2 तिमोथि 2:6 - Dhimal NT

⁶ परिस्रोम पाका किसान दोङ लाङ द्‍याङ हि, जाइ बालिको लाङ भाग निङलि गोइखे।

धिमाल

⁶ भेम्‍ति ह्‍याअ्‌पातेङ मिलिङ चोइतेङ थिङकालाइ दोङ बालिको लाङ आसि निङलि गोयाङ।

2 तिमोथि 2:6 Iomraidhean Croise

मत्‍ति 20:1

येसु दोअ्हि, परमेस्वरको सासन इदोइ निङपिका भाइका हि: एह्रिमाङ एमि गिह्रि ताइको आङगुरको बारिता काम पाका खेतालागेलाइहेङ भोलि बाजार भारि ओल्लेहि।

मत्‍ति 25:16

जेदोङ चाकारियाहेङ आधा किलो सोनाको थुरि पिका हिघाहि, वा मार्फा ब्यपार पालि तेङहि, कालाउ वा इङकोसो आरु आधा किलो सोनाको थुरि कामाइहि।

लुका 10:2

कालाउ येसु इम्बालाइहेङ दोअ्हि, “जेसाङ मिलिङगेलाइता हेन्जा बालि हि, एन्साङ दोङ हेन्जा द्‍याङगेलाइ हि जाइ परमेस्वरको बचन हिङलि मन पाखे। कालाउ परमेस्वरको सासनको बारेता दोअ्लि द्‍याङगेलाइ आतुइसा हि। प्रभु सेकाको गिह्रि, वासेहेङ प्रार्थाना पाअ्‌, कालाउ सेका जोम्पालि हेन्जा खेतालागेलाइ दिङगिल प्यावा।”

1 कोरिन्थि 9:23

सुसमाचारको आसिसगेलाइ का बुङ निङलि द्वाको दोअ्तेङ येसु ख्रिस्टको सुसमाचारको भाअ्सिङ का इदोइ गोताङ थोक पाखा।

2 तिमोथि 2:7

इदोइ गोताङ उधारनगेलाइहोइ हाइ धिरपाखे सोचिसु, कालाउ प्रभु नासेहेङ काङको दोअ्का इदोइ गोताङ काथागेलाइ बुझिलि साघाइयाङ।

हिब्रु 10:36

एला नेलाइ धैर्य हिलि गोइस्वाना, कालाउकि नेलाइ लागातार परमेस्वरको इच्छा आन्सार काम पालि दोसु। कालाउ खिनिङ नेलाइ परमेस्वरको प्रतिग्या पाका गोताङ काथा निङस्वाना।

हिब्रु 6:7

रेम्का सिक्स्या ग्रहन पाका द्‍याङ मिलिङ भाइका हि, जेदोङता वाइ लोखे। जेसापा मिलिङ रेम्का हि पानु, इङको किसानहेङ रेम्का बालि पिखे कालाउ इङकोता परमेस्वरको आसिस हिखे।