2 तिमोथि 4:21 - Dhimal NT

²¹ चुङदिनको सोमोइ खाङतेङ लाम्फा दोङ काङकोता लोलि सकभर कोसिस पाअ्‌। युबलस, पुदेनस, लिनस, क्लोडिया कालाउ इता हिका झाराङ खान्धुराइ ओनेगेलाइ नासेहेङ सेउपाखा पिगिल्का हि।

धिमाल

²¹ चुङदिङ लोलि मानिङसिङ मारफाङ लो। युबुलस, पुडेस, लिनस, क्‍लौडिया रो इता हिका झाराङ खान्‍धुरिगेलाइ नासेहेङ सेउपाका पिगिल्‍का हि।

2 तिमोथि 4:21 Iomraidhean Croise

लुका 12:58

नेलाइको उजुरि वाला दोफा हाकिमकोता हानिलाउ, दामाताङ वाको दोफा मिलिसु, माकुनुते वा नासेहेङ न्यायधिसकोता तानितेङ चुम्पावा, कालाउ न्यायधिस नासेहेङ सिपालाइको खुरता जिम्मा प्यावा, कालाउ सिपालाइ नासेहेङ झ्यालखानाता ह्वातावा।

1 कोरिन्थि 16:20

गोताङ खान्धुराइ ओनेगेलाइ नेलाइहेङ सेउपाखा पिगिल्का हि। कालाउ एमिसो भेनेङहेङ सत्ये प्रेमहोइ सेउपासु।

2 कोरिन्थि 13:13

झाराङ खान्धुराइगेलाइ नेलाइहेङ सेउपाखा पिगिल्का हि।

फिलिप्पि 4:22

गोताङ परमेस्वरको जनगेलाइहेङ कालाउ बिसेस पातेङ रोमि साम्रातको महलता हिका खान्धुराइगेलाइ नेलाइहेङ सेउपाखा पिगिल्का हि।

2 तिमोथि 1:4

कासेहेङ फोम हि, जेलाउ केलाइ लाअ्न्हाहि नाअ् हेसा खार्का हिघाखेना, इङको फोम होइ नासेहेङ भेतिलि काङको बार्का इच्छा हि। कालाउ भेतिलि निङनु का हेन्जा लेङचा धाङका।

2 तिमोथि 4:13

जेलाउ नाअ् ल्वाना, का तरोआस सहरता हिलाउ इन्ता कार्पसको साअ्ता काङको लाअ्धिघा कोट चुम्तेङ लौउ। कालाउ इन्ता हिका काङको कितापगेलाइ कालाउ बिसेस पातेङ धालेको पात्तारा बुङ चुमापि।

2 तिमोथि 4:9

तिमोथि जेथे धेमा जेङलि दो, कासेहेङ भेतिलि लोलि कोसिस पाअ्‌।

तितस 3:12

का आर्तिमास माकुनु तुखिकसहेङ नाङको हिका थामे क्रेट टापुता दिङगिल्लाङका। जेलाउ इम्बालाइ नाङकोता थुकातावा नाअ् कासेहेङ भेतिलि निकोपोलिस सहरता जेसालाउ बुङ लोलि कोसिस पाअ्‌। हाइपालिपानु इङकोङ निकोपोलिसता का चुङका सोमोइ भरि हिलि बिचार पाका हिघा।

२ युहन्‍ना 1:13

परमेस्वर पाहासो साल्न्हाका नाङको बेजान ओनेको जामाललाइ बुङ नासेहेङ सेउपाखा पिगिल्खे।

३ युहन्‍ना 1:14

कालाउ का नेलाइकोताङ धेमाङ लोतेङ सोझाङ दोफा-दोफाङ काथा पालि आस पाखा।