एफिसि 1:13 - Dhimal NT

¹³ नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

एफिसि 1:13 Iomraidhean Croise

लुका 11:13

नेलाइ मारेम्का जेङतेङ बुङ ताइको चान-चामिन्दिगेलाइहेङ रेम्का आनेमानेगेलाइ पिलि गिसुखेना पानु, झन स्वर्गता हिका नेलाइको परमेस्वर आबा वाको दोफा ह्रेकालाइहेङ झन हेथे रेम्फा पबित्तरो आत्मा प्यावा।

लुका 24:49

कालाउ खाङसु, का ताइमिङ नेलाइकोता पबित्तरो आत्मा दिङगिल्लाङका जाइको प्रतिग्या काङको आबा पाका हिघाहि। कालाउ नेलाइ जेलाउ थेकापा स्वर्गसो सरबुङ मानिङस्वाना एन्सालाउ थेकापा नेलाइ इदोङ सहरता ह्रुम्तेङ हिसु।

युहन्‍ना 1:17

हाइपालिपानु व्यवस्था मोसा पाहासो पिहि, कालाउ परमेस्वर दोङ आनुग्रह कालाउ सत्ये चाहि येसु ख्रिस्टसो तिङपाहि।

युहन्‍ना 14:26

कालाउ साल्लाहाकार पबित्तरो आत्मा, जाइहेङ काङको आबा काङको थामेता दिङगिल्प्यावा, कालाउ वा नेलाइहेङ गोताङ काथा धिरपावा, कालाउ का नेलाइहेङ दोअ्का गोताङ काथा फोम पापावा।

युहन्‍ना 15:26

का नेलाइको भाअ्सिङ आबासो साल्लाहाकार दिङगिल्लाङका वा इङको आत्मा हि जेदोङ आबासो लोखे, कालाउ जेदोङ सत्ये हि इङकोहेङ देखाल पाखे। जेलाउ वा ल्वाङ वा काङको बारेता दोअ्तावा। कालाउ नेलाइ इदोइ सुमिङको द्‍याङगेलाइहेङ काङको बारेता दोअ्स्वाना, हाइपालिपानु लाम्फासोङ नेलाइ का दोफा हिघासुखेना।

युहन्‍ना 3:33

कालाउ जाइ वाको साक्सि ह्रुका हि, वा चाहि परमेस्वर सत्ये हि दोअ्का काथाको प्रमान पिखे।

युहन्‍ना 6:27

नासाका जेङका चाका आनेमानेको भाअ्सिङ मेहेनत मापासु, भरु आनान्त जिबन थेकापा हिका चालि-आम्लिको भाअ्सिङ मेहेनत पासु, का द्‍याङको चान जाइ नेलाइहेङ इङको चाका आमेने प्याङका, हाइपालिपानु आबा परमेस्वर दोङ कासेहेङ इसिका पालि खाबारा पिका हि।”

साल्न्हाका चात्या 1:4

ए सोमोइता जेलाउ येसु ताइको चात्यागेलाइ दोफा चालि योम्लाउ वा इम्बालाहेङ आग्या पिहि, “नेलाइ यरुसेलेम सहर मालाअ्सु, कालाउ काङको आबा नेलाइहेङ प्याङका दोअ्का बरदानहेङ ह्रुम्तेङ हिसु। याको बिसोइता नेलाइ काङकोसो लाम्फाङ हिङलि दोका हिसुना।”

साल्न्हाका चात्या 13:26

ओइ खान्धुराइ ओनेगेलाइ, चाहे नेलाइ आब्राहामको हारागुटियाको सान्तान हिसुन्हा, चाहे नेलाइ परमेस्वरहेङ थितेङ गैर-यहुदि द्‍याङगेलाइ दोङ याते हाइ दोङ माजेङसु, परमेस्वर इदोइ मुक्तिको सन्‍देस केलाइकोता पिगिल्का हि।

साल्न्हाका चात्या 2:33

ओदोङ भाअ्सिङ वा स्वर्गता परमेस्वरको दाम्पाहा खुरता तोलिन्हाहि। कालाउ परमेस्वर वासेहेङ पबित्तरो आत्मा कालाउ आबासो जेदोङ वा प्याङका दोअ्तेङ बाचा पाका हिघाखे। कालाउ वा इङको पबित्तरो आत्मा हुपिहि, जेदोङ नेलाइ एला तिङस्वाना कालाउ हिङस्वाना।

