एफिसि 1:14 - Dhimal NT

¹⁴ हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 1:14 Iomraidhean Croise

लुका 21:28

जेलाउ इदोइ गोताङ काथागेलाइ लाम्फा जेङलि तेनावा, कालाउ तियार जेङसु कालाउ हाउसाइसु, हाइपालिपानु नेलाइहेङ धेमाङ परमेस्वर बान्चिपाङ।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 20:32

एला का नेलाइहेङ परमेस्वरता कालाउ वाको आनुग्रहको बचनता सुम्पिप्याङका, जाइ नेलाइहेङ खाङधुरिता बल्लियाका बानाइयावा, कालाउ जाइहेङ परमेस्वर पबित्तरो बानाइका हि, इम्बालाइ झाराङहेङ वा प्रतिग्या पाका आन्सार उत्तराधिकारि बानाइयाङ।

रोमि 8:23

इदोङ सिरजाइकाहोइ खिनिङ माको, कालाउ केलाइ जाइ दोफा पबित्तरो आत्मा भबिस्यता निङका महिमाको लाङ झलकको रुपता हि। कालाउ इङको दिनाको भाअ्सिङ एला लेङचातेङ ह्रुम्तेङ हिनाहि, जेलाउ परमेस्वर केलाइहेङ धर्म जामालाइको रुपता गोताङ खाबारा प्याङ, माकुनु केलाइहेङ नावा जिउ पितेङ पुर्ना जिउहेङ मुक्त पाप्याङ।

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

2 कोरिन्थि 1:22

कालाउ वा केलाइ ह्रुता ताइको लाहासाप लागाइका हि, कालाउ केलाइको ह्रदयता लाङ बाइनाको रुपता पबित्तरो आत्मा पिका हि।

2 कोरिन्थि 5:5

एला केलाइहेङ इदोइ नावा जिउ तियार पापिका परमेस्वर दोङ हि, जाइ केलाइहेङ बाइनाको रुपता पबित्तरो आत्मा पिका हि। कालाउकि केलाइहेङ थाहा जेनाको कि केलाइ इङको गोताङ आमेने निनाङ जेदोङ परमेस्वर केलाइहेङ प्याङका दोअ्तेङ प्रतिग्या पाका हि।

गलाति 4:6

हाइपालिपानु केलाइ वाको सान्तान हिनाहि, परमेस्वर ताइको चानको आत्मा केलाइको ह्रदयता दिङगिल्पिहि, जाइ “हे आबा” दोअ्तेङ दोअ्खे।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:12

परमेस्वर एसा पाहि, कालाउकि केलाइ यहुदिगेलाइ जाइ ख्रिस्टता लाम्फासोङ आस ताअ्का हिनाहि, केलाइ परमेस्वरको बाखिन कालाउ महिमा पाइने।

एफिसि 4:30

कालाउ परमेस्वरको पबित्तरो आत्माहेङ नेलाइको पाका कामसो दुखि माबानाइसु, कालाउ नेलाइ दोङ परमेस्वरको हिसुना दोअ्का तिङपालि वा दोङ नेलाइहेङ पबित्तरो आत्माहेङ छाप भाइका दागाइका पिका हि। कालाउ एनि वा नेलाइहेङ पुरन रुपहोइ लाअ्पावा।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।