2 तिमोथि 4:1 - Dhimal NT

¹ जेलाउ येसु ख्रिस्ट राजा भाइपाङ सासन पालि ल्वाङ, कालाउ वा सिन्हुका कालाउ सिकालाइको न्याय पावा। ओदोङ भाअ्सिङ परमेस्वर कालाउ ख्रिस्टको साक्सिको रुपता का नासेहेङ थाङका आदेस प्याङका।

धिमाल

¹ सिन्‍हुका रो सिका झाराङ द्‍याङगेलाइको निया पालि रो झाराङ र्‍हुता राजपालि लोका ख्रिस्‍ट इसु रो परमेस्‍वरको आगाता का नासेहेङ हुकुम पिखा,

2 तिमोथि 4:1 Iomraidhean Croise

मत्‍ति 16:27

ताइ आबाको महिमा दोफाङ का द्‍याङको चान ताइ स्वर्गदुतगेलाइ दोफा ल्वाङ। एन्सालाउ द्‍याङको चान गोताङ द्‍याङगेलाइहेङ ताइको काम आन्सारको इनामगेलाइ प्यावा।

लुका 19:12

वा दोअ्हि, एमि हिकाचाका द्‍याङ हेन्जा दुरे सारभिता हानितेङ राजा जेङतेङ घुरिलि बिचार पाहि।

लुका 19:15

कालाउ बुङ उङको द्‍याङहेङ राजा बानाइहि, जेलाउ वा ताइको सारभि घुरिहि वा दोअ्हि, उङको चाकारियागेलाइहेङ काइसु जाइ दोफा काङको ताका हि। का गिलि खाङखा इम्बालाइ इङको ताकासो हेथे थेकापा कामाइहि।

लुका 23:42

कालाउ न्हुसो भेनेङ आपाराधि येसुहेङ दोअ्हि, हे येसु जेलाउ नाअ् राजा जेङतेङ सासन पाना इङको बेला कासेहेङ फोम पाअ्‌।

साल्न्हाका चात्या 10:42

येसु केलाइ झाराङ द्‍याङगेलाइहेङ प्राचार पालि कालाउ साक्सि पिलि आग्या पाका हि, वा दोङ येसु हि जाइहेङ परमेस्वर बान्चिका कालाउ सिकालाइको न्हेमि दोङ द्‍याङगेलाइको न्याय पालिको भाअ्सिङ नियुक्ति पाका हि।

साल्न्हाका चात्या 17:31

हाइपालिपानु परमेस्वर सुमिङको सारा द्‍याङगेलाइहेङ ठिक दोफा न्याय पाका दिना तोकि पिका हि। याको भाअ्सिङ वा एमि द्‍याङहेङ चुनिका हि। जाइसो सुमिङको न्याय जेनाङ। वासेहेङ सिकासो सिन्हु पातेङ परमेस्वर गोताङ द्‍याङगेलाइहेङ इङको को प्रमान पिका हि।

रोमि 2:16

या गोताङ काथागेलाइ ओदोङ दिना खिनिङ जेनावा, जेलाउ परमेस्वर येसु ख्रिस्ट पाहासो द्‍याङगेलाइको हृदयता म्होका काथागेलाइको न्याय जेनाङ। कालाउ या काथा का दोङ प्राचार पाका सुसमाचार आन्सार दोङ जेनाङ।

कलस्सि 3:4

जेलाउ ख्रिस्ट, जाइ नेलाइहेङ जिबन प्याङ, जेलाउ वा आरोङ इदोइ सुमिङता ल्वाङ, कालाउ नेलाइ बुङ वाको दोफाङ महिमाता देखाल जेङस्वाना।

2 थेस्लोनिकि 2:8

कालाउ न्हुसो इङको दुस्ट द्‍याङ देखाल जेनावा। कालाउ आरोङ न्हुसो जेलाउ प्रभु येसु ल्वाङ, वा इङको दुस्ट द्‍याङहेङ ताइको नुइसो ओल्लेका आदेसहोइ कालाउ वाको लोलि तोम्का महिमाहोइ इङकोहेङ सेअ्तावा।

1तिमोथि 5:21

परमेस्वर कालाउ ख्रिस्ट येसुको आगाता कालाउ साल्का स्वर्गदुतगेलाइको आगाता का नेलाइहेङ थाङका आदेस पिखा, हिदोइ बुङ काथाता भेदभाव माकुनु लेता-ह्रुता मापासिङ इदोइ नियमगेलाइ नाअ् माने।