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 4:11

परमेस्वर आब्राहामहेङ वाको खाङधुरि पाहासो दोङ खाताना मापालाउ बुङ वाको आगाता धर्मि बानाइहि। कालाउ खातानाको चिना चाहि सुइकारका छाप दोङ हि। ओदोङ भाअ्सिङ आब्राहाम खाताना मापाका कालाउ परमेस्वरहेङ खाङधुरि पाका झाराङको आत्मिक आबा जेङका हि। कालाउ इम्बालाइको खाङधुरिको कारनहोइ धर्मि बानाइका हि।

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

2 कोरिन्थि 1:22

कालाउ वा केलाइ ह्रुता ताइको लाहासाप लागाइका हि, कालाउ केलाइको ह्रदयता लाङ बाइनाको रुपता पबित्तरो आत्मा पिका हि।

2 कोरिन्थि 6:7

इदोइ भनाइ सहि हि: सत्येको बचनता कालाउ परमेस्वरको सरबुङता। केलाइ धार्मिकताको कात्तिगेलाइ दाम्पाहा खुरहोइ झाअ्मिरिलिको भाअ्सिङ कालाउ केपाहा खुरहोइ बान्चिलिको भाअ्सिङ प्रयोग पानाखे।

गलाति 3:14

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

एफिसि 4:21

नेलाइ येसु ख्रिस्टको बारेता जेदोङ हिङका हिसुना कालाउ इम्बालाइको सिक्स्यकगेलाइ नेलाइहेङ जेदोङ धिर्पाका हि, ख्रिस्टको बारेता हिङका इङको सत्ये सन्‍देस दोङ हि।

एफिसि 4:30

कालाउ परमेस्वरको पबित्तरो आत्माहेङ नेलाइको पाका कामसो दुखि माबानाइसु, कालाउ नेलाइ दोङ परमेस्वरको हिसुना दोअ्का तिङपालि वा दोङ नेलाइहेङ पबित्तरो आत्माहेङ छाप भाइका दागाइका पिका हि। कालाउ एनि वा नेलाइहेङ पुरन रुपहोइ लाअ्पावा।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

2 तिमोथि 2:15

ताइमिहेङ लेदेरपालि मागोइका कालाउ सत्येको सन्देसहेङ ठिक तरिकासो धिरपालि दोका काम पाकालाइ भाइपाङ नाअ् बुङ थाङका परिस्रोम पालि गोइखे कालाउकि परमेस्वर नासेहेङ पुर्न रुपता सुइकार पाको।

2 तिमोथि 2:19

कालाउ परमेस्वरको द्‍याङगेलाइ बल्लियाका जग भाइका दोङ हि, जेदोङ माहेङगालाइनाखे। कालाउ इदोइ जगता इसिका सब्दगेलाइ लेखेका हि: “प्रभु ताइको द्‍याङगेलाइहेङ नाल्खे” कालाउ जाइ प्रभुको हि वा मारेम्का काम पालि लाअ्लि गोइखे।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

तितस 2:11

खान्धुराइगेलाइहेङ एसापा धिरपा, हाइपालिपानु गोताङ द्‍याङगेलाइहेङ पापसो लाअ्पालि परमेस्वर ताइको आनुग्रह तिङपाका हि।

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

याकुब 1:21

ओदोङ भाअ्सिङ गोताङ आखेका काथा कालाउ गोताङ दुस्टताहेङ हाताइ, कालाउ नेलाइको हृदयता ताअ्का परमेस्वरको बचन मोनोइतेङ ग्रहन पासु, जाइ दोङ नेलाइको प्रानहेङ आनान्तको दन्डसो बान्चिपालि द्वावा।

1पतरुस 2:10

एखे नेलाइ परमेस्वरको प्रजा मान्थु घासुखेना, कालाउ एला नेलाइ परमेस्वरको प्रजा जेङका हिसुना। एखे नेलाइ परमेस्वरको क्रिपा निङका मान्थु घासुखेना, कालाउ एला नेलाइ यासेहेङ गिसुखेना, हाइपालिपानु वा लाम्फाङ नेलाइहेङ ताइको क्रिपा तिङपाका हि।