एफिसि 2:3 - Dhimal NT

³ केलाइ बुङ एखे इम्बालाइ भाइपाङ हिघानाहि, मारेम्का इच्छा कालाउ जिउको इच्छा पुरा पातेङ ताइको पापमय स्वभाबता जियाइका हिघान्हाहि। कालाउ बो द्‍याङगेलाइ भाइपाङ केलाइ बुङ परमेस्वरको चेरचुङता परिलि गोइधाङ।

एफिसि 2:3 Iomraidhean Croise

मर्कुस 4:19

कालाउ सुमिङको सुरताहोइ, धनको मायारुहोइ कालाउ रेम-रेम्का आनेमानेको लोभ, इदोइ वाको जिबनता लोखे कालाउ परमेस्वरको बचनता आगा बारालि मापिखे। कालाउ इन्सिका द्‍याङ परमेस्वरको बचनता आगा बारालि मादोअ्खे।

युहन्‍ना 1:13

इम्बालाइ ताइको आमाइ-आबासो जोलोम जेङका माको, ना ते हिदोइ बुङ द्‍याङको इच्छासो, ना ते द्‍याङको सान्तान निङलिको इच्साहोइ, कालाउ परमेस्वर पाहासो जोलोम जेङखे।

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

साल्न्हाका चात्या 14:16

हानेका सोमोइगेलाइता परमेस्वर गोताङ जातिगेलाइहेङ ता-ताइकोङ मुन्धुम आन्सार चलिलि पिहि।

रोमि 1:24

ओदोङ भाअ्सिङ परमेस्वर इम्बालाइहेङ इम्बालाइकोङ मारेम्का बिचारता लाअ्पिहि, कालाउकि इम्बालाइ ता-ताइमिता ताइको जिउहोइ मारेम्का कामगेलाइ पातेङ ताइको जिउको आनादार पाको।

रोमि 11:30

हाइपालिपानु जेसाङ नेलाइ बुङ एखे परमेस्वरको आग्या माकिका हिघासुखेना, कालाउ एला इस्राएललिगेलाइ आग्या माकेम्नाङ परमेस्वरको दाया नेलाइ निङका हिसुना।

रोमि 13:14

कालाउ प्रभु येसु ख्रिस्ट कोनिङ जेङसु, कालाउ पापमय स्वभाबको लान्सा पुरा पाका काथाता ध्यान मापासु।

रोमि 2:14

जेलाउ गैर-यहुदिगेलाइ दोफा मोसाको व्यवस्था दोङ मान्थु, कालाउ जेलाउ ओबालाइ व्यवस्था आन्सार कामगेलाइ पाखे पानु, ओबालाइ दोफा व्यवस्था मान्थुलाउ बुङ ताइको काम पाहासो तिङपाखे कि ओबालाइको मनता व्यवस्था हिखे।

रोमि 5:10

हाइपालिपानु केलाइ परमेस्वरको सतरु हिलाउ दोङ वाको चानको सिका पाहासो परमेस्वर दोफा केलाइको मिलाप जेङका हिघाहि, ओदोङ भाअ्सिङ केलाइ निसित हिनाहि कि एला केलाइ वाको दोफा मिलिकानाङ, वा दोङ केलाइहेङ बान्चि पावा, हाइपालिपानु ख्रिस्ट सिन्हुका हि।

रोमि 5:9

केलाइ परमेस्वरको आगाता एसापा धर्मि बानाइका हिनाहि, हाइपालिपानु ख्रिस्ट केलाइको भाअ्सिङ सिहि, कालाउ केलाइको पापको भाअ्सिङ ताइको हिति होपाहि। कालाउ ख्रिस्ट जातिङकोङ परमेस्वरको चेरचुङसो केलाइहेङ बान्चिपाङ।

रोमि 6:12

ओदोङ भाअ्सिङ नेलाइको जिउको पापि इच्छागेलाइहेङ नेलाइको जिबनहेङ काबुता पालि मापि, कालाउ ताइको पापमय इच्छा आन्सार काम मापा।

रोमि 7:18

हाइपालिपानु कासेहेङ थाहा हि, कि काङको पापमय स्वभाबता हाइ दोङ आसल काथा मान्थु, हाइपालिपानु जेदोङ रेम्का हि, इङको पालि इच्छा का दोफा हि, कालाउ का इङको पालि माद्वाङका।

