एफिसि 1:10 - Dhimal NT

¹⁰ योजाना चाहि या हि: ठिक सोमोइता परमेस्वर स्वर्ग कालाउ प्रिथिबिता हिका गोताङ आनेमानेगेलाइ ख्रिस्टको खाबाराता चुमावा।

एफिसि 1:10 Iomraidhean Croise

मत्‍ति 25:32

काङको आगाता सुमिङ भरिको गोताङ द्‍याङगेलाइ जोम्मावा कालाउ लाखुरिया भाइपाङ मेसा कालाउ भेडागेलाइहेङ खेनाङ। एन्साङ पातेङ का द्‍याङगेलाइहेङ बुङ खेनाङका।

मर्कुस 1:15

येसु दोअ्हि, “ठिक बेला लोका हि, परमेस्वरको सासन चेम्ताङ हि। पाप पालि लाअ्सु परमेस्वर भारि घुरिसु कालाउ सुसमाचारता खाङधुरि पासु।”

1 कोरिन्थि 10:11

इदोइ काथा इम्बालाइहेङ चेताउनिको रुपता जेङका हिघाहि, कालाउ केलाइहेङ चेताउनि पिलि लेखेका हि। कालाउ केलाइ इदोइ सुमिङको आखिरि दिनागेलाइता जियाइतेङ हिन्हाहि।

1 कोरिन्थि 11:3

कालाउ नेलाइ एनोङ काथा गिसु दोअ्का का भोखा, कि झाराङ द्‍याङको पुरिङ येसु ख्रिस्ट हिका हि, कालाउ बेजानको पुरिङ वाको के दोङ हि, कालाउ ख्रिस्टको पुरिङ परमेस्वर हिका हि।

गलाति 4:4

कालाउ जेलाउ ठिक सोमोइ लोहि, परमेस्वर ताइको चानहेङ इदोइ सुमिङता दिङगिल्हि, कालाउ वाको जोलोम एमि बेजानसो जेङहि। कालाउ वा यहुदि जेङतेङ जोलोमहि, कालाउ मोसाको व्यवस्था केम्हि।

एफिसि 1:22

परमेस्वर गोताङ काथागेलाइ ख्रिस्टको खाबाराता ताअ्पिहि, कालाउ मन्डलिको भालाइको भाअ्सिङ गोताङ काथा ह्रुता वासेहेङ परमेस्वर आगुवा बानाइहि।

एफिसि 2:15

वाको सिकासो, वा मोसाको व्यवस्थाता हिका गोताङ आग्यागेलाइ कालाउ नियमगेलाइ मोअ्पाहि। कालाउकि वा यहुदि कालाउ गैर-यहुदिगेलाइको माझाता सान्ति चुमालि द्वाको कालाउ एनोङ नावा समुह बानाइलि द्वाको।

एफिसि 3:15

वा दोङ गोताङ खान्धुराइगेलाइको आबा हि जाइ स्वर्ग कालाउ प्रिथिबिता हि।

एफिसि 3:2

निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि।

कलस्सि 1:16

हाइपालिपानु परमेस्वर ख्रिस्ट पाहासो दोङ गोताङ आमेने सिरजाइहि, स्वर्ग कालाउ प्रिथिबिको आमेनेगेलाइ, तिङलि दोका कालाउ तिङलि मादोका आमेनेगेलाइ, सिङहासनगेलाइ कालाउ सरबुङगेलाइ, सासकगेलाइ कालाउ खाबारागेलाइ, इदोङ गोताङ आमेनेगेलाइ परमेस्वर ख्रिस्ट पाहा कालाउ वाकोङ भाअ्सिङ दोङ बानाइका हि।

कलस्सि 1:20

परमेस्वर ताइको चानहेङ दिङगिल्लि निर्नय पाहि, कालाउ वा ताइको हिति होपाहि कालाउ क्रुस्टता सिहि। परमेस्वर ताइमिङता कालाउ गोताङ आनेमानेगेलाइको माझाता मिलि पालि या काम पाहि। एसापा वा ताइमिङता कालाउ स्वर्ग कालाउ प्रिथिबिता हिका गोताङ आनेमानेको माझाता मिलिसुका चुमाहि।

कलस्सि 3:11

ओदोङ भाअ्सिङ ग्रिक कालाउ यहुदिगेलाइको माझाता हिदोइ बुङ फरक मान्थु। खाताना कालाउ खाताना मापाका, एमि बिदेसि माकुनु आसभ्य द्‍याङ, बान्धाइति कालाउ बान्धाइति माजेङका कालाउ ख्रिस्ट दोङ महत्व पुर्न हि कालाउ वा नेलाइ झाराङता हिखे।

हिब्रु 1:2

कालाउ इदोइ आखिरि दिनागेलाइता वा ताइको चान पाहासो केलाइ दोफा नुइ धुइका हि। वा ताइको चान पाहासो दोङ या गोताङ सुमिङ बानाइहि, कालाउ वा ताइको चानहेङ इदोइ गोताङ काथाको उत्तराधिकारि बानाइहि।

हिब्रु 11:40

हाइपालिपानु परमेस्वर दोफा इम्बालाइको भाअ्सिङ खिनिङ माको, भरु केलाइको भाअ्सिङ बुङ झन रेम्का योजाना हि, परमेस्वर इम्बालाइहेङ केलाइ दोफा खिनिङ सिद्द बानाइलि चाहिखे।

हिब्रु 9:10

हाइपालिपानु इम्बालाइको बाहारको जिबनको नियमगेलाइता खिनिङ आधारित हि, जिसिकाङ चाका-आम्का कालाउ खाल-खाल्को मुन्धुम जेसाङ चिउलि। एसापा परमेस्वर द्‍याङगेलाइ दोफा नावा कारार जिङतेङ खिनिङ या पुरा हिलि आवस्यक हिघाहि।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।