2 तिमोथि 3:16 - Dhimal NT

¹⁶ गोताङ धर्मसास्तरगेलाइ परमेस्वर पाहासो दोङ लोका हि, कालाउ इङको द्‍याङगेलाइ सत्ये धिरपालि, कालाउ द्‍याङगेलाइहेङ गल्ति पाका महसुस पापालि कालाउ सहि काथा धिरपालिको भाअ्सिङ उपयोगि जेङखे।

धिमाल

¹⁶ इदोइ गोताङ धरमकिताब परमेस्‍वरसो लोका हिनाङ इदोइ धिरपालि, आरति पिलि, साच्‍याइलि रो धरमाति द्‌याङ जेङलिको भाअ्‌सिङ तालिम पिलि हेन्‍जाङ रेम्‍का हि।

2 तिमोथि 3:16 Iomraidhean Croise

मत्‍ति 13:52

येसु आरोङ इम्बालाइहेङ दोअ्हि, ओदोङ भाअ्सिङ परमेस्वरको व्यवस्था धिरपाका द्‍याङ कालाउ काङको चात्यागेलाइ बुङ परमेस्वरको सासनता एमि साअ्को गिह्रि भाइका हिखे, जाइ ताइको भाकारसो मुल्यवान आनेमानेगेलाइ नावा कालाउ पुरना बाहार ओल्लेपाखे।

मत्‍ति 21:42

येसु इम्बालाइहेङ दोअ्हि, जातिङको नेलाइ धर्मसास्तर पढेका हिसुना, जेदोङ उन्ठुइहेङ मिस्तिरिगेलाइ थाइगिल्हि, इङको ओदोङ मुलि उन्ठुइ हि, जेदोङ पुरा साअ् धाम्लि मुलि उन्ठुइ जेङहि, इङको प्रभुसो जेङका हि, कालाउ केलाइको द्रिस्टिता या भारभुसाइका हि।

मत्‍ति 22:43

येसु इम्बालाइहेङ दोअ्हि, एन्सा पानु राजा दाउद आत्माता वासेहेङ प्रभु दोअ्तेङ हेसा दोअ्लि द्वावा? राजा दाउद दोअ्हि,

मत्‍ति 26:54

कालाउ का ह्रेखा पानुते धर्मसास्तरता इसिका जेङलि गोयाङ दोअ्तेङ लेखेका काथा हेसा पुरा जेङलि द्वावा रो?

मत्‍ति 26:56

इदोइ गोताङ काथागेलाइ परमेस्वरको बक्तागेलाइ लेखेका आन्सार पुरा जेनाको दोअ्हि, कालाउ इसिका जेङहि। कालाउ ओदोङ घुरि गोताङ चात्यागेलाइ येसुहेङ एकालाङ लाअ्तेङ हानेहि।

मर्कुस 12:24

येसु इम्बालाइहेङ जोबाफ पितेङ दोअ्हि, नेलाइ गलत हिसुना हाइपालिपानु नेलाइ मागिसुखेना कि परमेस्वरको धर्मसास्तरता हाइ दोअ्खे, कालाउ ना ते परमेस्वरको सरबुङको बारेता बुझिका हिसुना?

मर्कुस 12:36

हाइपालिपानु राजा दाउद बुङ पबित्तरो आत्माको सरबुङहोइ दोअ्हि, “प्रभु परमेस्वर काङको प्रभुहेङ दोअ्हि, का नाङको सतुरुगेलाइहेङ माहारिपा थेकापा काङको खुरको दाम्पाहा योम।”

युहन्‍ना 10:35

कालाउ नेलाइ गिसुखेना कि धर्मसास्तरहेङ बदल्लि मादोअ्खे। ओदोङ भाअ्सिङ परमेस्वर ताइको द्‍याङको आगुवागेलाइहेङ इस्वर दोअ्हि पानु, जेलाउ का या दोअ्खा कि, का परमेस्वरको चान दोङ दोअ्लाउ कालाउ नेलाइ हाइ पालि नाअ् परमेस्वरहेङ मन्दा माताका दोअ्सु घासुखेना। का ओदोङ दोङ हिघा जाइहेङ आबा खेङहि कालाउ कासेहेङ सुमिङता दिङगिल्हि।

युहन्‍ना 3:20

हाइपालिपानु दुस्ट काम पाकालाइ झाराङ थास्साइका मन्दा माताखे। कालाउ थास्साइकाता इम्बालाइको पाका कामगेलाइ तिनाङ दोअ्तेङ थितेङ इम्बालाइ थास्साइकाता मालोखे।

साल्न्हाका चात्या 1:16

कालाउ दोअ्हि, “ओइ खान्धुराइ ओनेगेलाइ, पबित्तरो आत्मा हेन्जा लाम्फा राजा दाउदसो यहुदाको बिसोइता दोअ्का हिघाहि। जेदोङ येसुहेङ रिम्पाकालाइको भाअ्सिङ दामा जेङहि। यहुदाको बिसोइता धर्मसास्तरता लेखेका काथा पुरा जेङलि आवस्यक हिघाहि।

