एफिसि 1:11 - Dhimal NT

¹¹ हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:11 Iomraidhean Croise

साल्न्हाका चात्या 13:48

जेलाउ गैर-यहुदिगेलाइ इन्सिका दोअ्का काथा हिङहि, इम्बालाइ लेङचाहि, कालाउ परमेस्वरको बचनको बाखिन पाहि। कालाउ आनान्त जिबनको भाअ्सिङ चुनिकालाइ येसु ख्रिस्ट ह्रुता खाङधुरि पाहि।

साल्न्हाका चात्या 2:23

परमेस्वर ताइको निस्चित योजाना कालाउ लाम्फाको ग्यान आन्सार वासेहेङ रिम्तेङ नेलाइहेङ सुम्पिका हिघाहि। कालाउ नेलाइ वासेहेङ दुस्ट द्‍याङगेलाइको साघाइ ह्रुतेङ नेलाइ येसुहेङ क्रुस्टता तोइतेङ सेअ्सुन्हा।

साल्न्हाका चात्या 20:27

हाइपालिपानु का दोङ नेलाइहेङ गोताङ काथागेलाइ दोअ्का हिघा जेदोङ परमेस्वर चाहिखे, कि नेलाइ गिसु। का नेलाइसो हाइ दोङ काथा म्होका मान्थुघा।

साल्न्हाका चात्या 20:32

एला का नेलाइहेङ परमेस्वरता कालाउ वाको आनुग्रहको बचनता सुम्पिप्याङका, जाइ नेलाइहेङ खाङधुरिता बल्लियाका बानाइयावा, कालाउ जाइहेङ परमेस्वर पबित्तरो बानाइका हि, इम्बालाइ झाराङहेङ वा प्रतिग्या पाका आन्सार उत्तराधिकारि बानाइयाङ।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

साल्न्हाका चात्या 4:28

इम्बालाइ ओदोङ पाहि जेदोङ नाङको सरबुङ कालाउ इस्साहोइ लाम्फा दोङ योजाना बानाइका हिघाहि कि इदोइ दोङ हिलि गोयाङ।

रोमि 11:34

“परमेस्वरको मन हासु बुङ बुझिलि मादोखे, माकुनु वासेहेङ हासु बुङ साल्लाहा पिलि मादोअ्खे।”

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

रोमि 8:28

केलाइ गिनाखे, कि वासेहेङ प्रेम पाकालाइ कालाउ वाको उदेस्य आन्सार चुनिकालाइको भाअ्सिङ गोताङ काथाता परमेस्वर भलाइ दोङ पाखे।

रोमि 8:29

हाइपालिपानु जाइ-जाइहेङ परमेस्वर लाम्फासोङ चुनिका हि, वा इम्बालाइहेङ ताइको चान भाइपा जेङलि लाम्फासोङ चुनिहि, कालाउकि वाको चान गोताङ ओनेगेलाइ खान्तेङ जेठा ज्याको।

रोमि 8:30

जाइ-जाइहेङ वा लाम्फासोङ चुनिहि, इम्बालाइहेङ वा काइहि, कालाउ जाइ-जाइहेङ वा काइहि, इम्बालाइहेङ वा धर्मि बुङ बानाइहि, कालाउ जाइ-जाइहेङ वा धर्मि बानाइहि, इम्बालाइ दोफा ताइको महिमा बुङ बाखाराइहि।

रोमि 9:11

कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्‍याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।

गलाति 3:18

हाइपालिपानु द्‍याङगेलाइ मोसाको व्यवस्था मानिनाङ परमेस्वर आसिस पिकानुते, बाचासो लोका आसिस मानिङधाङ। भरु परमेस्वर ताइको बार्का आनुग्रहसो आब्राहामहेङ आसिस पिहि, हाइपालिपानु परमेस्वर एसा पालि बाचा हेन्जाङ लाम्फासोङ पाका हिघाहि।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

एफिसि 1:5

परमेस्वर केलाइहेङ प्रेम पाकानाङ येसु ख्रिस्ट पाहासो केलाइहेङ ताइको सान्तान जेङलि लाम्फोरतिसोङ निर्नय पाका हिघाहि। कालाउ परमेस्वर इदोइ ताइकोङ खुसि कालाउ इच्छा आन्सार पाका हिघाहि।

एफिसि 1:8

परमेस्वर ताइको गोताङ बुद्दि कालाउ ग्यानता केलाइहेङ प्रसस्त आनुग्रह पिका हि।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

एफिसि 3:11

परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि।

कलस्सि 1:12

नाअ् आबा परमेस्वरहेङ धन्यबाद पि, जाइ नासेहेङ परमेस्वरको जनगेलाइहेङ निङका काथा नेलाइहेङ बुङ निङलि योग्य बानाइका हि, जाइ चाहि परमेस्वर स्वर्गता तियार पाका हि।

कलस्सि 3:24

या गितेङ कि, प्रभु ख्रिस्ट नेलाइहेङ इनाम प्याङ, इङको चाहि वा गोताङ द्‍याङको भाअ्सिङ तियार पापिका हि, जेदोङ चाहि नेलाइ उत्तराधिकारको रुपता निङस्वाना। हाइपालिपानु नेलाइ येसु ख्रिस्टको सेवा पातेङ हिसुना।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 3:7

परमेस्वर इसिका पाहि, कालाउकि वाको आनुग्रह पाहासो केलाइ ठिक थोहोरिलि कालाउ वाको सान्तान जेङलि द्वाको, कालाउ केलाइ आस ताअ्का आनान्त जिबन बुङ निङलि द्वाको।

हिब्रु 6:17

ओदोङ भाअ्सिङ परमेस्वर बुङ केरा चाहि, कि इदोइ पाहासो वा प्रतिग्या निङका द्‍याङगेलाइहेङ झालाफालापा तिङपालि भोघाखे कि वा ताइको प्रतिग्या पुरा पाङ।

याकुब 2:5

काङको आनाउ खान्धुराइ ओनेगेलाइ, हिङसु, हाइ परमेस्वर सुमिङको नजरता गरिबगेलाइहेङ खाङधुरिता धनि बानाइतेङ इङको राइजिको उत्तराधिकारि जेङलिको भाअ्सिङ मासाल्हि रो? इदोइ दोङ राइजिको उत्तराधिकारि बानाइलि वासेहेङ प्रेम पाकालाइहेङ वा प्रतिग्या पाका माको रो?

1पतरुस 1:4

परमेस्वर ताइको द्‍याङगेलाइको भाअ्सिङ ताअ्का नुगामारि आसिस निङका आस पानाखे। वा इम्बालाइको भाअ्सिङ इङको आसिस स्वर्गता ताअ्खे, जेता इङको आसिस नासालि माकुनु बिगिरलि माकुनु राम्लि माद्वाङ।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।