एफिसि 1:21 - Dhimal NT

²¹ इन्ता ख्रिस्ट गोताङ सासकगेलाइ, आधिकारिगेलाइ, सरबुङगेलाइ, कालाउ राजागेलाइ खान्तेङ ह्रुता, कालाउ इदोइ युगको खिनिङ माको, कालाउ लोका युगता बुङ गोताङ उपादिगेलाइ खान्तेङ झाउका हि।

एफिसि 1:21 Iomraidhean Croise

मत्‍ति 12:32

हासु बुङ का द्‍याङको चानको बिरोधता जेदोङ दोअ्लाउ बुङ वासेहेङ स्यामा जेनावा, कालाउ हासु बुङ पबित्तरो आत्माको बिरोधता दोअ्नु वासेहेङ इदोइ युगता कालाउ लोका युगता बुङ स्यामा माजेनाङ।

साल्न्हाका चात्या 4:12

येसु बाहेक आरु हासुता बुङ मुक्ति मान्थु, हाइपालिपानु केलाइहेङ मुक्ति निङलि स्वर्ग लेता द्‍याङगेलाइकोता भेनेङ हिदोइ बुङ मिङ पिका मान्थु।”

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 3:10

परमेस्वरको उदेस्य चाहि मन्डलिसो स्वर्गको गोताङ सासकगेलाइ कालाउ सरबुङगेलाइ एला परमेस्वरको ग्यानहेङ गिलि द्वाको जेदोङ चाहि नुगामारि हि।

एफिसि 6:12

हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

कलस्सि 2:10

कालाउ वा गोताङ खाबारा कालाउ सरबुङगेलाइ ह्रुता प्रभु हि। ओदोङ भाअ्सिङ जेसापा नेलाइ ख्रिस्टता हितेङ हिसुना पानु नेलाइहेङ आत्मिकता ता हाइ दोङ बुङ आमेनेको खाचो माजेनाङ।

कलस्सि 2:15

एसापा वा दुस्ट सरबुङ कालाउ खाबारागेलाइ भोइतेङ इङको गोताङ ह्रुता क्रुसता बिजोइ जेङहि। कालाउ सार्बाजानिक रुपता इङको गोताङ सरबुङ कालाउ खाबारागेलाइहेङ लेदेर पाहि।

हिब्रु 1:4

ओदोङ भाअ्सिङ परमेस्वर चानहेङ स्वर्गदुतगेलाइ खान्तेङ बुङ झाउका उत्तम मिङ पिहि, एसापा इदोइ पाहासो केलाइ थाहा निङलि द्वाङ कि, चान स्वर्गदुतगेलाइ खान्तेङ माहान हि।

हिब्रु 2:5

केलाइ काथा पाकाताङ लोका इङको सुमिङहेङ परमेस्वर स्वर्गदुतगेलाइको आधिनता माताहि, भरु चानको आधिनता ताअ्हि।

हिब्रु 4:14

ओदोङ भाअ्सिङ स्वर्गता हानिका परमेस्वरको चान येसु दोङ हि, वा केलाइको माहान प्राधान पुजारि हि। ओदोङ भाअ्सिङ केलाइ गोताङ द्‍याङगेलाइको आगाता ग्रहन पाका खाङधुरिहेङ थामितेङ बल्लियाका जेनाइने।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।