2 तिमोथि 4:14 - Dhimal NT

¹⁴ चिरको काम पाका आलेकज्यानडर कासेहेङ हेन्जा पोल्ति चित्ता तुपापिका हि। प्रभु वासेहेङ वाको मारेम्का काम आन्सार बद्ला ह्रुकावा।

धिमाल

¹⁴ ताम्‍बाको तासाला भान्‍दाको काम पाका अलेक्‍जेन्‍डर कासेहेङ हेन्‍जाङ मारेम्‍का पाहि। इङकोको पाका कामको फल प्रभु दोङ इङकोहेङ प्‍यावा।

2 तिमोथि 4:14 Iomraidhean Croise

रोमि 12:19

ओइ काङको आनाउगेलाइ, ताइमि दोङ हेलाउ बुङ बदला माह्रुसु, भरु परमेस्वर दोङ वासेहेङ साजाइ प्याको। हाइपालिपानु धर्मसास्तरता लेखेका हि, “बदला ह्रुका काम काङको दोङ हि, का दोङ बदला ह्रुकाङका” प्रभु दोअ्खे।

रोमि 2:6

हाइपालिपानु परमेस्वर झाराङ द्‍याङहेङ वाको काम आन्सारको इनाम प्याङ।

2 थेस्लोनिकि 1:6

हाइपालिपानु परमेस्वर जेलाउ बुङ न्याय पुर्बक न्याय पाखे, वा दोङ नेलाइहेङ दुख पिकागेलाइहेङ दुख पिखे।

1तिमोथि 1:20

इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

2 तिमोथि 4:15

नाअ् बुङ उङकोसो चङख हि, हाइपालिपानु वा केलाइको येसु ख्रिस्टको सिक्स्याको बारेता घोर बिरोध पाका हि।

१ युहन्‍ना 5:16

जेसापा हासु बुङ ताइको खान्धुराइ ओने पाप पाका तिङखे, कालाउ इङको पाप चाहि आत्मिक सिकाता माचुम्पुखे पानु, वा उङको ओनेको भाअ्सिङ परमेस्वर दोफा प्रार्थाना पापिलि गोइखे, कालाउ जाइको पाप सिकाता चुम्पुका खाल्को मान्थु, वासेहेङ परमेस्वर जिबन पिखे। कालाउ इसिका पाप बुङ हिखे, जेदोङ आत्मिक सिकाता चुम्पुखे, जाइको भाअ्सिङ हासु बुङ बिन्ति पालि गोयाङ दोअ्तेङ का माअ्दोताङका।

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 18:6

ओदोङ भाअ्सिङ का दोअ्दोङखा, जेसाङ बेबिलोन सहर भेनेङ दोफा पाहि, वाको दोफा बुङ इन्सिकाङ पाअ्‌। याको गोताङ दुस्ट कामगेलाइ खान्तेङ, न्हे गुना हेन्जा घुरि पापि। इङको सहरको भाअ्सिङ न्हे गुना सरबुङसाइका याताना तियार पापि, इङको याताना भाइका जाइ वा आरु द्‍याङगेलाइहेङ पिका हिघाहि।

प्रकास 6:10

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”