2 तिमोथि 3:17 - Dhimal NT

¹⁷ कालाउकि परमेस्वरको जनगेलाइ गोताङ खाल्को आसल काम पालि तियार कालाउ सक्स्यम जेङलि द्वाको दोअ्तेङ इदोइ धर्मसास्तर पिका हि।

धिमाल

¹⁷ परमेस्‍वरको द्‌याङगेलाइ गोताङ रेम्‍का कामगेलाइ पालि दोका ज्‍याको दोअ्‌तेङ दोङ धरमकिताब पिका।

2 तिमोथि 3:17 Iomraidhean Croise

साल्न्हाका चात्या 9:36

जोप्पा नगरता तबिता दोअ्का एमि खान्धुराइ हिघाहि। वा जेलाउ आरुको भाअ्सिङ आसल काम पाघाखे कालाउ गरिबगेलाइहेङ साघाइघाखे।

2 कोरिन्थि 9:8

परमेस्वर नेलाइहेङ गोइका गोताङ खाल्को आसिस खान्तेङ हेन्जाङ पिलि द्वाङ, कालाउकि नेलाइ दोफा जेलाउ बुङ गोताङ काथा नुगामारि ह्याको, कालाउ गोताङ रेम्का कामको भाअ्सिङ नेलाइ गेनेगेल्पा पिलि दोसु।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

2 तिमोथि 2:21

एन्साङ पातेङ जेदोङ खान्धुराइ ताइमिहेङ मारेम्का कामगेलाइसो खेङखे, इङको एनोङ जाङका भान्डा भाइका जेनावा जेदोङ बिसेस कामको भाअ्सिङ चालाइखे। कालाउ जाइको जिबन सुद्द जेनावा वाको गिह्रि वासेहेङ आसल कामता लागाइलि द्वावा।

तितस 1:16

इङको धाताइका सिक्स्यकगेलाइ परमेस्वरहेङ नाल्का हिघा दोअ्तेङ दाबि पाखे, कालाउ इम्बालाइको कामहोइ इदोइ तिङपाखे कि इम्बालाइ परमेस्वरहेङ मानाल्खे। हाइपालिपानु इम्बालाइ सिकाका, आतेरि कालाउ हिदोइ बुङ रेम्का काम पालि सक्स्यम मान्थु।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 3:1

सासकगेलाइ कालाउ आधिकारिगेलाइको आदार पाअ्‌ कालाउ इम्बालाइको आग्या किलि दोअ्तेङ इन्ताको खान्धुराइगेलाइहेङ फोम पा-पाअ्‌, कालाउ आरुको भाअ्सिङ रेम्का काम पालि दोअ्।

हिब्रु 10:24

केलाइ ता-ताइमिता एमिसो-भेनेङहेङ प्रेम कालाउ भलाइ पाका कामता एमिसो-भेनेङहेङ हाउसाइ पाइने।