2 तिमोथि 4:2 - Dhimal NT

² नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

धिमाल

² परमेस्‍वरको रेम्‍काबानाल पारचार पा, पहर हिलाउ बुङ मान्‍थुलाउ बुङ रेम्‍काबानाल पारचार पालि त्‍यार जेङ रो एम्‍बालाइहेङ बिद्‍या पिलाउ सान्‍तिहोइ साम्‍झाइ रो हाउसाला पि।

2 तिमोथि 4:2 Iomraidhean Croise

लुका 7:23

जेसापा हिदोइ बुङ द्‍याङ कासेहेङ साङखा मापाखे उङको धन्यको हि।

लुका 7:4

उङको द्‍याङगेलाइ येसुकोता हानिहि, कालाउ उङको कप्तानहेङ साघाइपि दोअ्तेङ सेउपाहि कालाउ दोअ्हि उङको कप्तान नाङको साघाइका निङलि जातिङ भारि योग्यको हि।”

लुका 9:60

कालाउ येसु वासेहेङ दोअ्हि, “इम्बालाइहेङ ताइको सिकालाइहेङ लिइलि पिसु।” नेलाइ हानेसु कालाउ परमेस्वरको सासनको बारेता प्राचार पासु।

साल्न्हाका चात्या 13:5

सलामिस देराता थुकालि दोतेङ न्हुसो इम्बालाइ यहुदिगेलाइको चाउघारा साअ्गेलाइता परमेस्वरको बचन प्राचार पाहि। इम्बालाइहेङ साघाइलि मर्कुस दोअ्का युहान्‍ना बुङ इम्बालाइ दोफा हिघाहि।

साल्न्हाका चात्या 16:13

परमेस्वरको पबित्तरो दिनाता केलाइ सहरको फिनुसो बाहार ओल्लेतेङ झोराको काम्भेता हानिन्हाहि, हाइपालिपानु इन्ता यहुदिगेलाइको प्रार्थाना पाका एनोङ थामे हि वाला दोअ्का केलाइ सोचिका हिघान्हाहि, कालाउ इन्ता केलाइ योम्न्हाहि कालाउ जोम्तेङ हिका बेबालाइ दोफा काथा पालि तेङन्हाहि।

साल्न्हाका चात्या 20:7

आथारको लाङ दिना केलाइ झाराङ तोले पोङलि ए दोफाङ जोम्का हिघान्हाहि, कालाउ पावल न्हु दिना हानिलि मन पानाङ पावल इम्बालाइ दोफा आधा न्हिसिन्ता थेकापा काथा पातेङ हि।

साल्न्हाका चात्या 28:16

जेलाउ केलाइ रोम सहरता थुकान्हाहि, कालाउ पावलहेङ एमि सिपाइको खाङसुलि ताइकोङ देरा ह्रुतेङ हिलि आनुमति मिलिहि।

रोमि 10:15

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”

रोमि 12:12

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

गलाति 6:6

जाइ परमेस्वरको बचन धिरखे वा ताइमिहेङ धिरपाका दोफा गोताङ आसल काथागेलाइ बाखाराइयाको।

कलस्सि 1:25

परमेस्वर कासेहेङ ताइको मन्डलिको सेवा पालि जिम्माबारि सुम्पिका हि, कालाउकि का परमेस्वरको सन्‍देस पुरा रितिहोइ गैर-यहुदिगेलाइहेङ प्राचार पालि द्वाको।

कलस्सि 4:3

केलाइको भाअ्सिङ बुङ प्रार्थाना पासु, कालाउकि ख्रिस्टको इङको रहस्यको सुसमाचार प्राचार पालि परमेस्वर केलाइहेङ दामा खोलि पाप्याको, जाइको भाअ्सिङ का झ्याल्खानाता हिघा।

