2 तिमोथि 3:8 - Dhimal NT

⁸ इदोइ धाताइका सिक्स्यकगेलाइ ख्रिस्टको सत्ये सन्देसहेङ घोसाना पालिसो रोकिलि कोसिस पाखे, जेसाङ यान्नेस कालाउ याम्ब्रेस मोसाको बिरोध पाका हिघाहि। इदोइ द्‍याङगेलाइको बुद्दि बिगिरका हि इङको द्‍याङगेलाइ ख्रिस्टको खाङधुरिता आसफल जेङका हि।

धिमाल

⁸ यान्‍नेस रो याम्‍ब्रेस जेसापा मोसाको खिलाप पाका हिघाखे, एन्‍सा दोङ इदोइ द्‍याङगेलाइ बुङ सतको खिलाप पावा। एबालाइको ते आकिल दोङ बिगिरका हि रो खान्‍धुरदोङ राम्‍पाका हि।

2 तिमोथि 3:8 Iomraidhean Croise

साल्न्हाका चात्या 15:24

केलाइ हिङका हिनाहि, कि केलाइको माझाता हेथेते आधेमि केलाइको आदेस माकोसिङ नेलाइको मन आउलि पापितेङ नेलाइहेङ इस्तुङ काथाहोइ दुख पिका हि।

रोमि 1:28

कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।

रोमि 16:18

हाइपालिपानु इन्सिकागेलाइ केलाइको प्रभु ख्रिस्टको माको, कालाउ ताइको जिउको इच्छागेलाइ पुरा पालि सेवा पाखे, कालाउ इम्बालाइ ताअ्का-ताअ्का कालाउ दिरबे देअ्का काथा पातेङ सोझाका द्‍याङगेलाइहेङ धोका पिखे।

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 4:2

इसिका धाताइता सिक्स्यागेलाइ कपटि पाका द्‍याङगेलाइसो लोखे। इम्बालाइको बिबेकहोइ थाहा मागिखे कि इम्बालाइ ठिक पाखे कि गलत पाखे, एन्साङ पातेङ जेलाउ हिदोइ बुङ द्‍याङको जिउ धाङका फालामहोइ ओअ्का हि पानु, धालेहोइ हाइ दोङ थाहा मागिखे।

1तिमोथि 6:5

कालाउ इसिका द्‍याङगेलाइको बिबेक साङकाहोइ पोङघाका हिखे, कालाउ आरु दोफा काथा पोसुखे। कालाउ इम्बालाइ सत्ये हाइ हि रो दोअ्तेङ बुझिलि मादोअ्खे, इम्बालाइ सोचिखे, कि परमेस्वरको बारेता धिरपाका एनोङ ताका कामाइका तरिका हि।

2 तिमोथि 4:15

नाअ् बुङ उङकोसो चङख हि, हाइपालिपानु वा केलाइको येसु ख्रिस्टको सिक्स्याको बारेता घोर बिरोध पाका हि।

तितस 1:10

का इदोइ काथा दोअ्ताङका, हाइपालिपानु हेन्जा द्‍याङगेलाइ ठिक सिक्स्याको बिरोध पावा, इम्बालाइ काम मालागेका काथागेलाइ धिरपाखे कालाउ आरुहेङ धोका पिखे। उङको द्‍याङगेलाइ इङको दलको हि, जाइ गोताङ खान्धुराइगेलाइ यहुदिगेलाइको व्यवस्था किताको दोअ्तेङ चाहिखे, बिसेस पातेङ खाताना पाका भोखे।

तितस 1:16

इङको धाताइका सिक्स्यकगेलाइ परमेस्वरहेङ नाल्का हिघा दोअ्तेङ दाबि पाखे, कालाउ इम्बालाइको कामहोइ इदोइ तिङपाखे कि इम्बालाइ परमेस्वरहेङ मानाल्खे। हाइपालिपानु इम्बालाइ सिकाका, आतेरि कालाउ हिदोइ बुङ रेम्का काम पालि सक्स्यम मान्थु।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

१ युहन्‍ना 2:18

नेलाइ जाइ काङको भाअ्सिङ जामाललाइ भाइकाङ हिसुना, का नेलाइहेङ दोअ्खा कि, इदोइ सुमिङको आम्तिम दिनागेलाइ हि। ख्रिस्ट बिरोधि लोतेङ हि दोअ्का नेलाइ हिङकाङ हिसुना। एला हेन्जाङ ख्रिस्ट बिरोधि लोका हि। ओदोङ भाअ्सिङ केलाइ गिनाखे, कि सुमिङको आम्तिम दिनागेलाइ इदोइ दोङ हि।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

प्रकास 2:20

कालाउ नाङको बिरोधता कासेहेङ या गुनासो दोअ्लि हि: नाअ् इजेबेल दोअ्का बेबालहेङ सहिका हिना। वा ताइमिहेङ परमेस्वरको बक्ता दोअ्खे, कालाउ काङको द्‍याङगेलाइहेङ कासिबिरि पालि कालाउ मुर्तिगेलाइहेङ भोग पिका आमेने चालि-आम्लि कालाउ आसलिल जिबन बितिपालि धिरपाहि।

प्रकास 2:6

कालाउ का नेलाइसो हेन्जा खुसि जेङका हिघा, हाइपालिपानु नेलाइ निकोलाइटसको मारेम्का कामगेलाइहेङ सिकाका भाइपाङ का बुङ इम्बालाइको कामगेलाइहेङ सिकाताङका।