एफिसि 1:22 - Dhimal NT

²² परमेस्वर गोताङ काथागेलाइ ख्रिस्टको खाबाराता ताअ्पिहि, कालाउ मन्डलिको भालाइको भाअ्सिङ गोताङ काथा ह्रुता वासेहेङ परमेस्वर आगुवा बानाइहि।

एफिसि 1:22 Iomraidhean Croise

मत्‍ति 16:18

कालाउ का नासेहेङ दोअ्खा, नाअ् पतरुस हिना। कालाउ का काङको मन्डलि या उन्ठुइ ह्रुता बानाइ याङका, कालाउ नरकको गोताङ सरबुङगेलाइहोइ बुङ यासेहेङ जितिलि मादावा।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

1 कोरिन्थि 11:3

कालाउ नेलाइ एनोङ काथा गिसु दोअ्का का भोखा, कि झाराङ द्‍याङको पुरिङ येसु ख्रिस्ट हिका हि, कालाउ बेजानको पुरिङ वाको के दोङ हि, कालाउ ख्रिस्टको पुरिङ परमेस्वर हिका हि।

एफिसि 3:21

केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

एफिसि 5:23

हाइपालिपानु के बे को पुरिङ हि, जेसाङ ख्रिस्ट मन्डलिको पुरिङ हिका हि, ख्रिस्ट मन्डलिको मुक्ति दाता हि, जेदोङ वाको ताइकोङ जिउ हि।

कलस्सि 1:18

येसु ख्रिस्ट मन्डलिको आगुवाइ पाखे जेसाङ द्‍याङको पुरिङहोइ ताइको जिउ काबुता पाखे। कालाउ वाआङ लाम्फाङ हिघाहि जाइ सिकासो सिन्चाल्का मध्ये जेठा हिघाहि, कालाउकि वाआङ दोङ गोताङ काथा ह्रुता सर्बच्चा ह्याको।

कलस्सि 1:8

इपाफ्रास केलाइहेङ आरु द्‍याङगेलाइको भाअ्सिङ नेलाइको प्रेमको बारेता दोअ्का हि, जाइ नेलाइहेङ पबित्तरो आत्माहोइ पिका हि।

कलस्सि 2:10

कालाउ वा गोताङ खाबारा कालाउ सरबुङगेलाइ ह्रुता प्रभु हि। ओदोङ भाअ्सिङ जेसापा नेलाइ ख्रिस्टता हितेङ हिसुना पानु नेलाइहेङ आत्मिकता ता हाइ दोङ बुङ आमेनेको खाचो माजेनाङ।

1तिमोथि 3:15

कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।

हिब्रु 2:8

नाअ् गोताङ काथा वाकोङ आधिनता ताअ्पिन्हा, कालाउकि वा गोताङ आमेने ह्रुता सासन पालि द्वाको। परमेस्वर गोताङ काथागेलाइ द्‍याङगेलाइको आधिनता ताअ्पिहि। याको माने हि कि, इसिका हिदोइ बुङ काथा मान्थु, जेदोङ वाको आधिनता मान्थु। कालाउ बर्तमान सोमोइता केलाइ खाङलि द्वाङ कि, गोताङ काथा द्‍याङको आधिनता मान्थु।