2 तिमोथि 2:7 - Dhimal NT

⁷ इदोइ गोताङ उधारनगेलाइहोइ हाइ धिरपाखे सोचिसु, कालाउ प्रभु नासेहेङ काङको दोअ्का इदोइ गोताङ काथागेलाइ बुझिलि साघाइयाङ।

धिमाल

⁷ काङको दोअ्‌का इदोइ काथागेलाइ सोम पा। हाइदोनु प्रभु दोङ नासेहेङ इदोइ गोताङ काथागेलाइ गिका सरबङ प्‍यावा।

2 तिमोथि 2:7 Iomraidhean Croise

लुका 21:15

हाइपालिपानु का नेलाइहेङ इसिका काथागेलाइ घुरिपालि बुद्दि प्याङका, कि नेलाइको बिरोधिगेलाइको नुइ तुपापियाङका।

लुका 24:45

कालाउ न्हुसो वा धर्मसास्तरता लेखेका गोताङ काथागेलाइ बुझिलि साघाइहि।

लुका 9:44

एला का नेलाइहेङ जेदोङ दोअ्खा इङको हेलाउ बुङ मानिल्सु, का द्‍याङको चानहेङ सतुरुगेलाइको खाबाराता सुम्पि प्यावा

युहन्‍ना 14:26

कालाउ साल्लाहाकार पबित्तरो आत्मा, जाइहेङ काङको आबा काङको थामेता दिङगिल्प्यावा, कालाउ वा नेलाइहेङ गोताङ काथा धिरपावा, कालाउ का नेलाइहेङ दोअ्का गोताङ काथा फोम पापावा।

युहन्‍ना 16:13

जेलाउ वा पबित्तरो आत्मा हिका हि, सत्येता थोङपुखे, वा लोलि दोअ्तेङ नेलाइहेङ इङको गोताङ परमेस्वरको बारेता सत्ये बुझाइ पापियावा। वा दोङ ताइको खाबारासो माधुइयाङ कालाउ वा जेदोङ काथागेलाइ परमेस्वरसो हिनाङ ओदोङ दोङ काथा नेलाइहेङ दोअ्प्यावा। कालाउ न्हुसो लोलि खाङका काथागेलाइ बुङ दोअ्प्यावा।

साल्न्हाका चात्या 7:10

परमेस्वर योसेफहेङ वाको गोताङ कस्टगेलाइसो लाअ्पातेङ मिस्रो सारभिको राजा फारोहोको आगाता वासेहेङ क्रिपा पाहि, कालाउ बुद्दि पिहि। कालाउ राजा फारोहो योसेफहेङ मिस्रो सारभि कालाउ वाको गोताङ दरबारको हाकिम बानाइहि।

1 कोरिन्थि 12:8

परमेस्वर पबित्तरो आत्मासो आधिमिहेङ बुद्दिको काथा दोअ्का, आधिमिहेङ ओदोङ पबित्तरो आत्माहोइ ग्यानको काथा दोअ्का बरदानगेलाइ पिखे।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

कलस्सि 1:9

नेलाइको बारेता इदोइ गोताङ काथागेलाइ केलाइ हिङका दिनासोङ, केलाइ नेलाइको भाअ्सिङ लागातार प्रार्थाना पातेङ हिनाहि। कालाउकि परमेस्वर नेलाइहेङ बुझिका ग्यान प्याको कालाउ नेलाइ वाको इच्छाहेङ पुरा रुपहोइ बुझिलि दोसु, वा नेलाइहेङ आत्मिक ग्यानता बुद्दिमानि बानाइयाको।

1तिमोथि 4:15

इदोइ काथागेलाइहेङ ध्यान पितेङ काम पासु कालाउ ताइमिहेङ इङकोङ कामता पुरा समर्पित पाअ्‌, कालाउकि झाराङ तिनाको कि नाअ् ताइको खाङधुरिता आगा बारादोङखेना।

2 तिमोथि 2:6

परिस्रोम पाका किसान दोङ लाङ द्‍याङ हि, जाइ बालिको लाङ भाग निङलि गोइखे।

2 तिमोथि 2:8

येसु ख्रिस्ट हासु हि दोअ्तेङ लागातार फोम पातेङ ताअ्सु, वा राजा दाउदको हारागुटियासो हि। कालाउ परमेस्वर येसुहेङ सिकासो न्हुसो सिन्हु पाका हिघाहि, कालाउ का द्‍याङगेलाइको माझाता प्राचार पाका सुसमाचार या दोङ हि।

हिब्रु 12:3

ओदोङ भाअ्सिङ येसुको उधारनको बारेता बिचार पासु, वासेहेङ मान्दा माताका पापि द्‍याङगेलाइसो वा दोङ ओसारापा बिरोध हेसा सहिहि वाला, ओदोङ भाअ्सिङ नेलाइ माइतेङ हारेस माचासु।

हिब्रु 13:7

ताइको आगुवागेलाइको फोम ताअ्सु, जाइ परमेस्वरको बचन नेलाइहेङ हिङपाहि, हेसा इम्बालाइ ताइको जिबन जियाइहि कालाउ सिका थेकापाङ खाङधुरि योग्य हितेङ हि, एन्साङ दोङ केलाइ बुङ इम्बालाइ भाइपाङ परमेस्वरता खाङधुरि पाइने।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

हिब्रु 7:4

एला बिचार पासु, मल्किसेदेक हिसिका माहान वाबाल हिघाहि, जाइहेङ केलाइको पुर्खा आब्राहाम धुम पातेङ जितिकाको निङका गोताङ आमेनेको दसाङसा को भाग पिहि।

याकुब 1:5

कालाउ जेसापा नेलाइसो हासुहेङ बुङ बुद्दिको खाचो हिनु उद्दार चित्ताहोइ मादुसिका परमेस्वर दोफा वा ह्रेकाको, कालाउ वा वासेहेङ इङको प्यावा।

याकुब 3:15

या बुद्दि परमेस्वरसो लोका बुद्दि माको, कालाउ याते सुमिङ, द्‍याङको बिचारसो कालाउ साइतानसो दोङ लोका हि।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।