2 तिमोथि 3:2 - Dhimal NT

² हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

धिमाल

² इङको पहरको द्‍याङगेलाइ ताइमिङहेङ खिनिङ दायाका, टाकाकाउरिको लाल्‍चा पाका रो ताइमिहेङ बाराका फोमपाका, तुजुक रो बादनामि पाका ज्‍यावा। एम्‍बालाइ ताइको आबाआमाइहेङ मासाअ्‌का, अपगुनि, अपुनित जेनावा।

2 तिमोथि 3:2 Iomraidhean Croise

मत्‍ति 15:6

एसा दोङ नेलाइ व्यवस्थाको भाअ्सिङ परमेस्वरको आदेसहेङ एपाहा खेङसुखेना।

लुका 12:15

आरोङ येसु इम्बालाइहेङ दोअ्हि, चङख जेङतेङ हिसु कालाउ गोताङ खालको दिका गेलाइसो ताइमिहेङ जोगाइसु। हासुहेङ बुङ गोइका सम्पति खान्तेङ हेन्जा हिलि द्वावा, कालाउ बुङ वासेहेङ सत्ये जिबन माप्यावा।

लुका 16:14

फारिसिगेलाइ इदोइ गोताङ काथा हिङतेङ येसुहेङ खुजालाइहि, हाइपालिपानु इम्बालाइ झाराङ धनहेङ प्रेम पाघाखे।

लुका 6:35

कालाउ ताइको सतुरुगेलाइहेङ प्रेम पासु। इम्बालाइहेङ रेम्फा पासु, कालाउ रिन ह्रेकालाइहेङ धुरिपाङका दोअ्तेङ आस मापासिङ रिन पि। एन्सा पाहे पानु नेलाइ बार्का इनाम निङस्वाना कालाउ सर्बोच्च परमेस्वरको सान्तानगेलाइ जेङस्वाना, हाइपालिपानु परमेस्वर बैगुनि कालाउ दुस्ट द्‍याङगेलाइहेङ दाया पाखे।

साल्न्हाका चात्या 5:36

हाइपालिपानु नानि खान्तेङ लाम्फा खिनिङ थुदास का ताइमिङ हाइ दोङ हिघा दोअ्तेङ दाबि पाहि कालाउ माकुलाउ बुङ द्‍यासाइ द्‍याङगेलाइ वासेहेङ पिताइहि। कालाउ वा सेअ्न्हाहि, कालाउ वासेहेङ पिताइकालाइ झाराङ आउलिगिल्हि कालाउ इम्बालाइको समुह बुङ राम्पाहि।

रोमि 11:18

ओदोङ भाअ्सिङ नेलाइ इस्राएललिगेलाइहेङ मासिकासु, जाइगेलाइ चाहि थुर्का दालेङगेलाइ भाइकाङ हि कालाउ इम्बालाइ खान्तेङ ताइमिहेङ रेम्का मासोचे, हाइपालिपानु नेलाइ डालेङ खिनिङ हिसुन्हा, नेलाइ जारिहेङ थामिका मान्थु सुन्हा, कालाउ जारि दोङ नेलाइहेङ थामिका हि।

2 कोरिन्थि 5:15

ख्रिस्ट झाराङको भाअ्सिङ सिहि, कालाउकि बान्चिका द्‍याङगेलाइ एला उसो ताइमिहेङ खुसि पालिको भाअ्सिङ बान्चिलि माको। भरु इम्बालाइ वाको भाअ्सिङ बान्चिलि गोइखे। वा इम्बालाइको भाअ्सिङ सिहि, कालाउ आरोङ परमेस्वर वासेहेङ सिन्हु पातेङ ल्होपाहि।

फिलिप्पि 2:21

हाइपालिपानु झाराङ ताइकोङ स्वार्थि भोखे कालाउ येसु ख्रिस्टको बारेता महत्य पुर्न हाइ हि इङको वास्ता पाका हासु बुङ मान्थु।

कलस्सि 3:5

ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

2 थेस्लोनिकि 2:4

वा दोङ परमेस्वरको बिरोध पाखे, कालाउ द्‍याङगेलाइ पुजिका गोताङ आनेमानेगेलाइको बिरोध पाखे, कालाउ इङको खान्तेङ ताइमिहेङ बारका सम्झिखे, इता थेकापा कि ताइमिहेङ परमेस्वर दोङ हिघा दोअ्तेङ झाराङहेङ दोअ्खे, कालाउ इङको दुस्ट द्‍याङ परमेस्वरको मुन्दिरता हिखे।

1तिमोथि 1:20

इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

1तिमोथि 1:9

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

1तिमोथि 3:3

वाको हेन्जा गोरा चि माआम्का बानि माह्याको, कालाउ हेन्जा चेरचुङ माहिका, कालाउ वा मोनोइ कालाउ सान्त स्वभाबको, माफेसुका, कालाउ ताकाको लोभ पाका माह्याको।

1तिमोथि 6:10

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

1तिमोथि 6:4

उङको द्‍याङ घमन्डहोइ फुलिका हिखे, कालाउ वा हाइ दोङ बुङ बुझिका चाहि मान्थुखे। इन्सिका द्‍याङगेलाइ बेकारको काथागेलाइ कालाउ नाना थरिको सब्दगेलाइको बारेता काथा पोसुखे कालाउ चेरसुलि भोतेङ हिखे। इदोइ काथागेलाइसो डाहा, कलह, बाद्नामि कालाउ मारेम्का साङकागेलाइ उब्जाइपाखे।

