साल्न्हाका चात्या 4:4 - Dhimal NT

⁴ पतरुस कालाउ युहान्नाको सन्‍देस हिङतेङ हेन्जाङ द्‍याङगेलाइ येसु ह्रुता खाङधुरि पाहि, कालाउ इन्ता लगभग ना हाजार वाबालाइ हिघाहि, जाइ येसु ह्रुता खाङधुरि पाहि।

धिमाल

⁴ कुलाउ कथन हिङकालाइता हेन्‍जाङ खान्‍धुर पाहि। खान्‍धुर पाका द्‍याङगेलाइ ना हाजार झोको जेङहि।

साल्न्हाका चात्या 4:4 Iomraidhean Croise

युहन्‍ना 12:24

जातिङ भारि का नेलाइहेङ दोअ्खा, गहमको गेरा मिलिङता हुल्तेङ मासिहि पानु इङको एकलाङ हिखे। कालाउ मिलिङता परितेङ सिहि पानु इङको दोङ फल सेपाखे। एन्साङ दोङ काङको दोफा जेनाङ।

साल्न्हाका चात्या 2:41

कालाउ जाइ-जाइ पतरुसको काथा साअ्हि कालाउ इम्बालाइ झाराङ बप्तिस्ता ह्रुहि, कालाउ कोकोङ दिना माकुलाउ बुङ सुम हाजार खान्धुराइगेलाइ ओबालाइको सङख्याता थोपिन्हाहि।

साल्न्हाका चात्या 2:47

कालाउ परमेस्वरको बाखानाइ पाकाताङ, कालाउ झाराङ द्‍याङगेलाइसो आसिरबाद निङतेङ हिघाहि। मुक्ति निङकालाइ प्रभु ओबालाइको सङख्याता दिनाङ-दिनाङ हेन्जा थोपिपिघाखे।

साल्न्हाका चात्या 28:24

हेथेते पावलको काथागेलाइता खाङधुरि पाहि, कालाउ हेथेते मापाहि।