2 तिमोथि 4:7 - Dhimal NT

⁷ खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

धिमाल

⁷ का रेम्‍फा खान्‍धुरको धुम फेअ्‌सुका हिघा, ताइको धाअ्‌का दोपाका हिघा रो खान्‍धुरहेङ जोगाइतेङ ताअ्‌का हिघा।

2 तिमोथि 4:7 Iomraidhean Croise

लुका 11:28

कालाउ वा दोअ्हि, “धन्य द्‍याङगेलाइ जाइ परमेस्वरको बचनगेलाइ हिङखे, कालाउ केम्खे।”

लुका 8:15

कालाउ आधिमि द्‍याङगेलाइ रेम्का मिलिङ भाइका हि, जाइ परमेस्वरको बचन रेम्फा कालाउ मन लागाइतेङ हिङखे। कालाउ इम्बालाइ परमेस्वरको बचन पालाना पाखे। कालाउ ह्रुम्तेङ सोमोइताङ रेम्का फल सेपाखे।

युहन्‍ना 17:6

सुमिङसो जेदोङ द्‍याङ नाअ् कासेहेङ पिका हिघाखेना, इम्बालाइहेङ का नाअ् हासु दोअ्तेङ नाल्पाका हिघा। इम्बालाइ नाङको द्‍याङ हिघाहि, कालाउ नाअ् दोङ इम्बालाइहेङ कासेहेङ पिन्हा। कालाउ इम्बालाइ नाङको सिक्स्या केम्का हि।

युहन्‍ना 4:34

येसु इम्बालाइहेङ दोअ्हि, काङको चाका-आम्का चाहि कासेहेङ दिङगिल्का परमेस्वरको आग्या किलि दोङ कालाउ वाको काम पुरा पालि दोङ जेदोङ वा कासेहेङ पिका हि।

साल्न्हाका चात्या 13:25

युहान्‍ना ताइको काम दोपालि तोम्लाउ दोअ्हि, “का हासु दोअ्तेङ नेलाइ सोचिसुखेना? का ख्रिस्ट माको। भरु का न्हुसो एमि ल्वाङ, वा इदोइ झोको माहान हि, कि का वाको जुत्ताको तुना बुङ खाइलि थेकापा सोबाइका मान्थुघा।”

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

गलाति 2:2

परमेस्वर कासेहेङ इन्ता हाने दोअ्कानाङ का इन्ता हानिघा। जेलाउ का इन्ता हिघाखा का आधिमि मन्डलिको आगुवागेलाइ दोफा सिकापा भेतिघा, कालाउ जेलाउ इम्बालाइहेङ सुसमाचारको ब्याख्या पाघा जेदोङ का गैर-यहुदिगेलाइको माझाता बुङ प्राचार पाका हिघाखा, कालाउकि काङको लाम्फा पाका कामगेलाइ कालाउ एला पाका कामगेलाइ खेर मान्हाको।

फिलिप्पि 1:30

कालाउ इङकोङ सङघरस जेदोङ हानिका सोमोइता नेलाइ काङकोता तिङसुन्हा कालाउ जिसिका दुखको काथा नेलाइ एला हिङका हिसुना, इन्सिका दुखता का आझै बुङ इता झ्यालखानाता हिघा।

1तिमोथि 1:18

काङको चान तिमोथि, का नासेहेङ या आग्या पिदोङखा, कि नाङको बिसोइता लाम्फासोङ परमेस्वरको बाक्ता दोअ्का काथा नाअ् फोम ताअ् कालाउकि नेलाइ धाताइका सिक्स्यकगेलाइको बिरोधता आसल धुम पालि दोसु।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 1:14

परमेस्वर पिका सत्ये सिक्स्याहेङ जोगाइतेङ ताअ्सु, कालाउ पबित्तरो आत्मा नासेहेङ इङको सिक्स्या जोगाइतेङ ताअ्लि साघाइयाङ, जेदोङ पबित्तरो आत्मा केलाइ दोफा हिखे।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 3:8

कासेहेङ नेलाइको कामगेलाइ थाहा हि। का गिखा कि नेलाइ खाङधुरिता हेन्जा बल्लियाका मान्थु सुन्हा। कालाउ जेदोङ का नेलाइहेङ दोअ्घा नेलाइ इङको केम्सुन्हा। कालाउ नेलाइ काङकोता खाङधुरि पातेङ हिसुना। ओदोङ भाअ्सिङ का नाङको भाअ्सिङ फिनु हेअ्का हिघा जेदोङहेङ हासु बुङ गि:लि माद्वाङ।

प्रकास 6:11

कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।