2 तिमोथि 3:5 - Dhimal NT

⁵ इम्बालाइ परमेस्वरको आदार पाका कोनिङ तिङपाखे कालाउ परमेस्वरको सरबुङहेङ ताइको मारेम्का जिबनसो परिबतन पालि आनुमति मापिखे। इसिका द्‍याङगेलाइको सङगतसो फारापा हिसु।

धिमाल

⁵ एम्‍बालाइ धरमाति तिङपालि ते भोखे कालाउ वाको सरबङहेङ चाहिँ मार्‍हुखे। इसिका द्‍याङगेलाइसो बुङ ना फारापाङ हि।

2 तिमोथि 3:5 Iomraidhean Croise

मत्‍ति 7:15

धाताइका बक्तागेलाइसो चङख जेङतेङ हिसु, जाइ हान्ति मापाका भेडाको भेसता भाङगाइतेङ लोखे, कालाउ खात्तिता इम्बालाइ हान्ति पाका स्याइलेगेलाइ दोङ हि, कालाउ इम्बालाइ द्‍याङगेलाइहेङ झाअ्मिरेखे।

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

2 थेस्लोनिकि 3:14

इदोङ पात्ताराता केलाइको दोअ्का सन्‍देस जेसापा हासु बुङ किलि माकिखे पानु उङको द्‍याङहेङ झाराङ नाल्तेङ ताअ्सु, कालाउ वा दोफा हाइ दोङ सङगत मापासु, कालाउ उङको ताइमिङ लेदेरयावा।

2 थेस्लोनिकि 3:6

एला खान्धुराइ ओनेगेलाइ, केलाइको प्रभु येसु ख्रिस्ट पिका खाबारासो केलाइ नेलाइहेङ आग्या पिन्हाखे, कि केलाइसो नेलाइ दोङ निङका सिक्स्याता मालागिका गोताङ कुरिया खान्धुराइ ओनेगेलाइको सङगत मापासु।

1तिमोथि 4:7

कालाउ दन्ते काथागेलाइता कालाउ आर्था मान्थुका काथागेलाइसो एकदम फारापा हिसु, भरु ताइमिहेङ लागातार परमेस्वरहेङ मन परिका जिबन जियाइलि तालिम पाअ्‌।

1तिमोथि 4:8

हाइपालिपानु जिउको कसरतहोइ जिउहेङ खिनिङ फाइदा जेङखे। कालाउ परमेस्वरको भक्तिचाहि गोताङ काथाता फाइदा हिखे, हाइपालिपानु इदोइहोइ एलाको जिबनता कालाउ न्हुसोको जिबनता फाइदा जेङखे।

1तिमोथि 5:8

जेसापा हासु बुङ ताइकोगेलाइको कालाउ बिसेस पातेङ ताइकोङ जाहानहेङ रेम्फा मापोसिनु वा येसु ख्रिस्टहेङ खाङधुरि मापाखे, कालाउ खाङधुरि मापाकालाइ खान्तेङ बुङ खाराब हिखे।

1तिमोथि 6:5

कालाउ इसिका द्‍याङगेलाइको बिबेक साङकाहोइ पोङघाका हिखे, कालाउ आरु दोफा काथा पोसुखे। कालाउ इम्बालाइ सत्ये हाइ हि रो दोअ्तेङ बुझिलि मादोअ्खे, इम्बालाइ सोचिखे, कि परमेस्वरको बारेता धिरपाका एनोङ ताका कामाइका तरिका हि।

2 तिमोथि 2:16

इन्सिका आनाइ कालाउ फाल्तु काथागेलाइ दोअ्कालाइसो फारापा हिसु। हाइपालिपानु इन्सिका काथाहोइ द्‍याङगेलाइहेङ परमेस्वरसो झन दुरे बानाइखे।

2 तिमोथि 2:23

कालाउ हाइ दोङ मागिका आनाइ काथा जालबाजिगेलाइसो दुरे हिसु, हाइपालिपानु नासेहेङ थाहा दोङ हि, कि इसिका मारेम्का काथागेलाइसो चेरसुखे खिनिङ।

तितस 1:16

इङको धाताइका सिक्स्यकगेलाइ परमेस्वरहेङ नाल्का हिघा दोअ्तेङ दाबि पाखे, कालाउ इम्बालाइको कामहोइ इदोइ तिङपाखे कि इम्बालाइ परमेस्वरहेङ मानाल्खे। हाइपालिपानु इम्बालाइ सिकाका, आतेरि कालाउ हिदोइ बुङ रेम्का काम पालि सक्स्यम मान्थु।

तितस 3:10

जेसापा हिदोइ बुङ द्‍याङ मन्डलिता फाटो चुमाखे पानु, उङकोहेङ एखे माकुनु न्हेखे एन्सा पालि लाअ् दोअ्तेङ चेताउनि पि, कालाउ न्हुसो उङको द्‍याङ दोफा हिदोइ बुङ सामान्दा माअ्ता।