1 थेस्लोनिकि 1:6

कालाउ नेलाइ, केलाइ भाइपा कालाउ प्रभु भाइपा रेम्का ब्याभार पासुन्हा। नेलाइ हेन्जा दुख निङतेङ बुङ आनान्दहोइ बचन ग्रहन पासुन्हा, इङको आनान्द पबित्तरो आत्मा पिका हि।

1 थेस्लोनिकि 5:14

कालाउ खान्धुराइ ओनेगेलाइ, केलाइ नेलाइहेङ आर्ति पिनाखे, कि कुरियागेलाइहेङ चेताउनि पिसु, थिकालाइहेङ हाउसाइ पिसु, हुइका हिकालाइहेङ मद्दत पासु, कालाउ झाराङ दोफा धैर्य जेङतेङ तिङपासु।

1 थेस्लोनिकि 5:20

परमेस्वर द्‍याङगेलाइहेङ पिका आगमबानिगेलाइहेङ हेला मापासु।

1तिमोथि 4:13

का इन्ता मालोका थेकापा नाअ् खान्धुराइगेलाइहेङ धर्मसास्तर बार्का गालाहोइ पढेतेङ हिङपा, हाउसाइपा कालाउ धर्मसास्तरको आर्था खोलिपि।

1तिमोथि 5:20

जाइ मन्डलिको आगुवागेलाइ पाप पातेङ हिखे इम्बालाइहेङ खान्धुराइगेलाइको आगाता हाप्काइ, कालाउकि बो मन्डलिको आगुवागेलाइ बुङ थियाको।

2 तिमोथि 2:21

एन्साङ पातेङ जेदोङ खान्धुराइ ताइमिहेङ मारेम्का कामगेलाइसो खेङखे, इङको एनोङ जाङका भान्डा भाइका जेनावा जेदोङ बिसेस कामको भाअ्सिङ चालाइखे। कालाउ जाइको जिबन सुद्द जेनावा वाको गिह्रि वासेहेङ आसल कामता लागाइलि द्वावा।

2 तिमोथि 2:25

कालाउ ताइमि दोफा सहमत माजेङका द्‍याङगेलाइहेङ वा मोनोइ जेङतेङ सुधार्लि दोका हिलि गोइखे। जेङलि दोनु परमेस्वर ओबालाइहेङ पाप पालि लाअ्पातेङ कालाउ येसु ख्रिस्टको बारेता सत्ये गिलि साघाइयाङ।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

तितस 1:13

ग्यानि द्‍याङको इदोइ काथागेलाइ आझाइ बुङ क्रेट टापुको द्‍याङगेलाइको बिसोइता सत्ये हि। ओदोङ भाअ्सिङ इम्बालाइहेङ बेसरि हाप्काइ, कालाउकि इम्बालाइ येसु ख्रिस्टको सत्ये सिक्स्या साक्सि पिलि द्वाको।

तितस 2:15

तितस, का नासेहेङ धिरपाका काथा इन्ता क्रेट टापुता हिका खान्धुराइगेलाइहेङ धिरपा। कालाउ ताइको द्‍याङगेलाइहेङ हाउसाइपा कालाउ गोल्ति पानु इम्बालाइहेङ सच्याइपा नाअ् दोफा या पालि खाबारा हि। कालाउ हासु बुङ नासेहेङ हेला पालि माउका मापि।

हिब्रु 13:22

खान्धुराइ ओने, का नेलाइहेङ सेउपाखा, कि काङको लेखेका इदोइ हाउसाको सन्देसहेङ धैर्य दोफा हिङसु, हाइपालिपानु नेलाइहेङ का आतुइसा बानाइतेङ लेखेका हिघा।

प्रकास 3:19

जाइहेङ का प्रेम पाखा, का इम्बालाइहेङ धिरपाङका कालाउ साजाइ प्याङका कालाउकि इम्बालाइ आसल जेनाको। कालाउ रेम्का कामगेलाइ पालि उत्सुक जेनाको कालाउ पाप पालि लाअ्ताको कालाउ परमेस्वर भारि घुरियाको।