2 तिमोथि 1:10

कालाउ एला परमेस्वर ताइको चान येसु ख्रिस्टहेङ दिङगिल्तेङ ताइको आनुग्रह तिङपाका हि। वा दोङ सिका सरबुङहेङ नासा पाहि कालाउ केलाइहेङ सुसमाचार पाहासो आनान्त जिबनको दामा तिङपाहि।

2 तिमोथि 2:14

नाङको द्‍याङगेलाइ इदोइ काथागेलाइ मानिलाको जेदोङ काथा का नासेहेङ दोअ्का हिघा, कालाउ प्रभुको साक्सिको रुपता इम्बालाइहेङ सब्दगेलाइको आर्थाता काथा मापोसुसु दोअ्तेङ चेताउनि पिसु। हाइपालिपानु इन्सिका काथा पोसुकाहोइ हासुहेङ बुङ फाइदा मापाखे, कालाउ हिङका द्‍याङगेलाको खाङधुरिहेङ बुङ बार्का हान्ति पाखे।

2 तिमोथि 4:18

कालाउ प्रभु कासेहेङ गोताङ खाल्को मारेम्का कामगेलाइसो जोगेपावा, कालाउ वा कासेहेङ जोगाइतेङ ताइको स्वर्गको सासनता चुम्पावा। वाको महिमा जेलाउलाउ बुङ ज्याको। आमेन।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

1पतरुस 1:7

इदोइ समस्यागेलाइको उदेस्य इदोइ तिङपालिको भाअ्सिङ हि कि नेलाइ जातिङकोङ परमेस्वरता भोरोसा ताअ्सुखेना कि माताअ्सुखेना। नेलाइको येसु ख्रिस्टता खाङधुरि सोना खाङतेङ हेन्जा दामको हि। जेसाङ नासाका सोनाहेङ मेहोइ जाचिखे कालाउ सुद्द पाखे, जेसापा नेलाइको खाङधुरि मे भाइपा जाचिकासो जाचितेङ बुङ बल्लियाका हितेङ हिखे पानु, इदोइहोइ येसु ख्रिस्ट धुरितेङ लोका दिनाता नेलाइहेङ हेन्जा बाखिन, महिमा कालाउ सम्मान चुमावा।

1पतरुस 4:5

कालाउ इन्सिका सोमोइ ल्वाङ, जेलाउ उङको द्‍याङगेलाइ उङको दुस्ट कामगेलाइको बारेता परमेस्वरको प्रस्न उत्तारा पिलि गोइयाङ। हाइपालिपानु परमेस्वर गोताङ द्‍याङगेलाइको न्याय पालि तियार हि, चाहे जाइ आझाइ सिन्हुका हि माकुनु जाइ सिलि दोका हि।

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 1:17

केलाइ वाको दोफा पबित्तरो लाखता हिघान्हाहि, जेलाउ परमेस्वर आबा वासेहेङ साम्मान पाहि कालाउ परमेस्वरको जोल्काहोइ वासेहेङ खोराइका हिघाहि। जेलाउ केलाइ इन्ता हिघान्हाहि केलाइ सर्बोच्च महिमा, परमेस्वर स्वर्गसो एसा दोअ्काताङ पाका गाला हिङन्हाहि, “या काङको ताइकोङ मायारु चान हि, जाइहेङ का प्रेम पाखा। वाको दोफा का ओसारापाङ लेङचाखा।

१ युहन्‍ना 2:28

नेलाइ जाइ काङको आनाउ जामाललाइ भाइकाङ हिसुना, लागातार ख्रिस्टता हितेङ हिसु, कालाउकि ख्रिस्ट आरोङ लोलाउ केलाइता हिम्मत ह्याको, कालाउ वाको आगमनता वाको आगाता केलाइ लेदेरलि मागोइयाको।

प्रकास 1:7

हिङसु, वा बादेलगेलाइ दोफा लोदोङखे, कालाउ झाराङ वासेहेङ तिनावा। ओबालाइ बुङ जाइ वासेहेङ भालाहोइ बाहि कालाउ वासेहेङ सेअ्हि। कालाउ प्रिथिबिता हिका गोताङ द्‍याङगेलाइ जेलाउ वासेहेङ तिनावा, इम्बालाइ जिउधाइ लोपाङ खारावा कालाउ तुम्ता थेकावा। एसाङ जेनाको। आमेन।