2 तिमोथि 3:3 - Dhimal NT

³ हिदोइ बुङ द्‍याङगेलाइ दाया मापाका हासुहेङ बुङ स्यामा मापिका, आरुको मारेम्का काथा दोअ्का, ताइको इच्छागेलाइ काबुता ताअ्लि मादोअ्का, थाङका कालाउ रेम्का काथागेलाइ मन मापरिका जेनावा।

धिमाल

³ हासुहेङ माया मापाका, निथुरि, एन्‍साङ चुक्‍लि चुका, फुका, थिलिगोइका, रेम्‍का काथा मोन्‍दामाताका जेनावा।

2 तिमोथि 3:3 Iomraidhean Croise

मत्‍ति 10:21

एमि ओने भेनेङ-ओनेहेङ सेअ्लिको भाअ्सिङ रिम्पावा। आमाइ-आबा बुङ ताइको चान चामिन्दिहेङ, चान चामिन्दि ताइकोङ आमाइ-आबाहेङ सेअ्लि लागाइयावा। हाइपालिपानु इम्बालाइ कासेहेङ खाङधुरि पाकानाङ।

मत्‍ति 4:1

कालाउ पबित्तरो आत्मासो येसुहेङ चाका-मान्दा थामेता चुम्पुहि, कालाउकि साइतानसो येसुहेङ जाचियाको।

लुका 10:16

जाइ नेलाइको काथा हिङखे, वा काङको काथा हिङखे, जाइ नेलाइहेङ मन्दा माताखे कालाउ उङको कासेहेङ बुङ मन्दा माताखे। जाइ कासेहेङ मामानिखे वा कासेहेङ दिङगिल्काहेङ बुङ मामानिखे।

लुका 16:14

फारिसिगेलाइ इदोइ गोताङ काथा हिङतेङ येसुहेङ खुजालाइहि, हाइपालिपानु इम्बालाइ झाराङ धनहेङ प्रेम पाघाखे।

युहन्‍ना 6:70

येसु इम्बालाइहेङ जोबाफ पिहि, “हाइ का ताइमिङ नेलाइ तेन्हे झनाहेङ साल्का माको रो? कालाउ बुङ नेलाइ मध्येसो एमि चाहि साइतानको खाबाराता हि।”

रोमि 1:29

इम्बालाइ गोताङ खाल्को पाप, खाराबि, दुस्ट, दिका, इख, मारा पाका, चेरसुका, धाताइका कालाउ एमिसो-भेनेङको काथा पोअ्खे।

रोमि 1:31

इम्बालाइ मुर्ख कालाउ ताइको भाकलगेलाइ पुरा मापाखे। कालाउ हासुहेङ बुङ दाया कालाउ मायारु मापाका हिखे।

1 कोरिन्थि 7:5

के बे को जिउको सामान्दासो फारापा माहिसु, फारापा हिलाउ ता-ताइमिता साल्लाहा पातेङ आतुइसा सोमोइको भाअ्सिङ खिनिङ हिसु, कालाउकि नेलाइ आधे सोमोइ प्रार्थाना पालि दोसु। कालाउ आरोङ नेलाइ के-बे ए दोफाङ हिसु। कालाउकि साइतान नेलाइहेङ कासिबिरिको परिक्स्याता फासेपालि माद्वाको, माकुनुते नेलाइ ताइको इच्छागेलाइ काबुता ताअ्लि मादोस्वाना।

1 कोरिन्थि 7:9

कालाउ ओबालाइ ताइमिहेङ काबुता ताअ्लि मादोहे पानु बिहु पाको। हाइपालिपानु मारेम्का जिउको इच्छाता सितपिताइलि खान्तेङ भरु बिहु पालि रेम्का हि।

1 थेस्लोनिकि 4:8

ओदोङ भाअ्सिङ जाइ इदोइ सिक्स्याहेङ माकिखे वा द्‍याङहेङ माको कालाउ परमेस्वरहेङ मामानिखे, जेदोङ परमेस्वर नेलाइहेङ ताइको पबित्तरो आत्मा प्यावा।

1तिमोथि 3:11

मन्डलि साघाइकालाइको बे गेलाइ बुङ आदार पालिको योग्य हिलि गोइखे, बोमिको बिसोइता आखेका काथा मापोका हिलि गोइखे। कालाउ ताइमिहेङ काबुता ताअ्तेङ गोताङ काथाता खाङधुरि योग्य हिलि गोइखे।

