2 तिमोथि 2:26 - Dhimal NT

²⁶ कालाउ ओबालाइ चेताना निङतेङ साइतानको जालेसो खाअ्तावा, कालाउ साइतान ओबालाइहेङ ताइको इच्छा आन्सार चलिलि बन्दि बानाइका हि।

धिमाल

²⁶ एसापा एम्‍बालाइ ताइको हुसता लोतेङ दियाबलसको आस्‍तिसो खाअ्‌लि निनावा। हाइदोनु एम्‍बालाइहेङ दियाबलस ताइको कामको भाअ्‌सिङ रिम्‍तेङ ताअ्‌का हि।

2 तिमोथि 2:26 Iomraidhean Croise

लुका 11:21

येसु इता साइतानको तुलाना एमि बल्लियाका द्‍याङ दोफा पाका हि, जेलाउ हिदोइ बुङ बल्लियाका द्‍याङ हेन्जा दाब्या दुफेगेलाइ चुम्तेङ साअ्को पाले पाखे, वाको साअ्को गोताङ आनेमानेगेलाइ सुरुक्स्या ह्यावा।

लुका 15:17

जेलाउ वाको बुद्दि लोहि कालाउ वा दोअ्हि, काङको आबाको हेन्जा ज्यालाता काम पाका चाकारियागेलाइ हि। ओबालाइ दोफा गेनेगेल्पा उम हि कालाउ का चाहि इता म्हितुपाङ सिलि तोमहोइघा।

लुका 5:10

एन्सा पातेङ वाको आरु सानाइति जब्दियाको चानगेलाइ याकुब कालाउ युहान्‍ना बुङ भारभुसाइहि। जेलाउ येसु सिमोनहेङ दोअ्हि, थिलि मागोइस्वाना एला उसो नेलाइ द्‍याङगेलाइहेङ का ह्रुता खाङधुरि पाका बानाइस्वाना।

युहन्‍ना 13:2

येसु ताइको चात्यागेलाइ दोफा दिलिमाको उम चाघाहि। इङको बेला साइतान सिमोनको चान यहुदा इस्कोरियतको मनता येसुहेङ धोका पिका बिचार लाम्फासोङ मनता ह्वापिका हिघाहि।

युहन्‍ना 13:27

जेसाङ यहुदा तोलेको टुक्रा चातेङ न्हुसो, येसु वासेहेङ दोअ्हि, नाअ् जेदोङ पालि खाङखेना इङको धेमाङ पाअ्‌। कालाउ न्हुसो यहुदाता साइतान दुल्हि।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

साल्न्हाका चात्या 5:3

कालाउ पतरुस दोअ्हि, “हननिया, पबित्तरो आत्माहेङ धाताइलि कालाउ मिलिङ पिइका ताकासो आधे भाग ताइमि दोफा ताअ्लि हेसा साइतान ताइको मनता ह्वापिहि?

1 कोरिन्थि 15:34

जेदोङ काथा रेम्का हि इङकोता ध्यान पिसु कालाउ एला उसो पाप मापासु, हाइपालिपानु नेलाइ मध्ये हेथेहेङ ते परमेस्वरहेङ रेम्फासो मानाल्खे। नेलाइहेङ लेदेरपालिको भाअ्सिङ का या दोअ्का हिघा।

2 कोरिन्थि 2:11

कालाउकि साइतान केलाइहेङ फसेपालि मानिनाको, हाइपालिपानु केलाइहेङ इङको को गोताङ युक्तिगेलाइ थाहा हि।

एफिसि 5:14

ओदोङ भाअ्सिङ इसिका भनाइ हि: “ओइ निन्धाकागेलाइ, जागिसु कालाउ सिकासो ल्होसु, कालाउ ख्रिस्ट नेलाइहेङ फाइसालामका प्यावा।”

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

1तिमोथि 1:20

इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

1तिमोथि 3:7

कालाउ मन्डलि बाहारको द्‍याङगेलाइ बुङ वा एमि आसल द्‍याङ हि दोअ्लि गोइयावा। कालाउकि द्‍याङगेलाइ वाको बारेता मारेम्का काथागेलाइ मापाङ। कालाउ वा साइतानको जाल्ता मापरियाङ।