2 तिमोथि 3:10 - Dhimal NT

¹⁰ कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

धिमाल

¹⁰ कालाउ ना चाहिँ काङको बिद्‌या, काङको आनिबानि रो बिचारहेङ र्‍हुका हिना। काङको खान्‍धुर, सहेका सरबङ, दाया रो धिरताहेङ तिङकाङ हिन्‍हा।

2 तिमोथि 3:10 Iomraidhean Croise

लुका 1:3

ओदोङ भाअ्सिङ आनाउ थियोफिलस का ताइमिङ लाम्फासोङ ध्यान पातेङ गोताङ काथागेलाइको बिसोइता भोका हिघा कासेहेङ या रेम्का लागिहि कि, का नाङको भाअ्सिङ इदोइ घाटानागेलाइ सारिपासोङ लेखेदोङखा।

साल्न्हाका चात्या 11:23

बार्नाबास इन्ता लोतेङ परमेस्वरको आनुग्रह तिङतेङ मेनाङ लेङचाहि, कालाउ इम्बालाइ झाराङहेङ गोताङ ह्रदयहोइ प्रभु दोफा खान्धुराइ जेङतेङ हिलि हाउसाइ पिहि।

साल्न्हाका चात्या 2:42

इम्बालाइ साल्न्हाका चात्यागेलाइको सिक्स्या, सङगति कालाउ तोले पोङखे कालाउ ए दोफाङ चाघाखे-आम्घाखे कालाउ प्रार्थानाता भक्ति दोफाङ दिनाङ सोमोइ पिघाखे।

साल्न्हाका चात्या 20:18

जेलाउ एल्डरगेलाइ लोहि, पावल इम्बालाइहेङ दोअ्हि, का एसिया प्रदेसता लाङ चोति लोका दिनासोङ नानिको दिना थेकापा का नेलाइको माझाता हिदोइ किसिमहोइ सोमोइ बितिपाघा इङको नेलाइहेङ थाहा दोङ हि।

साल्न्हाका चात्या 26:4

ताइको द्‍याङगेलाइको माझाता कालाउ यरुसेलेम सहरता जामालसोङ काङको जिबन सैलि यहुदिगेलाइहेङ थाहा हि।

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

2 कोरिन्थि 1:17

एसा पालि भोलाउ का आस्‍थिरता तिङपाघा रो? हाइ का ताइको योजाना बानाइलाउ सुमिङको द्‍याङगेलाइ भाइपा “एइ” कालाउ न्हुसो “माको” दोअ्ताङका रो?

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

फिलिप्पि 2:20

तिमोथि भाइका नेलाइको जातिङको मनहोइ वास्ता पाका आरु द्‍याङ का दोफा हासु बुङ मान्थु।

फिलिप्पि 2:22

कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

1 थेस्लोनिकि 1:5

हाइपालिपानु केलाइ येसु ख्रिस्टको बिसोइता सुसमाचारको काथागेलाइता खिनिङ माको, कालाउ पबित्तरो आत्माको सरबुङसो या सत्ये हि दोअ्तेङ पुरा निसित दोफाङ लोका हि। नेलाइ दोफा हिलाउ केलाइको जिबन हिसिका हिघाहि नेलाइ गिसुखेना।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

2 तिमोथि 2:22

तिमोथि नाअ् धाना द्‍याङगेलाइ पालि इच्छा पाका मारेम्का कामगेलाइसो दुरे हिसु, कालाउ सुद्द ह्रदयसो प्रभुको आराधाना पाकालाइ दोफा आसल काम, खाङधुरि, प्रेम, कालाउ सान्तिहेङ पिताइसु।

2 तिमोथि 4:2

नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

2 तिमोथि 4:3

हाइपालिपानु इसिका सोमोइ लोदोङखे जेलाउ द्‍याङगेलाइ सत्ये सिक्स्याहेङ हिङलि माकितावा, कालाउ इम्बालाइ हेन्जा धाताइका सिक्स्यकसो ताइमिहेङ मन्दा ताअ्का काथा खिनिङ हिङलि भोखे।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

तितस 2:7

नाअ् गोताङ काथाता जेलाउ बुङ आसल काम पाअ्‌ कालाउ आरुको भाअ्सिङ नामुना जेङतेङ तिङपा। जेलाउ नाअ् खान्धुराइगेलाइहेङ धिरपाना रेम्का मनसायहोइ धिरपा। कालाउकि इम्बालाइ नासेहेङ आदार पाको।

हिब्रु 13:9

नेलाइहेङ थाहा माजेङका आचाम्माको सिक्स्याको मारेम्का दामाता मालागिसु, कालाउ चाका-आम्का आमेनेको बारेता नियमगेलाइ मानितेङ माको, भरु परमेस्वरको आनुग्रहता नेलाइको ह्रदय बल्लियाका ह्याको। हाइपालिपानु इन्सिका मुन्धुम पालि केम्कालाइको उपकार जेङका मान्थु।

२ पत्‍रुस 3:11

इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे।