2 तिमोथि 4:12 - Dhimal NT

¹² का तुखिकसहेङ एफिसस सहरता दिङगिल्का हिघा।

धिमाल

¹² तुखिकसहेङ का एफिससता दिङगिल्‍का हिघा।

2 तिमोथि 4:12 Iomraidhean Croise

साल्न्हाका चात्या 18:19

इम्बालाइ एफिसस सहरता लोहि, कालाउ पावल प्रिस्किला कालाउ आकिलासहेङ इन्ताङ ताअ्धिहि कालाउ ताइमि चाहि एनोङ चाउघारा साअ्ता दुल्तेङ यहुदिगेलाइ दोफा काथा पोसुलि तेङहि।

साल्न्हाका चात्या 18:21

पावल एसा दोअ्तेङ इम्बालाइ दोफा बिदा जेङहि, “जेसापा परमेस्वरको इच्छा जेङनु का नेलाइकोता आरोङ ल्वाङका।” कालाउ वा एफिसस सहरसो समुन्द्रको दामा पाहासो हानिहि।

साल्न्हाका चात्या 19:1

आपुल्लोस कोरिन्थि सहरता हिका बेला, पावल प्रदेसगेलाइको दामा पातेङ एफिसस सहरता थुकाहि। इन्ता पावल आधिमि चात्यागेलाइहेङ दुसुहि।

साल्न्हाका चात्या 20:25

कालाउ एला का गिखा, कि नेलाइ झाराङको माझाता का परमेस्वरको सासनको प्राचार पाकाताङ लोका हिघा, एला नेलाइ कासेहेङ आरोङ हेलाउ बुङ मातिङस्वाना।

साल्न्हाका चात्या 20:4

इदोइ पाक पाकाता बेरिया सहरता हिका पुरुसको चान सोपातोरोस, थेसलोनिकि सहरसो आरिस्ताखर्स कालाउ सिकन्दस, डर्बि सहरसो गायस, कालाउ लुस्तारा सहरसो तिमोथि कालाउ एसिया प्रदेससो तुखिकस कालाउ तोरोफिमस केलाइको दोफाङ हिघाहि।

एफिसि 6:21

प्रभुता केलाइको आनाउ खान्धुराइ ओने कालाउ खाङधुरि योग्य सेवक तुखिकुस काङको बारेता गोताङ काथा नेलाइहेङ दोअ्प्याङ, कालाउकि नेलाइ बुङ थाहा निङलि दोसु कि का हिसिका हिघा, हाइ पादोङखा।

एफिसि 6:22

केलाइ हेसा पाका हिनाहि, इङको हिङतेङ नेलाइहेङ हाउसाइ मिलियाको दोअ्तेङ का वासेहेङ नाङकोता दिङगिल्का हिघा।

कलस्सि 4:7

जेलाउ तुखिकस केलाइको आनाउ खान्धुराइ ओने, खाङधुरि योग्य सेवक कालाउ प्रभुता दोफाङको दास तुखिकस नेलाइकोता ल्वाङ वा काङको बिसोइता गोताङ काथा नेलाइहेङ दोअ्प्यावा।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

तितस 3:12

का आर्तिमास माकुनु तुखिकसहेङ नाङको हिका थामे क्रेट टापुता दिङगिल्लाङका। जेलाउ इम्बालाइ नाङकोता थुकातावा नाअ् कासेहेङ भेतिलि निकोपोलिस सहरता जेसालाउ बुङ लोलि कोसिस पाअ्‌। हाइपालिपानु इङकोङ निकोपोलिसता का चुङका सोमोइ भरि हिलि बिचार पाका हिघा।