तितस 1:8

कालाउ मन्डलिको आगुवा ताइको साअ्ता लोका बान्सालाइहेङ सेवा सात्कार पाका, आरुको भलाइ पाका, ताइमिहेङ काबुता ताअ्का, आसाल काम पाका, परमेस्वर दोफा समरपित हिका कालाउ आनुसासनता हिका हिलि गोइखे।

तितस 2:3

एन्साङ पातेङ बेराङ बेबालाइ गोताङ काथाता परमेस्वरहेङ मन्दा ताअ्का जिबन जियाइयाको, बोमिको काथा पाका कालाउ हेन्जा गोरा-चि आम्का बानि माह्याको। कालाउ इम्बालाइ बो गेलाइहेङ रेम्का काथा पालि धिरपाको दोअ्तेङ इम्बालाइहेङ धिरपा।

याकुब 2:6

कालाउ नेलाइते गरिब द्‍याङगेलाइको आपमान पाका हिसुना, हाइ धनिगेलाइ नेलाइहेङ आत्याचार मापाखे रो? हाइ इम्बालाइ नेलाइहेङ आदालातता माचुम्पावा रो?

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 2:19

धातुवा सिक्स्यकगेलाइ द्‍याङगेलाइहेङ दोअ्खे कि इम्बालाइ ताइमि गोइका जेदोङलाउ बुङ काम पालि स्वतन्तर हि, जेसाङ इम्बालाइ ताइमिङ बुङ बान्धाइति भाइका हि, हाइपालिपानु इम्बालाइको ताइकोङ पापि स्वभाबहोइ पापको काम पालि बाध्ये पाखे। जेदोङ काथाहोइ हिदोइ बुङ द्‍याङहेङ जितिखे इङकोङ काथाहोइ वासेहेङ बान्धाइति बानाइखे।

२ पत्‍रुस 3:3

झाराङ खान्तेङ महत्य पुर्न काथा या हि कि नेलाइ या बुझिलि गोइखे कि आम्तिम दिना खान्तेङ ठिक लाम्फाको दिनागेलाइता आधिमि द्‍याङगेलाइ देखाल जेनावा, जाइको जिबन ताइकोङ लान्सा पाहासो काबुता हिखे। इम्बालाइ ख्रिस्ट धुरितेङ लोका काथाहेङ खुजालाइतेङ उडाइपावा।

यहुदा 1:16

इदोइ द्‍याङगेलाइ जेलाउ बुङ परमेस्वरको बिरोधता नुइ धुइखे कालाउ आरु द्‍याङगेलाइता खिनिङ दुसिका निङखे। इम्बालाइको ह्रदयहोइ गोइका आन्सार इम्बालाइ निरन्तर कु-काम पाखे। इम्बालाइ ताइमि दोङ ताइको बारेता घमन्ड काथागेलाइ पाखे, कालाउ ताइको फाइदाको भाअ्सिङ आरु द्‍याङगेलाइको भाअ्सिङ भानाइदारि पाखे।

यहुदा 1:18

इम्बालाइ दोअ्का हिघाहि, “आखिरि दिनागेलाइता प्रभु कालाउ वाको द्‍याङगेलाइको खुजालाइका जेनावा। उङकोङ द्‍याङगेलाइको जिबन ताइको लान्छाहोइ काबुता जेङका हिखे।”

प्रकास 13:15

न्हेतेङ राक्सेसहेङ बुङ परमेस्वर आनुमति पिहि कि वा लाङति राक्सेसको मुर्तिहेङ सिन्हु पाको, कालाउकि राक्सेसको मुर्ति काथा पालि द्वाको कालाउ आरुहेङ आदेस पिलि द्वाको जेदोङ द्‍याङगेलाइ इङको मुर्तिको आराधाना मापाखे इम्बालाइ सेअ्न्हाको।

प्रकास 13:17

राक्सेस इदोइ याको भाअ्सिङ पाहि कालाउकि सिरिप जाइ वाको ह्रुता छाप लागाइहि, वा दोङ आमेने पि:लि द्वाको कालाउ चोल्लि द्वाको। इङको छाप लाङति राक्सेसको मिङ हिघाहि माकुनु वाको मिङ तिङपाका सङख्या हिघाहि।

प्रकास 16:6

हाइपालिपानु इम्बालाइ नाङको द्‍याङगेलाइहेङ कालाउ बक्तागेलाइहेङ सेअ्का हिघाहि, कालाउ इम्बालाइको हिति होपाका हिघाहि, ओदोङ भाअ्सिङ, एला नेलाइ ओबालाइहेङ हिति आम्लि प्याना। कालाउ या वाको भाअ्सिङ सहि इनाम हि।”

प्रकास 17:6

कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।