2 तिमोथि 4:5 - Dhimal NT

⁵ कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

धिमाल

⁵ कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

2 तिमोथि 4:5 Iomraidhean Croise

मत्‍ति 25:16

जेदोङ चाकारियाहेङ आधा किलो सोनाको थुरि पिका हिघाहि, वा मार्फा ब्यपार पालि तेङहि, कालाउ वा इङकोसो आरु आधा किलो सोनाको थुरि कामाइहि।

मर्कुस 13:34

का द्‍याङको चान आरोङ ल्वाङका, एनोङ दुरेको दामा तेअ्का द्‍याङको काहानिसो बाताइलि दोअ्खे: एमि द्‍याङ ह्रिङका दामा हानिलिको भाअ्सिङ ताइको साअ् लाअ्पिधिखे। हानिलि खान्तेङ लाम्फा वा चाकारियागेलाइहेङ पालि गोइका काम पिखे। कालाउ वा पालेहेङ दोअ्खे कि वाको घुरिका दिनाता तियार जेङतेङ हिसु।

मर्कुस 13:37

नेलाइहेङ दोअ्का भाइपा का झाराङहेङ दोअ्का हिघा, का लोलि तोम्काता जेलाउ बुङ तियार जेङतेङ हिसु।

लुका 12:37

धन्य उङको चाकारियागेलाइ जाइ गिह्रि घुरितेङ लोलाउ ह्रुम्तेङ हिका निङखे जातिङ भारि का नेलाइहेङ दोअ्खा, ताइको गिह्रि एनोङ सेवकको भाइपा लोखन धाबा लागाइतेङ उङको चाकारियागेलाइ सुकापा योम्पातेङ चापाखे कालाउ सेवा पावा।

साल्न्हाका चात्या 21:8

न्हु दिना केलाइ बिदा जेङतेङ कैसरिया सहरता लोन्हाहि, कालाउ प्रचारक फिलिपको साअ्ता हानिन्हाहि कालाउ केलाइ इम्बालाइ दोफा हिनाहि। वा चाहि यरुसेलेम सहरता साल्का चात्यागेलाइ न्हिमि मध्ये एमि हिघाहि, जाइहेङ के सिका बेबालाइको सेवा पालिको भाअ्सिङ साल्का हिघाहि।

रोमि 15:19

इदोइ चिन्हागेलाइ कालाउ भारभुसाइका कामगेलाइ पबित्तरो आत्माको सरबुङ पाहासो दोङ का पाका हिघा। एसापा का यरुसेलेम सहरसो इल्लुरिकन प्रदेस थेकापाङ द्‍यापाहाङ दोअ्ताङका द्‍याङगेलाइहेङ ख्रिस्टको सुसमाचार पुर्न रुपहोइ प्राचार पाका हिघा।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

कलस्सि 1:25

परमेस्वर कासेहेङ ताइको मन्डलिको सेवा पालि जिम्माबारि सुम्पिका हि, कालाउकि का परमेस्वरको सन्‍देस पुरा रितिहोइ गैर-यहुदिगेलाइहेङ प्राचार पालि द्वाको।

कलस्सि 4:17

नाअ् प्रभुसो निङका सेवाको काम पुरा पालि दोङ गोइयाना दोअ्तेङ आर्खिपसहेङ दोअ्पि।

1 थेस्लोनिकि 5:6

ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

1तिमोथि 4:15

इदोइ काथागेलाइहेङ ध्यान पितेङ काम पासु कालाउ ताइमिहेङ इङकोङ कामता पुरा समर्पित पाअ्‌, कालाउकि झाराङ तिनाको कि नाअ् ताइको खाङधुरिता आगा बारादोङखेना।

2 तिमोथि 1:8

ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

2 तिमोथि 2:3

येसु ख्रिस्ट आसल सिपालाइ कोनिङ दुखगेलाइता का दोफा झ्वाइ।

2 तिमोथि 4:17

कालाउ प्रभु काङको दोफा हिघाखे, कालाउ वा दोङ कासेहेङ सरबुङ पिहि, कालाउकि का गोताङ गैर-यहुदिगेलाइहेङ जाइ इन्ता जोम्का हिघाहि, इम्बालाइहेङ येसु ख्रिस्टको सुसमाचार प्राचार पालि द्वाको कालाउ इम्बालाइ झाराङ हिनाको। कालाउ वा कासेहेङ सिकासो बन्चिपाहि, जेसाङ म्हितुका खुवाँको नुइसो हासु बान्चि पावा।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

प्रकास 3:2

ओदोङ भाअ्सिङ, जागितेङ हिसु। काङकोता नाङको खाङधुरिहेङ बलियो पासु जेलाउ थेकापा नाङको आधे खाङधुरि बाकि हि, कालाउकि या गोताङ पुर्न रुपता मान्हाङ। का गिखा कि नेलाइ सिद्द मान्थु सुन्हा, हाइपालिपानु नाअ् जेदोङ पादोङखेना इङकोसो परमेस्वर खुसि मान्थु।