साल्न्हाका चात्या 18:25

वा प्रभुको दामाको बिसोइता सिक्स्या निङका हिघाहि कालाउ आत्माता हाउसाइतेङ येसुको बिसोइता गोताङ काथा रेम्फासो धिर्पाघाहि। कालाउ बुङ वा युहान्नाको पिका बप्तिस्ताको बारेता खिनिङ गिघाखे।

साल्न्हाका चात्या 20:20

कालाउ नेलाइ गिसुखेना, कि नेलाइको भाअ्सिङ भलाइ जेङका काथा नेलाइ झाराङको आगाता घोसाना पाकासो कालाउ साअ् साअ्ता दुल्तेङ सिक्स्या पिलिसो का पासा मासारिघा।

साल्न्हाका चात्या 20:27

हाइपालिपानु का दोङ नेलाइहेङ गोताङ काथागेलाइ दोअ्का हिघा जेदोङ परमेस्वर चाहिखे, कि नेलाइ गिसु। का नेलाइसो हाइ दोङ काथा म्होका मान्थुघा।

साल्न्हाका चात्या 28:25

इम्बालाइ ता-ताइमिता सहमति माजेङहि कालाउ पावल या आम्तिम काथा दोअ्तेङ इम्बालाइहेङ बिदा पिहि, “पबित्तरो आत्मा यासाइया परमेस्वरको बक्ताको माध्यामसो नाङको पुर्खागेलाइहेङ दोअ्का काथा सत्ये हिघाहि:

रोमि 15:4

जेथे काथागेलाइ लाम्फासोङ धर्मसास्तरता लेखेका हिघाहि, इङको काथागेलाइ केलाइको सिक्स्याको भाअ्सिङ लेखेका हिघाहि, कालाउकि धर्मसास्तरसो लोका धर्यता कालाउ हाउसा सो केलाइ आस निङलि द्वाइने।

रोमि 2:20

कालाउ मुर्ख द्‍याङगेलाइहेङ सुधार पासुखेना, आपरि पाक्कालाइहेङ सिक्स्या पिसुखेना, हाइपालिपानु नाअ् गिखेना कि, परमेस्वरको व्यवस्था नासेहेङ गोताङ बुद्दि कालाउ सत्ये प्याङ।

रोमि 3:2

एइ, यहुदि जेङलि हेन्जा फाइदा हि, झाराङ खान्तेङ लाम्फा परमेस्वरको बचन यहुदिगेलाइहेङ दोङ सुम्पिका हि।

रोमि 4:23

“वा धर्मि बानाइका” दोअ्का बचन आब्राहामको भाअ्सिङ खिनिङ लेखेका माको,

1 कोरिन्थि 12:7

परमेस्वर झाराङ खान्धुराइगेलाइहेङ साघाइलि पबित्तरो आत्माको बरदानगेलाइ पिका हि।

गलाति 3:8

लाम्फाङ दोङ धर्मसास्तरता गैर-यहुदिगेलाइहेङ बुङ खाङधुरिसोङ परमेस्वर धर्मि बानाइयाङ दोअ्का काथा लेखेका हिघाहि। ओदोङ भाअ्सिङ इदोइ रेम्का सुसमाचार लाम्फाङ दोङ परमेस्वर आब्राहामहेङ दोअ्का हिघाहि, “नाअ् पाहासोङ सुमिङको गोताङ द्‍याङगेलाइहेङ का आसिस प्याङका।”

2 तिमोथि 2:25

कालाउ ताइमि दोफा सहमत माजेङका द्‍याङगेलाइहेङ वा मोनोइ जेङतेङ सुधार्लि दोका हिलि गोइखे। जेङलि दोनु परमेस्वर ओबालाइहेङ पाप पालि लाअ्पातेङ कालाउ येसु ख्रिस्टको बारेता सत्ये गिलि साघाइयाङ।

2 तिमोथि 4:2

नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

हिब्रु 11:1

खाङधुरि पालि दोअ्का चाहि, आस पाका काथाता ढुक्‍क हिलि कालाउ मातिङका काथाता पाक्का निसित ताअ्लि।

हिब्रु 3:7

ओदोङ भाअ्सिङ पबित्तरो आत्मा धर्मसास्तरता दोअ्खे, नानि नेलाइ परमेस्वरको गाला हिङसुन्हा,

हिब्रु 4:12

परमेस्वरको बचन ते काम पातेङ हिका कालाउ हुसि हिका हि, कालाउ वाको बचन न्हेपाहाङ धार हिका कात्ति खान्तेङ बुङ चुका हि। इङकोहोइ लिता हानितेङ प्रान कालाउ आत्माहेङ खेङन्हा पापिखे। इङकोहोइ जोरनि कालाउ हारा सुधाङ पाल्खे। इङको परमेस्वरको बचनहोइ द्‍याङगेलाइको ह्रदयको बिचार कालाउ इच्छाहेङ झोअ्तेङ जाचिखे।