2 तिमोथि 4:17 - Dhimal NT

¹⁷ कालाउ प्रभु काङको दोफा हिघाखे, कालाउ वा दोङ कासेहेङ सरबुङ पिहि, कालाउकि का गोताङ गैर-यहुदिगेलाइहेङ जाइ इन्ता जोम्का हिघाहि, इम्बालाइहेङ येसु ख्रिस्टको सुसमाचार प्राचार पालि द्वाको कालाउ इम्बालाइ झाराङ हिनाको। कालाउ वा कासेहेङ सिकासो बन्चिपाहि, जेसाङ म्हितुका खुवाँको नुइसो हासु बान्चि पावा।

धिमाल

¹⁷ कोलाउबुङ प्रभु दोङ काङको दोसा हितेङ कासेहेङ सरबङ पिहि। एन्‍साङ का बो जात्‍याको द्‌याङगेलाइहेङ परमेस्‍वरको रेम्‍काबानाल रेम्‍फा हिङपालि दोघा। एसापा वा कासेहेङ सिकासो सिन्‍हुपाहि।

2 तिमोथि 4:17 Iomraidhean Croise

मत्‍ति 10:19

जेलाउ नेलाइ रिम-निन्चास्वाना, कालाउ हेसा नुइ धुइलि, हेसा पातेङ दोअ्लि, दोअ्तेङ इन्सिका काथाता पिर मापासु। इङको काथा एन्सालाउ दोङ नेलाइहेङ धुइलि गोइका, काथा नेलाइहेङ दोअ्पियावा।

लुका 1:1

आनाउ थियोफिलस, हाइपालिपानु हेन्जा द्‍याङगेलाइ केलाइको माझाता जेङका घाटानागेलाइको बिसोइता बिबरन लेखेलि कोसिस पाका हि।

लुका 21:15

हाइपालिपानु का नेलाइहेङ इसिका काथागेलाइ घुरिपालि बुद्दि प्याङका, कि नेलाइको बिरोधिगेलाइको नुइ तुपापियाङका।

साल्न्हाका चात्या 23:11

कोकोङ न्हिसिन्ता प्रभु येसु पावलको भेरपा लोतेङ दोअ्हि, “साहासि जेङ, हाइपालिपानु जेसाङ नाअ् यरुसेलेम सहरता काङको बिसोइता साक्सि पिन्हा, एन्साङ पातेङ नाअ् रोम सहरता बुङ हानितेङ काङको बिसोइता साक्सि पिलि गोयाना।”

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 15:31

पार्थाना पासु कि परमेस्वर कासेहेङ यहुदिया जिल्लाता हिका खाङधुरि मापाकालाइसो बान्चिपालि कालाउ यरुसेलेम सहरता हिका पबित्तरो जनगेलाइ भेति साघाइ निङलाउ खुसि जेनाको।

2 कोरिन्थि 12:9

कालाउ वा कासेहेङ दोअ्हि, “काङको आनुग्रह नाङको भाअ्सिङ गेनेगेल्पा जेङका हि, हाइपालिपानु काङको सरबुङ कोमजोरताबुङ सिद्द जेङखे।” ओदोङ भाअ्सिङ ख्रिस्टको सरबुङ का ह्रुता बासा ह्याको दोअ्तेङ का भरु काङको कोमजोरता हेन्जाङ लेङचातेङसाङ गर्ब पाङका।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

2 तिमोथि 2:9

कालाउ ओदोङ सुसमाचार हिङपाकानाङ का आपाराधि कोनिङ कस्ट भोगितेङ हिघा। इङको झोको खिनिङ माको आपाराधि कोनिङ झिन्झिरिहोइ धेउनातेङ झ्यालखानाता परिका हिघा। कालाउ द्‍याङगेलाइहेङ परमेस्वरको बचन प्राचार पालि हिदोइ बुङ काथाहोइ रोकिलि माद्वावा।

2 तिमोथि 3:11

कालाउ नासेहेङ या बुङ थाहा हि, कि एन्तिओक सहर, आइकोनियम सहर कालाउ लुस्तारा सहरको द्‍याङगेलाइ कासेहेङ हेन्जा कस्ट कालाउ साताइका नासेहेङ थाहा दोङ हि। हेसा का कस्ट कालाउ साताइकागेलाइ सहिघा। कालाउ प्रभु दोङ कासेहेङ इङको गोताङ बिपतिसो बान्चिपाहि।

2 तिमोथि 4:5

कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

हिब्रु 11:33

खाङधुरि पाहासोङ इम्बालाइ राइजिगेलाइ कब्जा पाहि, कालाउ न्याय दोफा राज्य पाहि, कालाउ परमेस्वर दोङ प्रतिग्या पाका काथागेलाइ बुङ निङहि, खुहाँगेलाइ इम्बालाइहेङ माचाहि।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

२ पत्‍रुस 2:9

प्रभु इदोइ गोताङ कामगेलाइ पाकानाङ, या होइ इदोइ तिङपाखे कि वा धर्मि द्‍याङगेलाइहेङ ओबालाइको कस्टसो जोगाइलि कालाउ न्यायको दिना थेकापा दुस्ट द्‍याङगेलाइहेङ लागातार साजाइ पिलि गिखे।