि।

एफिसि 2:8 Iomraidhean Croise

मत्‍ति 16:17

येसु दोअ्हि नाअ् धन्यको हिना, ओइ योनाको चान सिमोन। हिदोइ बुङ द्‍याङ नासेहेङ इदोइ धिरपाका माको। स्वर्गता हिका काङको परमेस्वर आबा नासेहेङ तिङपा पिका हि।

मत्‍ति 20:9

कालाउ नाइके ना बजेको सोमोइता काम सुरु पाकालाइहेङ लाम्फा काइतेङ झाराङहेङ ए दिनाको निङका पुरा ज्याला चान्दिको एनोङ-एनोङ थुरि पिहि।

मर्कुस 16:16

काङको सुसमाचार ह्रुता खाङधुरि पाका कालाउ एनोङ चिन्हाको रुपता बप्तिस्ता ह्रुकालाइ परमेस्वरसो ताइ-ह्रुता लोका पापगेलाइको साजाइसो बान्चि पावा, कालाउ जाइ हासु बुङ का ह्रुता खाङधुरि पालिसो इन्कार पावा वा परमेस्वरसो ताइको पापको साजाइ निनावा।

लुका 7:50

येसु उङको बेजानहेङ दोअ्हि, परमेस्वर नासेहेङ बान्चिपाहि हाइपालिपानु नाअ् का ह्रुता खाङधुरि पान्हा, सान्तिसो सिता हाने।

युहन्‍ना 3:36

जाइ परमेस्वरको चान ह्रुता खाङधुरि पाखे, वाको दोफा आनान्त जिबन हि। जाइ परमेस्वरको चानको आग्या माकिखे वा आनान्त जिबन मानिनाङ, कालाउ परमेस्वरको दन्ड वाको ह्रुता परियावा।

युहन्‍ना 4:10

येसु वासेहेङ जोबाफ पिहि, “नाअ् मागिखेना कि नासेहेङ परमेस्वर हाइ पिलि खाङखे। कालाउ नाअ् या बुङ मागिखेना कि नाअ् दोफा हासु चि ह्रेखे। जेसापा नाअ् थाहा गिनु इङको का दोफा ह्रेधाना कालाउ का नासेहेङ जिबनको चि पिधाङका जेदोङ जिबन पिखे।”

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

युहन्‍ना 6:35

येसु इम्बालाइहेङ दोअ्हि, आनान्त जिबन पिका तोले का दोङ हिघा, काङकोता लोकालाइ हेलाउ बुङ माम्हितुताङ, कालाउ कासेहेङ खाङधुरि पाकालाइ हेलाउ बुङ चि आम्लि माकिताङ।

युहन्‍ना 6:37

आबा परमेस्वर कासेहेङ पिकागेलाइ झाराङ काङकोता ल्वाङ, कालाउ काङकोता लोकालाइहेङ का हेलाउ बुङ इन्कार मापाङका।

युहन्‍ना 6:40

हाइपालिपानु काङको आबा परमेस्वरको इच्छा इदोइ दोङ हि, कि का चानहेङ खाङका कालाउ का ह्रुता खाङधुरि पाका झाराङ आनान्त जिबन निनाको, कालाउ का वासेहेङ आन्त्यको दिनाता सिकासो सिन्हु पाङका।

युहन्‍ना 6:44

कासेहेङ दिङगिल्का आबा परमेस्वर का दोफा लोलि मन मापिनु हासु बुङ काङकोता लोलि माद्वाङ, कालाउ काङकोता लोका जतिहेङ का सुमिङको आन्त्यको दिनाता सिकासो सिन्हु पाङका।

युहन्‍ना 6:65

कालाउ येसु दोअ्हि, “ओदोङ भाअ्सिङ का नेलाइहेङ दोअ्का हिघा, जेसापा कासेहेङ दिङगिल्का आबा परमेस्वरसो का दोफा लोका मन मापिनु हासु बुङ द्‍याङ काङकोता लोलि माद्वाङ।”

साल्न्हाका चात्या 13:39

कालाउ खाङधुरि पाकालाइ झाराङ येसु पाहासो दोङ गोताङ काथागेलाइसो निरदुसि थाराइहि, जेदोङ मोसाको व्यवस्थाता पाहासो नेलाइको भाअ्सिङ सम्भब मान्थुघाहि।

साल्न्हाका चात्या 14:27

जेलाउ इम्बालाइ एन्टिओक सहरता थुकालि लोहि, कालाउ खान्धुराइगेलाइहेङ जोम्पाहि, कालाउ परमेस्वर इम्बालाइ दोफा पाका गोताङ कामगेलाइको बयान पाहि, कालाउ हेसा परमेस्वर गैर-यहुदिगेलाइहेङ येसु ख्रिस्टता खाङधुरि पालि सक्स्यम बानाइहि।

साल्न्हाका चात्या 15:11

एसा पालि ठिक माको केलाइ खाङधुरि पान्हाखे, कि ओबालाइ भाइपाङ केलाइ बुङ प्रभु येसुको आनुग्रहसो मुक्ति निङका हिनाहि, मोसाको व्यवस्था आग्या केम्नाङ माको।”

साल्न्हाका चात्या 16:14

केलाइको काथा हिङकालाइ मध्ये लिडिया मिङ हिका एमि बेबाल हिघाहि, वा थिआटिरा सहरसो लोका हिघाहि, वा नेल्पा धाबाको ब्यापार पाघाहि। कालाउ वा परमेस्वरको आराधाना पाका बेबाल हिघाहि। पावलको दोअ्का काथाता ध्यान पातेङ हिनाको दोअ्तेङ प्रभु वाको मन खोलि पिहि।

