साल्न्हाका चात्या 1:8 - Dhimal NT

⁸ जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

धिमाल

⁸ कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

साल्न्हाका चात्या 1:8 Iomraidhean Croise

मत्‍ति 24:14

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

मत्‍ति 28:19

ओदोङ भाअ्सिङ हानिसु, कालाउ गोताङ सारभिको द्‍याङगेलाइहेङ चात्या बानाइसु, कालाउ आबा, चान कालाउ पबित्तरो आत्माको मिङता इम्बालाइहेङ बप्तिस्ता पिसु।

मर्कुस 16:15

कालाउ येसु इम्बालाइहेङ दोअ्हि, “सुमिङ भरि गोताङ थामेगेलाइता हानेसु कालाउ झाराङ द्‍याङगेलाइहेङ सुसमाचार हिङपासु।

लुका 1:35

उङको स्वर्गदुत मरियमहेङ दोअ्हि, पबित्तरो आत्मा नाअ् दोफा ल्वाङ कालाउ सर्बोच्च परमेस्वरको सरबुङहोइ गान्धि तेअ्ताना, ओदोङ भाअ्सिङ जोलोम जेङका जामाल पबित्तरो जेनावा कालाउ परमेस्वरको चान दोअ्न्हावा।

लुका 10:19

खाङसु, का नेलाइहेङ पुय्याँगेलाइ कालाउ चिम्ताङगेलाइ याङलि खाबारा पिका हिघा। का नेलाइहेङ सतुरुगेलाइको (साइतान) गोताङ सरबुङ ह्रुता खाबारा पिका हिघा, कालाउ हासु बुङ नेलाइहेङ हान्ति पालि माद्वावा।

लुका 24:29

कालाउ इम्बालाइ वासेहेङ एसा दोअ्काताङ हेन्जा बिन्ति पाहि, नानि केलाइ दोफाङ हि, हाइपालिपानु हेन्जा कितिकितिलि तोम्होइ। कालाउ येसु ओबालाइ दोफा बासा हिलि सिता हानिहि।

साल्न्हाका चात्या 1:22

युहान्नाको बप्तिस्ताको सोमोइसोङ उङको द्‍याङ दोङ केलाइ दोफा प्रभु येसुको सिन्चालकाको साक्सि जेङलि गोयाङ।”

साल्न्हाका चात्या 1:5

युहान्‍ना द्‍याङगेलाइहेङ चिको बप्तिस्ता पिहि, कालाउ आले दिना न्हुसो परमेस्वर पबित्तरो आत्माहेङ नेलाइ दोफा हिलि दिङगिल्लावा।

साल्न्हाका चात्या 13:31

ताइमि दोफा गालिल जिल्लासो यरुसेलेम सहरता लोका ताइको चात्यागेलाइ दोफा येसु हेन्जा दिना थेकापा देखाल जेङहि, कालाउ वासेहेङ तिङकालाइ एला केलाइको द्‍याङगेलाइको भाअ्सिङ साक्सि हि।

साल्न्हाका चात्या 2:32

इदोङ येसुहेङ परमेस्वर सिन्हु पाहि। इङको काथाको भाअ्सिङ केलाइ झाराङ साक्सि हिनाहि।

साल्न्हाका चात्या 22:15

हाइपालिपानु झाराङ द्‍याङगेलाइको आगाता वाको भाअ्सिङ नाअ् जेदोङ तिङका कालाउ हिङका हिना, नाअ् इङको गोताङ काथागेलाइको साक्सि जेनाना।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

साल्न्हाका चात्या 4:33

प्रभु येसुको सिकासो सिन्हुका जेङका को बारेता छाल्न्हाका चात्यागेलाइ सरबुङ दोफाङ साक्सि पिघाखे। कालाउ इम्बालाइ झाराङ ह्रुता बार्का आनुग्रह हिघाहि।

साल्न्हाका चात्या 5:32

केलाइ इदोइ गोताङ काथाको साक्सि हिनाहि, कालाउ एन्साङ पातेङ पबित्तरो आत्मा बुङ जाइहेङ परमेस्वर ताइको आग्या केम्कालाइहेङ पिका हि।”

साल्न्हाका चात्या 6:8

स्तिफन आनुग्रह कालाउ सरबुङहोइ पोङघातेङ द्‍याङगेलाइको माझाता बा-बार्का भारभुसाइका काम कालाउ चिन्हागेलाइ पाहि।

साल्न्हाका चात्या 8:1

स्तिफेनहेङ सेअ्काता साउल बुङ पुर्न रुपसो सहमति हिघाहि। कोकोङ दिना यरुसेलेम सहरता जेङका मन्डलिको बिरोधता ओसारापाङ साताइलि तेङहि, कालाउ छाल्न्हाका चात्यागेलाइ बाहेक खान्धुराइगेलाइ झाराङ यहुदिया जिल्ला कालाउ सामारिया जिल्ला भारि आउलिगिल्हि।

रोमि 10:18

कालाउ का दोअ्खा कि, यहुदि द्‍याङगेलाइ पाक्का दोङ येसु ख्रिस्टको बिसोइता बचन हिङका हि। हाइपालिपानु इदोइ धर्मसास्तरता लेखेका हि, “इम्बालाइको बचन सारा प्रिथिबि भरि थुकाका हि, कालाउ इम्बालाइको दोअ्का काथा सुमिङको गोताङ थामेगेलाइता थुकाका हि।”

रोमि 15:19

इदोइ चिन्हागेलाइ कालाउ भारभुसाइका कामगेलाइ पबित्तरो आत्माको सरबुङ पाहासो दोङ का पाका हिघा। एसापा का यरुसेलेम सहरसो इल्लुरिकन प्रदेस थेकापाङ द्‍यापाहाङ दोअ्ताङका द्‍याङगेलाइहेङ ख्रिस्टको सुसमाचार पुर्न रुपहोइ प्राचार पाका हिघा।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।