2 तिमोथि 3:4

बो द्‍याङगेलाइहेङ धोका पिकालाइ, ताइमिहेङ बो खान्तेङ हेन्जा महत्व्यको थानिकालाइ, कालाउ परमेस्वरहेङ खान्तेङ मोजमस्तिहेङ हेन्जा मन परिका हिखे।

याकुब 2:8

जेसापा नेलाइ “ताइको देरागेलाइहेङ ताइमिङ भाइपा प्रेम पासु” दोअ्का पबित्तरो धर्मसास्तरको राजकिय व्यवस्थाहेङ जातिङको पुरा पालि दोनुते थिकोङ पासुखेना।

याकुब 4:16

कालाउ एला नेलाइ ताइको आहाङकारि योजानागेलाइको बारेता घमन्ड पासुखेना। इसिका गोताङ घमन्ड मारेम्का हि।

याकुब 4:6

कालाउ वा झन हेन्जाङ आनुग्रह पिखे ओदोङ भाअ्सिङ पबित्तरो धर्मसास्तरता एसा लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

1पतरुस 5:5

एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

२ पत्‍रुस 2:10

वा पाक्का दोङ उङको धातुवा सिक्स्यकगेलाइहेङ दन्ड प्याङ, जाइ ताइको दुस्ट, लेदेर लुका इच्छा आन्सार काम पाखे, कालाउ इम्बालाइ ह्रुता परमेस्वरको खाबाराता हिका इन्कार पाखे। इम्बालाइ जिद्दि कालाउ आहङकारि हिखे, इम्बालाइ स्वर्गता हिका महिमित प्रानिगेलाइको बारेता आपामान पालि माथिखे।

२ पत्‍रुस 2:12

कालाउ इदोइ धाताइका सिक्स्यकगेलाइ झारभारिको गुपुसगेलाइ भाइका हि। इदोइ गपुसगेलाइ हेसा सोचिखे मागिखे कालाउ इम्बालाइहेङ खिनिङ रिम्तेङ सेअ्न्हालि उदेस्यहोइ खिनिङ बनेका हिखे। उङको द्‍याङगेलाइ जेदोङ इम्बालाइको पुङदिङता लोखे इङको पाखे, कालाउ इम्बालाइ माबुझिका काथाको बुङ आपामान पाखे। इम्बालाइ आबस्य बुङ नासातावा।

२ पत्‍रुस 2:18

इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

यहुदा 1:16

इदोइ द्‍याङगेलाइ जेलाउ बुङ परमेस्वरको बिरोधता नुइ धुइखे कालाउ आरु द्‍याङगेलाइता खिनिङ दुसिका निङखे। इम्बालाइको ह्रदयहोइ गोइका आन्सार इम्बालाइ निरन्तर कु-काम पाखे। इम्बालाइ ताइमि दोङ ताइको बारेता घमन्ड काथागेलाइ पाखे, कालाउ ताइको फाइदाको भाअ्सिङ आरु द्‍याङगेलाइको भाअ्सिङ भानाइदारि पाखे।

प्रकास 13:1

एनोङ, राक्सेस समुन्द्रसो बाहार ओल्लेतेङ लोका का तिङघा। वाको न्हि लोङ पुरिङ हिघाहि कालाउ तेलोङ दाङगेलाइ हिघाहि वाको गोताङ दाङता मुकुट हिघाहि। वाको गोताङ पुरिङता परमेस्वरको बिरोध पाका मिङ लेखेका हिघाहि।

प्रकास 16:11

तुकाको कालाउ पेचाराको कारन, इम्बालाइ स्वर्गता हिका परमेस्वरहेङ साराप पिहि। कालाउ एला इम्बालाइको आबास्था इन्सिका जेङलाउ बुङ, इम्बालाइ पाप पालि लाअ्तेङ परमेस्वर भारि माघुरिहि। कालाउ इम्बालाइ दुस्ट काम पालि बुङ मालाअ्हि।

प्रकास 16:21

बारका झोसेगेलाइ आकाससो द्‍याङगेलाइ ह्रुता हुल्हि। गोताङ झोसे माकुलाउ बुङ न्हे कुरि ते सेर ल्हिका हिघाहि। इदोइ कारन, इम्बालाइ परमेस्वरहेङ साराप पिहि हाइपालिपानु द्‍याङगेलाइ परमेस्वरको पिगिल्का हेथे थिलि गोइका बिपतिको कारन इम्बालाइ ओसारापाङ कस्ट भोगितेङ हिघाहि।

प्रकास 16:9

द्‍याङगेलाइ ओअ्का को कारनसो, इम्बालाइ परमेस्वरहेङ साराप पिहि। हाइपालिपानु परमेस्वर दोफा खिनिङ इसिका साजाइ चुमाका खाबारा हिघाहि। कालाउ बुङ इम्बालाइ पाप पालि लाअ्तेङ परमेस्वर भारि माघुरिहि। कालाउ इम्बालाइ परमेस्वरको महिमाहेङ बुङ सुइकार मापाहि।