एफिसि 1:6 - Dhimal NT

⁶ कालाउकि केलाइ वाको बार्का आनुग्रहको भाअ्सिङ परमेस्वरको बाखानाइ पालि द्वाको। या वा ताइको चान दोफाको केलाइको सम्बन्धको कारन केलाइहेङ एन्साङ पिका हि।

एफिसि 1:6 Iomraidhean Croise

मत्‍ति 17:5

जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। बादेल लितासो परमेस्वर नुइ धुइलि तेङहि, “वा काङको मायारु चान, वा दोफा का लेङचाका हिघा वाको दोअ्का काथाता मन पिसु।”

मत्‍ति 20:9

कालाउ नाइके ना बजेको सोमोइता काम सुरु पाकालाइहेङ लाम्फा काइतेङ झाराङहेङ ए दिनाको निङका पुरा ज्याला चान्दिको एनोङ-एनोङ थुरि पिहि।

मत्‍ति 3:17

कालाउ आकाससो परमेस्वरको इसिका एनोङ गाला लोहि, या काङको मायारु चान का वाको दोफा लेङचाका हिघा।

लुका 2:14

सर्बच्चा स्वर्गिय परमेस्वरहेङ महिमा, कालाउ प्रिथिबिता जेदोङ द्‍याङगेलाइ दोफा परमेस्वर खुसि हि, नेलाइहेङ सान्ति ज्याको।

युहन्‍ना 10:17

काङको आबा कासेहेङ मायारु पाखे, हाइपालिपानु का ताइको इच्छाहोइ सियाङका कालाउकि का आरोङ सिन्हुलि द्वाको।

युहन्‍ना 3:35

आबा परमेस्वर चानहेङ प्रेम पाखे कालाउ गोताङ आनेमाने वाकोङ खुरता पिका हि।

रोमि 8:1

ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

2 कोरिन्थि 4:15

हाइपालिपानु केलाइ सहिका इदोइ गोताङ कस्टगेलाइ नेलाइको भलाइको भाअ्सिङ जेङका हि, हेन्जाङ खान्तेङ हेन्जा द्‍याङगेलाइ थाहा निङलि द्वाको कि परमेस्वर हेथे दायालु हि, एन्साङ दोङ परमेस्वरको महिमाको भाअ्सिङ हेन्जा द्‍याङगेलाइ वासेहेङ धन्यबाद चढाइयाको।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

एफिसि 1:12

परमेस्वर एसा पाहि, कालाउकि केलाइ यहुदिगेलाइ जाइ ख्रिस्टता लाम्फासोङ आस ताअ्का हिनाहि, केलाइ परमेस्वरको बाखिन कालाउ महिमा पाइने।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

एफिसि 2:7

परमेस्वर इसिका पाहि, कालाउकि लोका सोमोइता सुमिङको द्‍याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।

फिलिप्पि 1:11

कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

फिलिप्पि 3:9

कालाउकि का ख्रिस्ट दोफा ए जेङलि द्वाको, कालाउ काङको धार्मिकता व्यवस्था केम्लि पाका आधारता माको, कालाउ काङको धार्मिकता परमेस्वरसो पिका धार्मिकताको आदार दोङ हि, जाइ का ख्रिस्टता खाङधुरि पानाङ खिनिङ लोखे।

फिलिप्पि 4:19

काङको परमेस्वर ताइको महिमाता वाको सम्पति आन्सार नेलाइको गोताङ खाचो येसु ख्रिस्टता पुरा पापियाङ।

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।