रोमि 9:22

एन्साङ पातेङ परमेस्वरहेङ बुङ ताइमिङ दोङ बानाइका द्‍याङगेलाइ दोफा ताइको इच्छा आन्सार पालि खाबारा हि। परमेस्वर ताइको चेरचुङ तिङपालि कालाउ नासा पालि झाराङको बिरोधता ताइको सरबुङ देखाल पालि भोखे, कालाउ वा धर्य दोफा इम्बालाइहेङ सहि पिहि।

1 कोरिन्थि 4:7

हाइपालिपानु हासु बुङ नेलाइहेङ आरु खान्तेङ बार्का बानाइका मान्थु। हाइपालिपानु नेलाइ दोफा हिका गोताङ काथा परमेस्वर दोङ नेलाइहेङ पिका हि। जेसापा नाङको दोफा हिका गोताङ काथा परमेस्वरको हि पानु, नाङको दोफा घमन्ड पाका कारन मान्थु।

2 कोरिन्थि 7:1

ओदोङ भाअ्सिङ ओइ आनाउ सानाइतिगेलाइ, केलाइ दोफा इदोइ प्रतिग्यागेलाइ हिनाङ केलाइको जिउ कालाउ आत्माहेङ आसुद्द पाका गोताङ खाल्को मारेम्का कामगेलाइ पालि लाअ्सु, कालाउ परमेस्वरको आदार पातेङ केलाइ गोताङ रुपता पबित्तरो जिबन बितिपाका कोसिस पालि गोइखे।

गलाति 3:22

कालाउ धर्मसास्तर तिङपाखे, कि केलाइ झाराङ पापि हिन्हाहि, कालाउकि परमेस्वर पि दोअ्का बाचा येसु ख्रिस्टता खाङधुरि पाकालाइ निनाको।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 4:22

नेलाइको सिक्स्यकगेलाइ पुर्ना स्वभाव कालाउ पुर्ना चालचलन लाअ्लि गोइखे दोअ्तेङ नेलाइहेङ धिर्पाका हिघाहि, नेलाइको मारेम्का इच्छाहोइ नेलाइहेङ धोका पिहि कालाउ नेलाइको जिबनहेङ बार्बाद पाहि।

कलस्सि 1:21

हानिका सोमोइता दुस्ट काम पातेङ नेलाइ परमेस्वरसो दुरे जेङसुन्हा कालाउ ताइको मनता बिरोधि जेङका हिघासुखेना।

1 थेस्लोनिकि 4:13

ओइ खान्धुराइ ओनेगेलाइ, केलाइ चाहिनाखे कि नेलाइ गिसु, कि इङको खान्धुराइ जाइ सिलि दोका हि इम्बालाइ दोफा हाइ जेनाङ वाला। नेलाइ आस मान्थुका द्‍याङगेलाइ भाइका सोक मापासु। हाइपालिपानु इम्बालाइ दोफा सितेङ आरोङ सिन्चालाङ दोअ्का हिदोइ बुङ आस मान्थु।

1 थेस्लोनिकि 5:6

ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

1तिमोथि 6:9

कालाउ धनि जेङलि इच्छा पाका द्‍याङगेलाइ परिक्स्याता परिखे, कालाउ गुपुस लाअ्साता देका भाइपाङ इम्बालाइ लाअ्साता देखे। कालाउ इम्बालाइ इसिका काम पालि भोखे जेदोङ आनाइ कालाउ खतारानाक जेङखे कालाउ इसिका मारेम्का इच्साहोइ वासेहेङ नासाका थामेता थुका पापुखे।

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 2:18

इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

१ युहन्‍ना 2:16

हाइपालिपानु सुमिङता हिका गोताङ आनेमाने जिसिकाङ जिउको लान्छा, मिसियाँको लान्छा, जिबनको घमन्डि आबा परमेस्वरसो लोका माको, भरु सुमिङसो लोका हि।

१ युहन्‍ना 2:8

कालाउ बुङ एनोङ नावा आग्या का नेलाइहेङ लेखेदोङखा, हाइपालिपानु इदोइ आग्याको सत्येता ख्रिस्टता तिङचाहि कालाउ नेलाइकोता बुङ तिङचाल्हाहि। हाइपालिपानु कितिकितिका भाइकाङ दुस्टता बितितेङ हि कालाउ परमेस्वरको सत्ये फाइसालामका भाइकाङ आन्चासोङ जोल्तेङ हि।