एफिसि 2:21 - Dhimal NT

²¹ एन्साङ पातेङ वा ताइको गोताङ द्‍याङगेलाइहेङ प्रभुको पबित्तरो मुन्दिर जेङलि ए-दोफाङ तेअ्पाका हि।

एफिसि 2:21 Iomraidhean Croise

1 कोरिन्थि 3:9

हाइपालिपानु केलाइ झाराङ काम पाका परमेस्वरको खेतालागेलाइ हिन्हाहि, कालाउ नाअ् कोरिन्थ सहरको खान्धुराइगेलाइ चाहि परमेस्वरको मिलिङ भाइका हिसुन्हा, कालाउ का नेलाइको तुलाना इङको साअ् दोफा पालि द्वाङका जेदोङ साअ् परमेस्वर धाम्लि तोम्का हि।

2 कोरिन्थि 6:16

मुर्तिगेलाइहेङ परमेस्वरको मुन्दिरको हिदोइ बुङ थामे मान्थु, कालाउ केलाइ सिन्हुका परमेस्वरको मुन्दिरगेलाइ दोङ हिनाहि जेसाङ परमेस्वर धर्मसास्तरता दोअ्का हि, “का उङको द्‍याङगेलाइकोता बासा ह्याङका, कालाउ इम्बालाइको माझाता हिगिल्लाङका, कालाउ का इम्बालाइको परमेस्वर जेनाङका, कालाउ इम्बालाइ काङको द्‍याङगेलाइ जेनावा।”

1तिमोथि 3:15

कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।