साल्न्हाका चात्या 5:3 - Dhimal NT

³ कालाउ पतरुस दोअ्हि, “हननिया, पबित्तरो आत्माहेङ धाताइलि कालाउ मिलिङ पिइका ताकासो आधे भाग ताइमि दोफा ताअ्लि हेसा साइतान ताइको मनता ह्वापिहि?

धिमाल

³ कोलाउ पत्‍रुस दोअ्‌हि, “ओइ हननिया, पुनित हाङसादोफा असत धुइका रो भोनो पिअ्‌का टाका ताइमिदोफा ताअ्‌का काथा दियाबलस हेसापा नाङको मनता ह्‍वापिहि?

साल्न्हाका चात्या 5:3 Iomraidhean Croise

मत्‍ति 13:19

जेलाउ हासु बुङ परमेस्वरको सासनको सुसमाचार हिनावा, कालाउ बुङ माबुझियावा, कालाउ साइतान लावा, कालाउ वाको मनता जेदोङ बिन्हाकासो घिङतेङ चुम्पावा। दामा भारि बिन्हाका चालाइ चाहि इङको दोङ हि।

लुका 22:3

येसुको तेन्हे चात्यागेलाइ मध्येसो एमिको मिङ यहुदा हिघाहि जाइहेङ यहुदा इस्कोरियत दोअ्घाखे। साइतान वाको लिता दुल्हि कालाउ वासेहेङ मारेम्का काम पालि तोङपाहि।

युहन्‍ना 13:2

येसु ताइको चात्यागेलाइ दोफा दिलिमाको उम चाघाहि। इङको बेला साइतान सिमोनको चान यहुदा इस्कोरियतको मनता येसुहेङ धोका पिका बिचार लाम्फासोङ मनता ह्वापिका हिघाहि।

युहन्‍ना 13:27

जेसाङ यहुदा तोलेको टुक्रा चातेङ न्हुसो, येसु वासेहेङ दोअ्हि, नाअ् जेदोङ पालि खाङखेना इङको धेमाङ पाअ्‌। कालाउ न्हुसो यहुदाता साइतान दुल्हि।

साल्न्हाका चात्या 5:2

कालाउ इङको मिलिङ पिइका ताकासो आधे ताका ताइमि दोफा ताअ्हि। कालाउ इदोइ काथा वाको बे हेङ बुङ थाहा हिघाहि। कालाउ बाकि हिका ताका चुमातेङ छाल्न्हाका चात्यागेलाइहेङ पिहि।

साल्न्हाका चात्या 5:4

इङको मिलिङ पिइलि लाम्फा हाइ इङको नाङकोङ मान्थुघाखे रो? कालाउ इङको पिइलि दोअ्तेङ बुङ इङको नाङको खाबाराता मान्थुघाखे रो? नाङको मनता इसिका मारेम्का बिचार हेसा लोहि? नाअ् द्‍याङगेलाइहेङते माको कालाउ परमेस्वरहेङ दोङ धाताइन्हा।”

साल्न्हाका चात्या 5:9

कालाउ पतरुस वासेहेङ दोअ्हि, “नेलाइ प्रभुको आत्माहेङ जाचिलि हेसा मिलिसुन्हा? खाङसु, नाङको के हेङ लिकालाइ फिनुताङ हि कालाउ इम्बालाइ नासेहेङ बुङ बाहार चुम्पावा।”

याकुब 4:7

ओदोङ भाअ्सिङ ताइमिहेङ परमेस्वरको खाबाराता ताअ्सु। साइतानको बिरोध पासु, कालाउ इङको नेलाइसो थितेङ खातावा।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।