एफिसि 1:4 - Dhimal NT

⁴ परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

एफिसि 1:4 Iomraidhean Croise

मत्‍ति 24:22

परमेस्वर इङको माहा कस्ट कालाउ दुखको दिना आसा पोतो पाका हि जेसापा वा मापोतो पानु कालाउ बढेपानु हिदोइ बुङ द्‍याङ बान्चिलि मादोधाङ, कालाउ बुङ ताइको साल्कालाइको भाअ्सिङ इङको दिना पोतो पावा।

मत्‍ति 24:24

हाइपालिपानु धाताइका ख्रिस्टगेलाइ कालाउ धाताइका बक्तागेलाइ ल्वावा, बारका चिन्हागेलाइ कालाउ भारभुसाइका कामगेलाइ परमेस्वरको साल्का द्‍याङगेलाइहेङ धोका पिलिको भाअ्सिङ पावा।

मत्‍ति 24:31

द्‍यापाहाङ आकासको एनोङ थामेसो भेनेङ ओताका थामे थेकापा परमेस्वरसो साल्का द्‍याङगेलाइहेङ जोम्पावा कालाउ द्‍याङको चान सानाइको बार्का गाला दोफाङ स्वर्गदुतगेलाइहेङ दिङगिल प्याङ।

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

युहन्‍ना 10:16

“काङको आरोङ बुङ भेडा हि, जाइ इदोइ ग्वालेङको माको। इम्बालाइहेङ बुङ का चुमालि गोइका हि, कालाउ इम्बालाइ काङको गाला नालावा, कालाउ इम्बालाइ एनोङ दोङ हुल जेङतेङ एनोङ लाखुरिया जेनावा।

युहन्‍ना 15:16

कासेहेङ नेलाइ मासाल्सुना, भुरु का दोङ नेलाइहेङ साल्घा, कालाउ नियुक्त पाघा, कालाउकि नेलाइ हानिसु कालाउ आसाल काम पासु, कालाउ नेलाइको आसाल काम हितेङ ह्यावा। एसापा नेलाइ आबा दोफा जेदोङ ह्रेस्वाना वा नेलाइहेङ इङको प्यावा। हाइपालिपानु नेलाइ काङको चात्या हिसुना।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

साल्न्हाका चात्या 13:48

जेलाउ गैर-यहुदिगेलाइ इन्सिका दोअ्का काथा हिङहि, इम्बालाइ लेङचाहि, कालाउ परमेस्वरको बचनको बाखिन पाहि। कालाउ आनान्त जिबनको भाअ्सिङ चुनिकालाइ येसु ख्रिस्ट ह्रुता खाङधुरि पाहि।

साल्न्हाका चात्या 15:18

इदोइ काथागेलाइ प्रभु लाम्फासोङ गिका हिघाहि, जेलाउसो सुमिङ सिरजाइन्हाहि।

साल्न्हाका चात्या 18:10

हाइपालिपानु का नाअ् दोफा हिघा, कालाउ हासु बुङ नासेहेङ आक्रामन पातेङ हान्ति पालि माद्वाङ, हाइपालिपानु इदोइ सहरता हेन्जा द्‍याङगेलाइ हि जाइ कासेहेङ खाङधुरि पाङ।”

रोमि 8:33

हाइ बुङ केलाइहेङ परमेस्वरको आगाता दुसुलि माद्वावा, हाइपालिपानु परमेस्वर दोङ केलाइहेङ धर्मि बानाइका हि।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

गलाति 5:13

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 3:17

नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको।

एफिसि 4:2

जेलाउ बुङ दुखिता, मोनोइता कालाउ धर्यता एमिसो-भेनेङहेङ प्रेम तिङपासु।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

एफिसि 5:27

ख्रिस्ट ताइको मन्डलिको भाअ्सिङ सिहि, कालाउकि वा ताइको गोताङ द्‍याङगेलाइहेङ सिद्द बानाइयाको कालाउ इम्बालाइहेङ ताइमिको लोकाता चुमालि द्वाको। जेदोङता हिदोइ बुङ गल्ति माकुनु पाप माकुनु आरु मारेम्का कामगेलाइ माजेनाङ भरु इम्बालाइ पबित्तरो कालाउ सिद्द जेनावा।

फिलिप्पि 2:15

कालाउकि दुस्ट कालाउ भ्रस्ट द्‍याङगेलाइ भरिका सुमिङता परमेस्वरको सुद्द जामाललाइ भाइका सुद्द कालाउ मादुसिका जिबन जियाइसु। इदोइ सुमिङता मारेम्का काम पाका द्‍याङगेलाइको माझाता नेलाइ आकासको फुरुगेलाइ भाइपाङ चिल्कालि गोइखे।

कलस्सि 1:22

कालाउ ताइकोङ आगाता नेलाइहेङ पबित्तरो, खात्ति, कालाउ निरदुसि तिङपालि ख्रिस्ट परमेस्वरको चान द्‍याङ जेङहि कालाउ क्रुस्टता सिहि। वाको सिकासो परमेस्वर नेलाइहेङ एला मिलिसुका चुमाका हि।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

1 थेस्लोनिकि 3:12

केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

2 तिमोथि 2:19

कालाउ परमेस्वरको द्‍याङगेलाइ बल्लियाका जग भाइका दोङ हि, जेदोङ माहेङगालाइनाखे। कालाउ इदोइ जगता इसिका सब्दगेलाइ लेखेका हि: “प्रभु ताइको द्‍याङगेलाइहेङ नाल्खे” कालाउ जाइ प्रभुको हि वा मारेम्का काम पालि लाअ्लि गोइखे।

याकुब 2:5

काङको आनाउ खान्धुराइ ओनेगेलाइ, हिङसु, हाइ परमेस्वर सुमिङको नजरता गरिबगेलाइहेङ खाङधुरिता धनि बानाइतेङ इङको राइजिको उत्तराधिकारि जेङलिको भाअ्सिङ मासाल्हि रो? इदोइ दोङ राइजिको उत्तराधिकारि बानाइलि वासेहेङ प्रेम पाकालाइहेङ वा प्रतिग्या पाका माको रो?

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

१ युहन्‍ना 4:16

एसापा केलाइ रेम्फा गिनाखे कालाउ केलाइ खाङधुरि पानाखे कि परमेस्वर केलाइहेङ प्रेम पाखे। परमेस्वर प्रेम हि, कालाउ जाइ प्रेमता हिखे उङको परमेस्वर दोफा हिखे, कालाउ परमेस्वर वाको दोफा हिखे।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।