साल्न्हाका चात्या 13:3 - Dhimal NT

³ कालाउ बारिका को कालाउ प्रार्थाना पातेङ इम्बालाइ ओबालाइ ह्रुता ता-ताइको खुर ताअ्तेङ ओबालाइहेङ परमेस्वरको काम पालिको भाअ्सिङ दिङगिल्हि।

धिमाल

³ कोलाउ म्‍हितुपाङ रो पुकार पातेङ एम्‍बालाइ बारनाबास रो साउलर्‍हुता खुर ताअ्‌तेङ एम्‍बालाइहेङ प्रभुको कामता दिङगिल्‍हि।

साल्न्हाका चात्या 13:3 Iomraidhean Croise

लुका 2:37

एला वा द्‍या कुरि द्‍या बासारको हिघाहि, वा मुन्दिरता हिलि मालाअ्घाखे भरु बारिखे कालाउ प्रार्थाना पातेङ झेम्पाङ लिपाङ आराधाना पाघाखे।

साल्न्हाका चात्या 1:24

इम्बालाइ एसापा प्रार्थाना पाहि, झाराङ द्‍याङको ह्रदयको काथा गिका प्रभु, “इदोइ न्हेमि मध्येसो नाअ् हासुहेङ छाल्का हिना, इङको केलाइहेङ तिङपा पि,

साल्न्हाका चात्या 13:2

इम्बालाइ प्रभुको आराधाना पातेङ हिका कालाउ बारितेङ हिका बेला पबित्तरो आत्मा दोअ्हि, “काङको सेवा पालिको भाअ्सिङ बार्नाबास कालाउ साउलहेङ खेङसु, जेदोङ कामको भाअ्सिङ का इम्बालाइहेङ काइका हिघा।”

साल्न्हाका चात्या 13:4

कालाउ पबित्तरो आत्मासो दिङगिल्कानाङ साउल कालाउ बार्नाबास एन्टिओक सहरसो सिलुकिया सहरता हानेहि कालाउ इन्तासो जाहाजता धोल्तेङ साइप्रस टापुता हानिहि।

साल्न्हाका चात्या 14:23

कालाउ पावल कालाउ बार्नाबास गोताङ खान्धुराइगेलाइको समुहसो आगुवागेलाइ नियुक्त पाहि, कालाउ इम्बालाइ उङको मन्डलिको आगुवागेलाइहेङ ताइमि खाङधुरि पाका प्रभु येसुता प्रार्थाना पालि सुम्पिहि।

साल्न्हाका चात्या 14:26

कालाउ इन्तासो इम्बालाइ समुन्द्रको दामा पाहासो पाक पातेङ एन्तिओक सहरता घुरिहि, जेतासो इम्बालाइ परमेस्वरको आनुग्रहता जिम्मा पितेङ इङको कामको भाअ्सिङ पिगिल्का हिघाहि, जेदोङ काम इम्बालाइ पुरा पातेङ घुरिहि।

साल्न्हाका चात्या 15:40

कालाउ पावल चाहि सिलासहेङ चुनिहि, कालाउ खान्धुराइ ओनेगेलाइसो परमेस्वरको आनुग्रहता आर्पन पातेङ एन्टिओक सहरसो बिदा जेङहि।

साल्न्हाका चात्या 6:6

इम्बालाइ उङको द्‍यागेलाइइहेङ साल्न्हाका चात्यागेलाइको भेरपा चुमाहि कालाउ इम्बालाइ ह्रुता ताइको खुर ताअ्तेङ प्रार्थाना पाहि कालाउ इम्बालाइहेङ इङको काम पालिको भाअ्सिङ छाल्हि।

साल्न्हाका चात्या 9:17

कालाउ हननिया हानितेङ इङको साअ् लिता दुल्हि जेता साउल हिघाहि, वा ताइको खुर साउलकोता ताअ्हि कालाउ दोअ्हि, “ओने साउल, जेदोङ प्रभु येसु नाअ् लोलाउ दामाता नाङकोता देखाल जेङका हिघाहि, वा दोङ कासेहेङ नाङकोता दिङगिल्का हि, कालाउकि नाअ् आरोङ मिसियाँ तिङलि द्वाको कालाउ पबित्तरो आत्माता पोङघातेङ हि।”

रोमि 10:15

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”

1तिमोथि 4:14

नाङको दोफा हिका बरदानको हेलचेक्राइ मापा, जेदोङ बरदान मन्डलिको आगुवागेलाइ ताइको खुर नाङको ह्रुता ताअ्लाउ आगमबानिसो नासेहेङ मिलिका हिघाखे।

1तिमोथि 5:22

हासुहेङ बुङ ताइको खुर ताअ्तेङ मन्डलिको आगुवाको रुपता मासाल जेलाउ थेकापा वा ख्रिस्टको भाअ्सिङ खाङधुरि योग्य साबित माजेङखे। माकुनुते नाअ् बुङ वाको पापको जिम्माबारि जेनाना। निसित पाअ्‌, कि नाअ् ताइमिङ पाप मापाखेना।

2 तिमोथि 1:6

ओदोङ भाअ्सिङ का नासेहेङ परमेस्वर पिका इङको बरदानको बारेता फोम पापालि चाहिखा, जेदोङ बरदान का ताइको खुर नाङकोता ताअ्लाउ, परमेस्वर नासेहेङ पिका हिघाहि। इङको बरदानहेङ जोगाइतेङ ताअ्।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

३ युहन्‍ना 1:6

उङको मध्ये आधिमि द्‍याङगेलाइ इताको मन्डलिको खान्धुराइगेलाइहेङ दोअ्का हि, कि हेसापा नाअ् ताइको खान्धुराइ ओनेगेलाइहेङ हेन्जा प्रेम पाखेना। एला का नासेहेङ दोअ्खा कि, जेलाउ इम्बालाइ नासेहेङ लाअ्तेङ बो थामेता हानावा, नाअ् लागातार उङको द्‍याङगेलाइहेङ साघाइलि गोयाना। हाइपालिपानु इङको परमेस्वर मन्दा ताखे।

३ युहन्‍ना 1:8

ओदोङ भाअ्सिङ इसिका द्‍याङगेलाइहेङ सेवा सत्कार पालि गोइखे, कालाउकि केलाइ सत्ये सुसमाचार प्राचार पालि इम्बालाइको कामता सहभागि जेङलि द्वाको।