एफिसि 2:2 - Dhimal NT

² लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 2:2 Iomraidhean Croise

मत्‍ति 11:19

का द्‍याङको चान बुङ द्‍याङगेलाइ भाइपा चागिल्घा आमगिल्घा कालाउ इम्बालाइ कासेहेङ जिहुका, म्हाका पोत ल्होपाकालाइको कालाउ पापिगेलाइको सानाइति दोअ्तेङ दुसिखे। कालाउ हिदोइ बुङ द्‍याङको कामहोइ या साबित पाखे कि वा बुद्दिमानि हि।

मत्‍ति 13:22

आधिमि द्‍याङगेलाइ चुइको झुन्झिता भाइका हि, जेता चालाइ बिन्हाका हि, जाइ इसिका द्‍याङ हि वा परमेस्वरको बचन हिङखे कालाउ सुमिङको सुरताहोइ, धनको मायारुहोइ कालाउ रेम-रेम्का आमेने तिङतेङ बचनहेङ लाअ्पिगिल्खे, कालाउ वा हिदोइ बुङ फल सेपालि मादोखे।

मत्‍ति 13:38

मिलिङ चाहि सुमिङको द्‍याङगेलाइ हि, रेम्का चालाइ चाहि परमेस्वरको सासनको द्‍याङगेलाइ हि, कालाउ सामा चाहि साइतानको द्‍याङगेलाइ हि।

मर्कुस 4:19

कालाउ सुमिङको सुरताहोइ, धनको मायारुहोइ कालाउ रेम-रेम्का आनेमानेको लोभ, इदोइ वाको जिबनता लोखे कालाउ परमेस्वरको बचनता आगा बारालि मापिखे। कालाउ इन्सिका द्‍याङ परमेस्वरको बचनता आगा बारालि मादोअ्खे।

लुका 16:8

इदोइ काथा थाहा निङतेङ गिह्रि उङको बेमान खारान्जियाको चतुराइको बाखिन पाहि, हाइपालिपानु वा चतुर पातेङ काम पाहि। इदोइ, सुमिङको द्‍याङगेलाइ ताइको सानाइतिगेलाइ दोफा पाका ब्यभारता धर्मि द्‍याङगेलाइ खान्तेङ हेन्जा चतुराइ हिखे।

लुका 22:31

कालाउ न्हुसो येसु दोअ्हि, सिमोन ओइ सिमोन, हिङ नेलाइ झाराङहेङ साइतान परमेस्वर दोफा जाचिलि आनुमति ह्रेका हि, रेम्कासो मारेम्का खेनावा, जेसाङ एमि किसान बुङ गहमसो पिताना खेनावा।

युहन्‍ना 12:31

एला इदोइ सुमिङको द्‍याङगेलाइहेङ परमेस्वरको न्याय पाका सोमोइ लोका हि। कालाउ येसु साइतानको सरबुङहेङ नासा पाका सोमोइ बुङ लोका हि, जाइ इदोइ सुमिङको सासक हि।

युहन्‍ना 13:2

येसु ताइको चात्यागेलाइ दोफा दिलिमाको उम चाघाहि। इङको बेला साइतान सिमोनको चान यहुदा इस्कोरियतको मनता येसुहेङ धोका पिका बिचार लाम्फासोङ मनता ह्वापिका हिघाहि।

युहन्‍ना 13:27

जेसाङ यहुदा तोलेको टुक्रा चातेङ न्हुसो, येसु वासेहेङ दोअ्हि, नाअ् जेदोङ पालि खाङखेना इङको धेमाङ पाअ्‌। कालाउ न्हुसो यहुदाता साइतान दुल्हि।

युहन्‍ना 14:30

कालाउ का नेलाइ दोफा काथा पालि हेन्जा सोमोइ मान्थु, हाइपालिपानु इदोइ सुमिङको सासक साइतान लोदोङखे कालाउ वाको का ह्रुता हाइ दोङ खाबारा मान्थु।

युहन्‍ना 15:19

जेसापा नेलाइ इदोइ सुमिङको द्‍याङगेलाइ भाइका नुते सुमिङको द्‍याङगेलाइ नासेहेङ ताइको दोअ्तेङ प्रेम पाधावा। कालाउ नेलाइ इदोइ सुमिङको माको। का नेलाइहेङ सुमिङसो साल्घा, ओदोङ भाअ्सिङ सुमिङ नेलाइहेङ मन्दा माताखे।

युहन्‍ना 16:11

कालाउ पबित्तरो आत्मा इम्बालाइहेङ न्याय तिङपा प्याङ, हाइपालिपानु परमेस्वर लाम्फा दोङ इदोइ सुमिङको सासक माकुनु साइतानहेङ दुसिका थोहोराइका हि।