साल्न्हाका चात्या 16:31

इम्बालाइ वासेहेङ दोअ्हि, “प्रभु येसु ख्रिस्टता खाङधुरि पाअ्‌, कालाउ नाअ् कालाउ नाङको जाहानगेलाइ मुक्ति निनावा।”

रोमि 10:14

कालाउ द्‍याङगेलाइ प्रभुहेङ साघाइलिको भाअ्सिङ काइलि खान्तेङ लाम्फा, इम्बालाइ प्रभुहेङ खाङधुरि पालि गोइखे, कालाउ इम्बालाइ वासेहेङ खाङधुरि पालि खान्तेङ लाम्फा, वाको बारेता हिङलि गोइखे, कालाउ द्‍याङगेलाइ प्रभुको बारेता हिङलिको भाअ्सिङ, हासु बुङ इम्बालाइहेङ येसु ख्रिस्टता हेसा खाङधुरि पालि दोअ्लि गोइखे।

रोमि 10:17

ओदोङ भाअ्सिङ खाङधुरि एन्सालाउ लोखे जेलाउ नाअ् बचन हिङखेना, कालाउ इङको बचन ख्रिस्टको बचन दोङ हि।

रोमि 4:16

ओदोङ भाअ्सिङ प्रतिग्या परमेस्वर ह्रुताको खाङधुरिता निर्भर पाखे, कालाउकि परमेस्वरको प्रतिग्या वाको आनुग्रहता पाक्का ह्याको। या प्रतिग्या आब्राहामको हारागुटियागेलाइहेङ खिनिङ माको, जाइ दोफा व्यवस्था हि। कालाउ आब्राहामको भाइका खाङधुरि पाका झाराङको भाअ्सिङ दोङ हि, हाइपालिपानु आब्राहाम केलाइ झाराङको आबा पुर्खा दोङ हि।

रोमि 4:5

कालाउ जाइ परमेस्वरको आनुग्रह निङलिको भाअ्सिङ काम मापाखे, कालाउ दुस्ट द्‍याङगेलाइहेङ ताइको आगाता धर्मि बानाइका परमेस्वर ह्रुता भरोसा ताअ्खे, इन्सिका द्‍याङगेलाइको खाङधुरिको कारन इम्बालाइ धर्मि गान्डिन्हाखे।

रोमि 9:16

ओदोङ भाअ्सिङ द्‍याङको इच्छा माकुनु कोसिसहोइ माको, कालाउ जाइहेङ परमेस्वर क्रिपा पालि भोखे कालाउ वासेहेङ चुनिखे।

गलाति 3:14

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

गलाति 3:22

कालाउ धर्मसास्तर तिङपाखे, कि केलाइ झाराङ पापि हिन्हाहि, कालाउकि परमेस्वर पि दोअ्का बाचा येसु ख्रिस्टता खाङधुरि पाकालाइ निनाको।

एफिसि 1:19

कालाउ केलाइ ख्रिस्टता खाङधुरि पाकालाइको भाअ्सिङ परमेस्वरको सरबुङ हेथे माहान हि, दोअ्का काथा नेलाइ बुङ गिका का भोखा।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 2:5

जेलाउ केलाइ आत्माता सिका हिघान्हाहि, केलाइको ख्रिस्टको दोफाको सम्बन्धको कारन वा केलाइहेङ आनान्त जिबन निङलि योग्य बानाइहि, कालाउ परमेस्वरको आनुग्रहसो नेलाइ मुक्ति निङका हिसुन्हा।

फिलिप्पि 1:29

हाइपालिपानु परमेस्वर नेलाइहेङ ख्रिस्टता खाङधुरि पालि खिनिङ माको, कालाउ वाको ह्रुता खाङधुरि पाकानाङ दुख भोगिलि बुङ आबसर पिका हि।

कलस्सि 2:12

बप्तिस्ता पाहासो नेलाइ ताइको पापमय स्वभाबता लिका दोङ जेसाङ ख्रिस्ट लिन्हाहि। कालाउ नावा स्वभाबता ल्होका हिनाहि जेसाङ ख्रिस्ट सितेङ सिन्चाल्हि। इदोइ गोताङ जेङहि हाइपालिपानु नेलाइ खाङधुरि पासु, कि परमेस्वर ताइको सरबुङ पाहासो ख्रिस्टहेङ आरोङ सिकासो सिन्चाल पाहि।

2 थेस्लोनिकि 1:9

प्रभु इम्बालाइहेङ ताइको आगासो ओल्लापावा कालाउ ताइको बाखिन कालाउ सरबुङ आनुभब पालि माप्याङ। कालाउ परमेस्वर इम्बालाइहेङ आनान्त बिनासको दन्ड प्यावा।

हिब्रु 6:4

हाइपालिपानु जाइ ताइको खाङधुरि लाअ्खे इम्बालाइहेङ आरोङ पाप लाअ्पाका परिस्थिता चुमालि मादोखे। इम्बालाइ एखे परमेस्वरको सत्येताहेङ नाल्तेङ कालाउ स्वर्गसो बरदान निङहि कालाउ इम्बालाइ आरु दोफाङ पबित्तरो आत्मा निङका हि।

1पतरुस 1:5

कालाउ नेलाइको खाङधुरि पाहासोङ, परमेस्वर ताइको सरबुङ पाहासो नेलाइहेङ बान्चिपाङ, जेलाउ थेकापा नेलाइ साइतानको सरबुङसो पुरा मालान्हास्वाना। कालाउ ख्रिस्ट लोका दिनाता या पुरा जेनावा।