एफिसि 1:1 - Dhimal NT

¹ परमेस्वरको छाल्न्हाका चात्या जेङलि चुनिका का पावल, येसु ख्रिस्टता खाङधुरि पाका एफिसस सहरता हिका परमेस्वरको पबित्तरो जनगेलाइहेङ इदोइ पात्तारा लेखेदोङखा।

एफिसि 1:1 Iomraidhean Croise

लुका 16:10

येसु आरोङ दोअ्हि, हिदोइ बुङ द्‍याङ म्हुइका काथाता इमान्दार हिखे, कालाउ बार्का काथाता बुङ इमान्दार हिखे, जेसापा हिदोइ बुङ द्‍याङ म्हुइका काथाता बेइमान हि पानु, बार्का काथाता बुङ बेइमान हिखे।

साल्न्हाका चात्या 16:15

जेलाउ लिडिया कालाउ वाको गोताङ जाहान बप्तिस्ता ह्रुहि। कालाउ न्हुसो लिडिया केलाइहेङ ताइको साअ्ता नेउता पिहि। कालाउ वा दोअ्हि, “जेसापा नेलाइ कासेहेङ प्रभु येसुको जातिङको खाङधुरि पाका मानिस्वाना पानु, काङको साअ्ता लोतेङ हिसु।” कालाउ वा केलाइहेङ वाको साअ्ता हिलि कर पाहि।

साल्न्हाका चात्या 18:19

इम्बालाइ एफिसस सहरता लोहि, कालाउ पावल प्रिस्किला कालाउ आकिलासहेङ इन्ताङ ताअ्धिहि कालाउ ताइमि चाहि एनोङ चाउघारा साअ्ता दुल्तेङ यहुदिगेलाइ दोफा काथा पोसुलि तेङहि।

साल्न्हाका चात्या 18:21

पावल एसा दोअ्तेङ इम्बालाइ दोफा बिदा जेङहि, “जेसापा परमेस्वरको इच्छा जेङनु का नेलाइकोता आरोङ ल्वाङका।” कालाउ वा एफिसस सहरसो समुन्द्रको दामा पाहासो हानिहि।

साल्न्हाका चात्या 9:13

कालाउ हननिया जोबाफ पिहि, “हे प्रभु, इङको द्‍याङ यरुसेलेम सहरता जेङका नाङको पबित्तरो द्‍याङगेलाइहेङ हेन्जा साताइका काथा का हेन्जा द्‍याङगेलाइसो हिङका हिघा।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 8:1

ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

1 कोरिन्थि 4:12

बान्चिलिको भाअ्सिङ केलाइ ताइकोङ खुरसो मेहेनत पान्हाखे। द्‍याङगेलाइ केलाइहेङ साराप पिलाउ केलाइ इम्बालाइहेङ आसिरबाद पिन्हाखे। कालाउ द्‍याङगेलाइ केलाइहेङ साताइलाउ केलाइ सहिन्हाखे।

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

गलाति 1:1

का पावल छाल्न्हाका चात्या या पात्तारा नेलाइहेङ लेखेदोङखा, का हिदोइ बुङ द्‍याङगेलाइको समुह माकुनु द्‍याङगेलाइसो छाल्न्हाका चात्या जेङलि चुनिका माको, भरु येसु ख्रिस्ट कालाउ आबा परमेस्वर जाइ दोङ येसुहेङ सिकासो सिन्हु पाहि।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

गलाति 3:9

परमेस्वर आब्राहामहेङ वाको खाङधुरि पाहासोङ आसिस पिहि, एन्साङ दोङ हासु बुङ येसु ख्रिस्टता खाङधुरि पाखे पानु परमेस्वर इम्बालाइहेङ आब्राहाम भाइपाङ आसिस प्याङ।

एफिसि 1:15

इदोइ गोताङको कारन जेलाउ का नेलाइको प्रभु येसुता खाङधुरि कालाउ गोताङ परमेस्वरको जनगेलाइको भाअ्सिङ नेलाइको प्रेमको बिसोइता हिङखा,

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 2:13

ए सोमोइता नेलाइ परमेस्वरसो दुरे हिघासुखेना, कालाउ एला नेलाइको येसु ख्रिस्ट दोफाको सम्बन्धको कारन ख्रिस्टको हिति पाहासो नेलाइहेङ परमेस्वर ताइको भेरपाङ चुमाका हि।

एफिसि 2:6

केलाइको येसु ख्रिस्ट दोफाको सम्बन्धको कारन परमेस्वर केलाइहेङ बुङ सिकासो सिन्चाल पाहि, कालाउ वाको दोफाङ स्वर्गता सासन पालि पिहि।

एफिसि 6:21

प्रभुता केलाइको आनाउ खान्धुराइ ओने कालाउ खाङधुरि योग्य सेवक तुखिकुस काङको बारेता गोताङ काथा नेलाइहेङ दोअ्प्याङ, कालाउकि नेलाइ बुङ थाहा निङलि दोसु कि का हिसिका हिघा, हाइ पादोङखा।

कलस्सि 1:2

ख्रिस्टता हिका कलस्सि सहरको परमेस्वरको जनगेलाइ कालाउ खाङधुरि योग्य ओनेगेलाइ केलाइको आबा परमेस्वर दोङ नेलाइहेङ आनुग्रह कालाउ सान्ति प्याको।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 2:10

नाअ् भोगिलि तोम्का कस्टसो माअ्थि। साइतान नेलाइ मध्ये हेथेहेङ द्‍याङगेलाइसो रिम्पाखे कालाउ नेलाइहेङ जाचिलिको भाअ्सिङ झ्यालखानाता पिगिल्खे। नाअ् ते दिनाको भाअ्सिङ बार्का समस्याको आनुभब पान्हा। कालाउ नेलाइहेङ सेअ्लाउ बुङ नेलाइ हेलाउ बुङ हारेस माचासु काङकोता खाङधुरि पासु, हाइपालिपानु का नेलाइहेङ आनान्त जिबन प्याङका, इङको चाहि नाङको जिति का को इनाम जेनाङ।

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।