साल्न्हाका चात्या 11:3 - Dhimal NT

³ “नाअ् ते गैर-यहुदिगेलाइको साअ्ता हानितेङ इम्बालाइ दोफा हिना कालाउ चान्हा-आमन्हा।”

धिमाल

³ एम्‍बालाइ पत्‍रुसहेङ दोअ्‌हि “खाताना मापाका द्‍याङगेलाइकोता हानेतेङ एम्‍बालाइदोफा हाइपालि चाकाआम्‍का पान्‍हा?”

साल्न्हाका चात्या 11:3 Iomraidhean Croise

मत्‍ति 9:11

येसु उङको आरु द्‍याङगेलाइ दोफाङ चाकाताङ पाका फारिसि दोअ्का समुहगेलाइ तिङहि, कालाउ येसुको चात्यागेलाइहेङ हिअ्हि, “हाइ पालि गुरु ज्यु नाअ् इन्सिका पोत ल्होपाका कालाउ पापि द्‍याङगेलाइ दोफा योम्तेङ चाखेना?”

लुका 15:2

कालाउ इदोइ द्‍याङते पापिगेलाइहेङ स्‍वागत पाखे, कालाउ ओबालाइ दोफा चाखे दोअ्तेङ फारिसि कालाउ व्यवस्था धिरपाका द्‍याङगेलाइ गनगनाइलि तेङहि।

युहन्‍ना 18:28

कालाउ इम्बालाइ येसुहेङ कैयाफासको साअ्सो पिलातसको दरबारता पिपुहि, इङको बेला ह्रिमा जेङका हिघाहि। कालाउ इम्बालाइ आसुद्द जेनाङ कालाउ निस्तार पार्बाको तोले चालि मानिनाङ दोअ्तेङ इम्बालाइ दरबार लिता मादुल्हि (पिलातस गैर-यहुदि हिघाहि)।

साल्न्हाका चात्या 10:23

कालाउ पतरुस इम्बालाइहेङ लिता लोसु कालाउ नानि इताङ बासा हिलि सेउपाहि, कालाउ न्हु दिना पतरुस तियार जेङतेङ उङको सुमि द्‍याङगेलाइ दोफा हानिहि। कालाउ आधेमि जोप्पा नगरको खान्धुराइ ओगेलाइ बुङ पतरुस दोफा हानिहि।

साल्न्हाका चात्या 10:28

पतरुस इम्बालाइहेङ दोअ्हि, “नेलाइ गिसुखेन्हा, कि केलाइ यहुदि जेङतेङ आरु जातिको द्‍याङगेलाइ दोफा एन्सा हिगिल्लि याते इम्बालाइकोता हानिलि केलाइको व्यवस्थाको बिरोध हि। कालाउ बुङ परमेस्वर कासेहेङ हासुहेङ बुङ आपबित्तरो माकुनु आसुद्द मादोअ्लि दोअ्तेङ धिर्पाका हि।

साल्न्हाका चात्या 10:32

ओदोङ भाअ्सिङ जोप्पा नगरता द्‍याङगेलाइ दिङगिल्तेङ सिमोन दोअ्का पतरुसहेङ काइतेङ चुमासु। वा सिमोन धालेको काम पाकाको साअ्ता हिखे जाइको साअ् समुन्द्रको काम्भेता हि।

साल्न्हाका चात्या 10:48

कालाउ पतरुस कर्निलियसको साअ्सो लोका द्‍याङगेलाइहेङ येसु ख्रिस्टको मिङता बप्तिस्ता पिका आग्या पिहि। कालाउ इम्बालाइ पतरुसहेङ आले दिना थेकापा इताङ हिलिको भाअ्सिङ सेउपाहि कालाउ इम्बालाइ आले दिना थेकापा इङताङ दोङ हि।

1 कोरिन्थि 5:11

कालाउ इन्सिकाको सङगत मापासु दोअ्तेङ का नेलाइहेङ लेखेघा, जाइ ताइमिहेङ खाङधुरि ओने दोअ्खे, कालाउ बास्ताबता उङको कासिबिरि, दिका, मुर्ति पुजा पाका, मन्दा माताका, गोरा म्हाका कालाउ धातुवा हि। इन्सिका द्‍याङगेलाइ दोफाते चालि बुङ मायोम्सु।

गलाति 2:12

हाइपालिपानु वा लाम्फा गैर-यहुदिगेलाइ दोफा उम चाघाखे, कालाउ जेलाउ याकुबको दिङगिल्का आधे खान्धुराइगेलाइ पतरुसकोता लोहि, वा गैर-यहुदिगेलाइ दोफा चालि कालाउ आम्लि लाअ्हि। हाइपालिपानु वा उङको यहुदिगेलाइ दोफा थिघाहि।

२ युहन्‍ना 1:10

जेसापा उङको द्‍याङ इङको सिक्स्याहेङ माधिरपाखे पानु उङकोहेङ नाङको साअ्ता स्‍वागत मापा। कालाउ वासेहेङ मासेउपा बुङ।