एफिसि 2:13 - Dhimal NT

¹³ ए सोमोइता नेलाइ परमेस्वरसो दुरे हिघासुखेना, कालाउ एला नेलाइको येसु ख्रिस्ट दोफाको सम्बन्धको कारन ख्रिस्टको हिति पाहासो नेलाइहेङ परमेस्वर ताइको भेरपाङ चुमाका हि।

एफिसि 2:13 Iomraidhean Croise

युहन्‍ना 10:16

“काङको आरोङ बुङ भेडा हि, जाइ इदोइ ग्वालेङको माको। इम्बालाइहेङ बुङ का चुमालि गोइका हि, कालाउ इम्बालाइ काङको गाला नालावा, कालाउ इम्बालाइ एनोङ दोङ हुल जेङतेङ एनोङ लाखुरिया जेनावा।

साल्न्हाका चात्या 15:14

सिमोन पतरुस ब्याख्या पाहि, कि परमेस्वर लाम्फा दोङ गैर-यहुदिगेलाइहेङ इसिका कृपा पाहि, कि आधे द्‍याङगेलाइहेङ ताइको प्रजा जेङलि साल्हि।

साल्न्हाका चात्या 2:39

हाइपालिपानु इदोइ बाचा नेलाइको भाअ्सिङ कालाउ नेलाइको जामाललाइको भाअ्सिङ कालाउ उङको गोताङ द्‍याङको भाअ्सिङ जाइ दुरे हि, कालाउ झाराङ जाइहेङ प्रभु केलाइको परमेस्वर काइखे।

साल्न्हाका चात्या 22:21

कालाउ प्रभु कासेहेङ दोअ्हि, “हाने, हाइपालिपानु नासेहेङ दुरे-दुरे थेकापा गैर-यहुदिगेलाइकोता दिङगिल्लाङका।”

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

रोमि 8:1

ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

1 कोरिन्थि 12:13

हाइपालिपानु एनोङ दोङ पबित्तरो आत्मासो केलाइ झाराङ एनोङ दोङ जिउता बप्तिस्ता निङका हिनाहि। चाहे इङको यहुदि ह्याको, चाहे गैर-यहुदि, चाहे बान्धाइति, चाहे बान्धाइति माको, केलाइ झाराङ एनोङ दोङ पबित्तरो आत्मा निङका हिन्हाहि।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

2 कोरिन्थि 5:17

ओदोङ भाअ्सिङ जेसापा हासुकोङ बुङ ख्रिस्ट दोफा सम्बन्ध हि पानु वाको दोफा नावा स्वभाव हि, खाङसु पुर्ना माअ्तेङ हानिहोइ नावा स्वभाव लोका हि।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

एफिसि 1:1

परमेस्वरको छाल्न्हाका चात्या जेङलि चुनिका का पावल, येसु ख्रिस्टता खाङधुरि पाका एफिसस सहरता हिका परमेस्वरको पबित्तरो जनगेलाइहेङ इदोइ पात्तारा लेखेदोङखा।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 2:12

नेलाइ परमेस्वर दोङ यहुदि द्‍याङगेलाइहेङ प्रतिग्या पाका काथाता बुङ सहभागि माजेङसुन्हा। फोम ताअ्सु, हानिका दिनागेलाइता नेलाइ ख्रिस्टहेङ नाल्का मान्थु घासुखेना, कालाउ नेलाइ परमेस्वरको चुनिका इस्राएलको द्‍याङगेलाइको रुपता मान्थु घासुखेना। कालाउ परमेस्वर प्रतिग्या पाका बाचाता नेलाइको हिदोइ बुङ थामे मान्थुघाखे। कालाउ नेलाइ इदोइ सुमिङता आस माकोसिङको कालाउ परमेस्वर बिनाको हिघासुखेना।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 2:6

केलाइको येसु ख्रिस्ट दोफाको सम्बन्धको कारन परमेस्वर केलाइहेङ बुङ सिकासो सिन्चाल पाहि, कालाउ वाको दोफाङ स्वर्गता सासन पालि पिहि।

हिब्रु 9:18

ओदोङ भाअ्सिङ लाङ कारार बुङ हिति माकोसिङ सुरु जेङलि मादोहि, जेदोङहोइ सिका तिङपाखे।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।