2 तिमोथि 3:13 - Dhimal NT

¹³ कालाउ दुस्ट द्‍याङगेलाइ कालाउ ठगिकागेलाइ आझाइ झन मारेम्का काम पावा। इम्बालाइ द्‍याङगेलाइहेङ ठगियावा कालाउ इम्बालाइ ताइमिङ बुङ आरुगेलाइसो ठगिन्हावा।

धिमाल

¹³ आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

2 तिमोथि 3:13 Iomraidhean Croise

2 कोरिन्थि 6:8

द्‍याङगेलाइ केलाइको बाखिन पालाउ माकुनु इम्बालाइ केलाइहेङ सिकालाउ, द्‍याङगेलाइ बो गेलाइहेङ केलाइ मारेम्का हिनाहि दोअ्लाउ, माकुनु रेम्का हिनाहि दोअ्नु, केलाइ इमान्दार हिनाहि, कालाउ इम्बालाइ दोअ्खे कि केलाइ धातुवा हिनाहि।

1तिमोथि 4:1

पबित्तरो आत्मा झालाफालापा दोअ्हि, कि या आखिरि दिनागेलाइता आधिमि द्‍याङगेलाइ ख्रिस्टको सिक्स्याहेङ खाङधुरि पालि लाअ्तावा। इम्बालाइ साइतानसो लोका सिक्स्याहेङ सुइकार पावा कालाउ जाइ इम्बालाइहेङ छलियावा कालाउ साइतानसो लोका धाताइका सिक्स्यागेलाइहेङ खाङधुरि पालि लागाइयावा।

2 तिमोथि 3:8

इदोइ धाताइका सिक्स्यकगेलाइ ख्रिस्टको सत्ये सन्देसहेङ घोसाना पालिसो रोकिलि कोसिस पाखे, जेसाङ यान्नेस कालाउ याम्ब्रेस मोसाको बिरोध पाका हिघाहि। इदोइ द्‍याङगेलाइको बुद्दि बिगिरका हि इङको द्‍याङगेलाइ ख्रिस्टको खाङधुरिता आसफल जेङका हि।

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

२ पत्‍रुस 3:3

झाराङ खान्तेङ महत्य पुर्न काथा या हि कि नेलाइ या बुझिलि गोइखे कि आम्तिम दिना खान्तेङ ठिक लाम्फाको दिनागेलाइता आधिमि द्‍याङगेलाइ देखाल जेनावा, जाइको जिबन ताइकोङ लान्सा पाहासो काबुता हिखे। इम्बालाइ ख्रिस्ट धुरितेङ लोका काथाहेङ खुजालाइतेङ उडाइपावा।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 18:23

नाङकोता द्‍याङगेलाइ आरोङ हेलाउ बुङ गेसाको जोल्तेङ हिका फाइसालामका मातिनाङ, इम्बालाइ आरोङ हेलाउ बुङ वाजान कालाउ बेजानको बिहु पाकाको गाला माहिनाङ। इन्ताको ब्यापारिगेलाइ गोताङ सुमिङता झाराङ खान्तेङ प्रभाबसालि हिघाहि। कालाउ इन्ताको जादुगरगेलाइ सुमिङको गोताङ द्‍याङगेलाइहेङ धोका पिहि।