एफिसि 2:11 - Dhimal NT

¹¹ ओदोङ भाअ्सिङ नेलाइ फोम पासु, नेलाइ गैर-यहुदि जेङतेङ जोलोम नाङ, यहुदिगेलाइ नेलाइको खाताना पाका मान्थु दोअ्तेङ खुजालाइखे, कालाउ इम्बालाइको खाताना जेङका कारन इम्बालाइ दोअ्खे कि केलाइते परमेस्वरको द्‍याङगेलाइ हिनाहि। कालाउ इङकोते जिउको खिनिङ खाताना हि हृदयको माको।

एफिसि 2:11 Iomraidhean Croise

मत्‍ति 20:7

कालाउ खेतालागेलाइ वासेहेङ दोअ्हि, केलाइहेङ हासु बुङ ज्यालाता काम लागाइका मान्थु। कालाउ वा इम्बालाइहेङ दोअ्हि, “एन्सा पानु नेलाइ बुङ काङको आङगुरको बारिता काम पालि हानेसु कुनु।

रोमि 11:17

इस्राएल सारभिको द्‍याङगेलाइ रेम्का जैतुन सिङको दालेङगेलाइ भाइका दोङ हि, कालाउ पुर्खा आब्राहाम, इसाहाक, कालाउ केलाइको पुर्खा याकुब इङको सिङको जारि भाइका दोङ हि। कालाउ जेसापा हिदोइ बुङ दालेङगेलाइ पोन्हाहे पानु कालाउ नेलाइ झारभारिको जैतुन जेङतेङ इम्बालाइ दोफा रेम्का जैतुनको सिङता कलमि जेङका हिसुना। यहुदि द्‍याङगेलाइसो नेलाइ फाइदा निङसुन्हा, जेसाङ झारभारिको जैतुनको दालेङहोइ रेम्का जैतुनको सिङता कलमि जेङतेङ इङको सिङसो फाइदा निङका हिसुना।

रोमि 2:26

याको माने इदोइ कि परमेस्वर निसित दोङ गैर-यहुदिगेलाइको वास्ता पाखे। जेसापा इम्बालाइ व्यवस्थाता हिका आग्यागेलाइ केम्खे पानु, खाताना माजेङका गैर-यहुदिगेलाइ बुङ परमेस्वरको द्‍याङगेलाइ जेङलि द्वाङ।

रोमि 2:27

नेलाइ खाताना जेङका यहुदिगेलाइ खाताना माजेङका गैर-यहुदिगेलाइसो दुसिका थोहोराइयाङ, हाइपालिपानु नेलाइ मोसाको व्यवस्था निङतेङ कालाउ जिउता खाताना जेङतेङ बुङ व्यवस्थाहेङ माकेम्सुखेना। कालाउ जिउता खाताना माजेङलाउ बुङ गैर-यहुदिगेलाइ चाहि व्यवस्था केम्खे।

1 कोरिन्थि 12:2

नेलाइहेङ थाहा दोङ हि कि, जेलाउ नेलाइ खान्धुराइ मान्थु घासुखेना, कालाउ नेलाइ हिदोइ बुङ प्रकारहोइ प्रभाबित जेङतेङ नुइ धुइलि मादोका मुर्ति पुजा भारि लागिका हिघासुखेना।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

गलाति 2:15

केलाइ जोलोम सोङ यहुदिगेलाइ दोङ हिनाहि, कालाउ गैर-यहुदिगेलाइ कोनिङ पापि माको, जेसाङ केलाइ इम्बालाइहेङ दोअ्न्हाखे।

गलाति 6:12

यहुदिगेलाइ नेलाइहेङ सुइकार पाको दोअ्तेङ, इम्बालाइ नेलाइहेङ खाताना पालि कर लागाइखे। इम्बालाइ एसा दोअ्खे, कालाउकि हासु बुङ इम्बालाइहेङ मासाताइयाको, हाइपालिपानु येसु ख्रिस्ट जाइ क्रुसता सिहि वाको ह्रुता खाङधुरि पातेङ खिनिङ परमेस्वर केलाइहेङ बान्चिपालि द्वाङ दोअ्तेङ इम्बालाइ प्राचार पाखे।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 5:8

हाइपालिपानु नेलाइ कितिकितिका हिका द्‍याङगेलाइ कोनिङ हिघासुखेना, कालाउ एला नेलाइ फाइसालामकाको द्‍याङगेलाइ हिसुन्हा, हाइपालिपानु नेलाइ प्रभुको हिसुन्हा। ओदोङ भाअ्सिङ फाइसालामकाको द्‍याङगेलाइ कोनिङ जियाइसु।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

कलस्सि 1:21

हानिका सोमोइता दुस्ट काम पातेङ नेलाइ परमेस्वरसो दुरे जेङसुन्हा कालाउ ताइको मनता बिरोधि जेङका हिघासुखेना।

कलस्सि 2:11

जेलाउ नेलाइ ख्रिस्टता लोसुन्हा, नेलाइको खाताना जिउको तरिकासो माको कालाउ आत्मिक तरिकासो जेङका हिघाहि कालाउ इदोइ नेलाइको पापमय स्वभाबहेङ लाअ्का भाइका हि।

कलस्सि 2:13

नेलाइ खाङधुरि पाका खान्तेङ लाम्फा आत्माता सिका हिघासुन्हा, हाइपालिपानु नेलाइ ताइको आपाराध कालाउ ताइको पापमय स्वभाबसो स्वतन्तरो जेङका मान्थु घासुन्हा, कालाउ परमेस्वर केलाइको गोताङ आपाराध स्यामा पापिहि कालाउ ख्रिस्ट दोफाङ सिन्हु पाहि।

कलस्सि 3:11

ओदोङ भाअ्सिङ ग्रिक कालाउ यहुदिगेलाइको माझाता हिदोइ बुङ फरक मान्थु। खाताना कालाउ खाताना मापाका, एमि बिदेसि माकुनु आसभ्य द्‍याङ, बान्धाइति कालाउ बान्धाइति माजेङका कालाउ ख्रिस्ट दोङ महत्व पुर्न हि कालाउ वा नेलाइ झाराङता हिखे।