एफिसि 1:12 - Dhimal NT

¹² परमेस्वर एसा पाहि, कालाउकि केलाइ यहुदिगेलाइ जाइ ख्रिस्टता लाम्फासोङ आस ताअ्का हिनाहि, केलाइ परमेस्वरको बाखिन कालाउ महिमा पाइने।

एफिसि 1:12 Iomraidhean Croise

युहन्‍ना 14:1

येसु चात्यागेलाइहेङ दोअ्हि, नेलाइ दुख मामानिसु। नेलाइ ताइको खाङधुरि परमेस्वरता ताअ्सु कालाउ का ह्रुता बुङ ताअ्सु।

एफिसि 1:6

कालाउकि केलाइ वाको बार्का आनुग्रहको भाअ्सिङ परमेस्वरको बाखानाइ पालि द्वाको। या वा ताइको चान दोफाको केलाइको सम्बन्धको कारन केलाइहेङ एन्साङ पिका हि।

एफिसि 2:7

परमेस्वर इसिका पाहि, कालाउकि लोका सोमोइता सुमिङको द्‍याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।

एफिसि 3:21

केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

2 तिमोथि 1:12

ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।