2 तिमोथि 2:8 - Dhimal NT

⁸ येसु ख्रिस्ट हासु हि दोअ्तेङ लागातार फोम पातेङ ताअ्सु, वा राजा दाउदको हारागुटियासो हि। कालाउ परमेस्वर येसुहेङ सिकासो न्हुसो सिन्हु पाका हिघाहि, कालाउ का द्‍याङगेलाइको माझाता प्राचार पाका सुसमाचार या दोङ हि।

धिमाल

⁸ ख्रिस्‍टहेङ फोम पा, वा सिकासो सिन्‍हुहि। वाचाहिँ राजा दाउदको बङसावलि हिघाहि, का पारचार पाका रेम्‍काबानाल इदोइ दोङ।

2 तिमोथि 2:8 Iomraidhean Croise

मत्‍ति 1:1

येसु ख्रिस्ट आब्राहाम कालाउ राजा दाउदको हारागुटियासो हिघाहि। इता येसु ख्रिस्टको पुर्खागेलाइको मिङको सुचि पिका हि:

लुका 24:46

येसु ओबालाइहेङ दोअ्हि, धर्मसास्तरता एसापा लेखेका हि, ख्रिस्ट दुख भोगितेङ सुम दिनाता सिकासो आरोङ सिन्हुतेङ ल्होकावा।

साल्न्हाका चात्या 13:23

परमेस्वर ताइको बाचा आन्सार राजा दाउदको हारागुटियासो दोङ इस्राएलगेलाइको भाअ्सिङ एमि मुक्ति दाता दिङगिल्हि, जाइ येसु दोङ हि।

साल्न्हाका चात्या 2:24

जेलाउ येसु सिहि, वा हेन्जा दुख निङचाहि कालाउ परमेस्वर वासेहेङ आरोङ सिन्हु पाहि। परमेस्वरले वासेहेङ सितेङ हिलि मापिहि, हाइपालिपानु वा सिकाको आधिनता हिलि आसम्भब हिघाहि।

साल्न्हाका चात्या 2:30

राजा दाउद एमि परमेस्वरको बक्ता हिघाहि, कालाउ परमेस्वर वाको दोफा केरा चाका काथा वा गिघाखे। परमेस्वर राजा दाउदहेङ बाचा पिका हिघाखे, कि वाकोङ हारागुटियासो एमिहेङ सिङहासनता राजाको कोनिङ योम्पाङ।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

रोमि 2:16

या गोताङ काथागेलाइ ओदोङ दिना खिनिङ जेनावा, जेलाउ परमेस्वर येसु ख्रिस्ट पाहासो द्‍याङगेलाइको हृदयता म्होका काथागेलाइको न्याय जेनाङ। कालाउ या काथा का दोङ प्राचार पाका सुसमाचार आन्सार दोङ जेनाङ।

1 कोरिन्थि 15:1

खान्धुराइ ओनेगेलाइ, का नेलाइहेङ प्राचार पाका सुसमाचार का नेलाइहेङ फोम पापालि भोखा, जेदोङ सुसमाचारता नेलाइ खाङधुरि पासुन्हा, कालाउ जाइ नेलाइ एला थेकापा बुङ खाङधुरि पातेङ हिसुन्हा।

1 कोरिन्थि 15:4

वासेहेङ लिहि, कालाउ धर्मसास्तर दोनाङ भाइपा सुम्निको दिनाता वा आरोङ सिकासो सिन्चाल्हि।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

1तिमोथि 1:11

इदोइ सहि सिक्स्या केलाइको आधभुत परमेस्वरको महिमाको बारेता सुसमाचार दोफा सहमति हिखे, जाइ कासेहेङ प्राचार पाका जिम्माबारि सुम्पिका हि।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

2 तिमोथि 1:8

ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

2 तिमोथि 2:7

इदोइ गोताङ उधारनगेलाइहोइ हाइ धिरपाखे सोचिसु, कालाउ प्रभु नासेहेङ काङको दोअ्का इदोइ गोताङ काथागेलाइ बुझिलि साघाइयाङ।

प्रकास 5:5

कालाउ आगुवा मध्ये एमि कासेहेङ दोअ्हि, “माखार! खाङसु, जाइहेङ यहुदाको कुलको खुवाँ दोअ्खे, राजा दाउदको माहान हारागुटिया, वा साइतानहेङ जितिका हि। कालाउ वा कितापको न्हि लोङ मोहोर थुरलि कालाउ खोलिलि योग्यको हि।”