युहन्‍ना 7:7

सुमिङ नेलाइहेङ सिकालि माद्वाङ, कालाउ कासेहेङते सिकातावा हाइपालिपानु सुमिङको बिसोइता वाको कामगेलाइ दुस्ट हि दोअ्तेङ का साक्सि पिखा।

युहन्‍ना 8:23

कालाउ येसु इम्बालाइहेङ दोअ्हि, नेलाइ इदोइ सुमिङता जोलोम जेङका हिघासुखेना, कालाउ का स्वर्गसो लोका हिघा। नेलाइ इदोइ सुमिङको हिसुना कालाउ का चाहि इदोइ सुमिङको माको।

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

साल्न्हाका चात्या 19:35

कालाउ न्हुसो सहरको हाकिम इम्बालाइहेङ सिकापा पातेङ दोअ्हि, “एफिसिगेलाइ! गोताङ सुमिङता द्‍याङगेलाइ गिखे, कि एफिसस सहरको द्‍याङगेलाइ चाहि माहान देबि आर्तेमिस मुन्दिर पाहासो रक्स्या पाखे, कालाउ वाको मुर्ति आकाससो हुल्का दोङ।

साल्न्हाका चात्या 5:3

कालाउ पतरुस दोअ्हि, “हननिया, पबित्तरो आत्माहेङ धाताइलि कालाउ मिलिङ पिइका ताकासो आधे भाग ताइमि दोफा ताअ्लि हेसा साइतान ताइको मनता ह्वापिहि?

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

1 कोरिन्थि 5:10

याको माने, इदोइ सुमिङको कासिबिरिगेलाइ, चिचाहागेलाइ, धाताइकालाइ, मुर्ति पुजा पाकालाइ दोफा हेलाउ बुङ सङगत मापासु दोअ्का माको, माकुनुते नेलाइ सुमिङसोङ बाहार हानिलि गोइधास्वाना।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

गलाति 1:4

केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

एफिसि 1:21

इन्ता ख्रिस्ट गोताङ सासकगेलाइ, आधिकारिगेलाइ, सरबुङगेलाइ, कालाउ राजागेलाइ खान्तेङ ह्रुता, कालाउ इदोइ युगको खिनिङ माको, कालाउ लोका युगता बुङ गोताङ उपादिगेलाइ खान्तेङ झाउका हि।

एफिसि 2:11

ओदोङ भाअ्सिङ नेलाइ फोम पासु, नेलाइ गैर-यहुदि जेङतेङ जोलोम नाङ, यहुदिगेलाइ नेलाइको खाताना पाका मान्थु दोअ्तेङ खुजालाइखे, कालाउ इम्बालाइको खाताना जेङका कारन इम्बालाइ दोअ्खे कि केलाइते परमेस्वरको द्‍याङगेलाइ हिनाहि। कालाउ इङकोते जिउको खिनिङ खाताना हि हृदयको माको।

एफिसि 2:13

ए सोमोइता नेलाइ परमेस्वरसो दुरे हिघासुखेना, कालाउ एला नेलाइको येसु ख्रिस्ट दोफाको सम्बन्धको कारन ख्रिस्टको हिति पाहासो नेलाइहेङ परमेस्वर ताइको भेरपाङ चुमाका हि।

एफिसि 2:3

केलाइ बुङ एखे इम्बालाइ भाइपाङ हिघानाहि, मारेम्का इच्छा कालाउ जिउको इच्छा पुरा पातेङ ताइको पापमय स्वभाबता जियाइका हिघान्हाहि। कालाउ बो द्‍याङगेलाइ भाइपाङ केलाइ बुङ परमेस्वरको चेरचुङता परिलि गोइधाङ।

एफिसि 4:17

ओदोङ भाअ्सिङ प्रभुको पिका खाबारासो का या दोअ्खा, कि परमेस्वरहेङ मानाल्का द्‍याङगेलाइ कोनिङ उदेस्य मान्थुका जिबन माजियाइने।

एफिसि 4:22

नेलाइको सिक्स्यकगेलाइ पुर्ना स्वभाव कालाउ पुर्ना चालचलन लाअ्लि गोइखे दोअ्तेङ नेलाइहेङ धिर्पाका हिघाहि, नेलाइको मारेम्का इच्छाहोइ नेलाइहेङ धोका पिहि कालाउ नेलाइको जिबनहेङ बार्बाद पाहि।

एफिसि 5:6

हासु बुङ नेलाइहेङ इन्सिका पाप पालाउ परमेस्वर दन्ड माप्याङ दोअ्तेङ धोका माप्याको। हाइपालिपानु इन्सिका पापको कारनहोइ दोङ आत्तेरिगेलाइ ह्रुता परमेस्वरको क्रोड परिखे।

एफिसि 5:8

हाइपालिपानु नेलाइ कितिकितिका हिका द्‍याङगेलाइ कोनिङ हिघासुखेना, कालाउ एला नेलाइ फाइसालामकाको द्‍याङगेलाइ हिसुन्हा, हाइपालिपानु नेलाइ प्रभुको हिसुन्हा। ओदोङ भाअ्सिङ फाइसालामकाको द्‍याङगेलाइ कोनिङ जियाइसु।

एफिसि 6:12

हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

कलस्सि 1:21

हानिका सोमोइता दुस्ट काम पातेङ नेलाइ परमेस्वरसो दुरे जेङसुन्हा कालाउ ताइको मनता बिरोधि जेङका हिघासुखेना।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

याकुब 1:27

आबा परमेस्वरको आगाता सुद्द कालाउ पबित्तरो धर्म इदोइ दोङ हि: माउरिया कालाउ के सिकालाइहेङ इम्बालाइको दुखता खाङलि गोइखे कालाउ ताइमिहेङ सुमिङको मारेम्का काथागेलाइसो फारापा हिलि गोइखे।

याकुब 1:7

इन्सिका द्‍याङ या मासम्झ्याको, कि वा प्रभुसो हाइ दोङ निनाको।

याकुब 4:4

ओइ परमेस्वरको खाङधुरि योग्य मान्थुका द्‍याङगेलाइ, इदोइ सुमिङको काथागेलाइको सानाइति परमेस्वर दोफाको सतुरु दोङ दोअ्का काथा हाइ नेलाइहेङ थाहा मान्थु? ओदोङ भाअ्सिङ जाइ सुमिङ दोफा सानाइति जेङलि भोखे वा दोङ ताइमिहेङ परमेस्वरको सतुरु बानाइखे।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

1पतरुस 4:3

लाम्फा नेलाइ खाङधुरि मापाकालाइहेङ मन परिका काम पातेङ हेन्जाङ सोमोइ बार्बाद पासुन्हा। नेलाइको जिबन आनैतिक्ता, लान्सा, भोज, मधपान, मजमज्जा, कालाउ मुर्ति पुजाता बितिहि, जाइहेङ परमेस्वर मन्दा माताखे।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

१ युहन्‍ना 3:10

परमेस्वरको सान्तान हासु कालाउ साइतानको सान्तान हासु एसापा नाल्खे, जाइ परमेस्वरको आगाता आसल काम पाखे कालाउ जाइ आरु खान्धुराइगेलाइहेङ प्रेम पाखे उङको दोङ परमेस्वरको सान्तान दोङ हि।

१ युहन्‍ना 3:8

जाइ लागातार पाप पाखे वा साइतान पाहासो हि। हाइपालिपानु साइतानते लाम्फासोङ पाप पाकाताङ लोका हि। साइतानको कामगेलाइ नासा पालिको भाअ्सिङ परमेस्वरको चान लोहि।

१ युहन्‍ना 4:4

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

१ युहन्‍ना 5:19

केलाइ गिनाखे, केलाइ परमेस्वरको हिनाहि, कालाउ सारा सुमिङको द्‍याङगेलाइ साइतानको खाबाराता परिका हि।

१ युहन्‍ना 5:4

हाइपालिपानु परमेस्वरको गोताङ सान्तान इदोइ सुमिङको मारेम्का काथागेलाइहेङ इन्कार पाका हि। कालाउ केलाइको खाङधुरिसो दोङ केलाइ इदोइ सुमिङको मारेम्का काथागेलाइहेङ जितिका हिनाहि।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 16:17

न्हितेङ स्वर्गदुत ताइको जाम बातिता जेदोङ साजाइ हिघाहि वासेहेङ भेरमाता हुहि। कालाउ स्वर्गता हिका मुन्दिरको लितासो परमेस्वरको सिङहासनसो, का हासुको बुङ इसिका ह्रिकाइतेङ हिका हिङघा, “का गोताङ काम पुरा पाघा।”

प्रकास 20:2

वा बारका आजिङगरहेङ रिम्हि कालाउ झिन्झिरिहोइ ए-हाजार बासारको भाअ्सिङ जिङतेङ राहि, इङको बारका आजिङगर ओदोङ हि जाइ हेन्जा सोमोइ लाम्फा पुह्याँको रुपता देखाल जेङहि। वाको मिङ साइतान हि।