2 तिमोथि 2:24 - Dhimal NT

²⁴ कालाउ प्रभुको बान्धाइति चेरसुलि माएल, कालाउ वा झाराङहेङ दायाका हिलि गोइखे, कालाउ परमेस्वरको बचन रेम्फासो धिरपालि दोका कालाउ बिरोधि द्‍याङगेलाइ दोफा गोताङ काथा सहिलि दोका हिलि गोइखे।

धिमाल

²⁴ प्रभुको चाकर चेरसुलि माएल। इङको झाराङदोफा मिलिका हिलिगोयाङ कालाउ बिद्‍या धिरपालि दोका रो गोताङ काथा सहेलि दोका जेङलिगोयाङ।

2 तिमोथि 2:24 Iomraidhean Croise

मत्‍ति 12:19

वा ना ते चेरस्वावा, ना ते ह्रिकाइतेङ जोगेरियावा, ना ते वा दामागेलाइता बारका गालाहोइ द्‍याङगेलाइहेङ भासनदोङ पावा।

युहन्‍ना 6:52

कालाउ यहुदि आगुवागेलाइ ता-ताइमिता तर्क-विर्तक पालि तेङहि, “इदोइ द्‍याङ हेसा केलाइहेङ ताइको जिउ चाअ्लि पिलि द्वाङ?”

साल्न्हाका चात्या 15:2

जेलाउ पावल कालाउ बार्नाबास इम्बालाइ दोफा मामिलिसुका कालाउ गालाबाजि जेङतेङ न्हुसो, इन्ताको खान्धुराइ ओनेगेलाइ पावल कालाउ बार्नाबास कालाउ आधिमि द्‍याङगेलाइहेङ इदोइ प्रस्नको फैसाला पालिको भाअ्सिङ साल्न्हाका चात्यागेलाइ कालाउ मन्डलिको आगुवागेलाइकोता यरुसेलेम सहर हानिलि नियुक्ति पाहि।

साल्न्हाका चात्या 23:9

ओदोङ काथाहोइ माहासभाता बार्का जोग्ग्रेका मच्चिहि, कालाउ आधिमि मोसाको व्यवस्था धिरपाका द्‍याङगेलाइ, जाइ फारिसिगेलाइ हिघाहि, इम्बालाइ जाअ्तेङ सादुकिगेलाइको बिरोध पाकाताङ दोअ्हि, “केलाइ इदोइ द्‍याङको बिरोधता हिदोइ बुङ गोल्ति मानिङन्हाहि। जेङलि दोअ् वाको दोफा आत्मा माकुनु स्वर्गदुत नुइ धुइका वाला।”

साल्न्हाका चात्या 7:26

न्हु दिना न्हेमि इस्राएललि ता-ताइमिता फेसुकाको बेलाता मोसा लोहि, वा इम्बालाइहेङ मिलि पालि कोसिस पातेङ दोअ्हि, ओइ द्‍याङगेलाइ! नेलाइ दादा-ओनेगेलाइ दोङ हिसुना कालाउ हाइ पालि नेलाइ एमिसो-भेनेङहेङ मारेम्का ब्यभाहार पासुखेना?

2 कोरिन्थि 10:1

का पावल, नेलाइको आगाता हिलाउ मोनोइ जेङघा, कालाउ दुरे हिलाउ नेलाइ प्रति साहासि जेङखा! ख्रिस्टको मोनोइता कालाउ मायारु पाहासो का नेलाइहेङ सेउपाखा।

2 कोरिन्थि 10:4

हाइपालिपानु केलाइको धुमको कात्तिगेलाइ द्‍याङगेलाइ माको, भरु इन्सिका किल्लागेलाइहेङ नासा पालिको भाअ्सिङ केलाइ परमेस्वरको सरबुङको हातियारगेलाइ प्रयोग पानाखे।

2 कोरिन्थि 6:4

भरु इदोङ गोताङ काथागेलाइ केलाइ परमेस्वरको सत्ये सेवकगेलाइ हि दोअ्तेङ तिङपानाखे: सहनसिलता, कस्टता, आप्थारोता, आपत-बिपतता,

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

एफिसि 4:2

जेलाउ बुङ दुखिता, मोनोइता कालाउ धर्यता एमिसो-भेनेङहेङ प्रेम तिङपासु।

फिलिप्पि 2:14

गोताङ काम गनगन माकुनु झर्क मामानिसिङ पासु।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

कलस्सि 3:13

एमिसो-भेनेङहेङ ताइमिता सहिलि दोका जेङसु, जेसापा हिदोइ बुङ द्‍याङ हासु बुङ बिरोधता हाइ दोङ काथा दोअ्कानु ता-ताइमिता स्यामा पिसु। जेसाङ प्रभु नेलाइहेङ स्यामा पाका हि एन्साङ नेलाइ बुङ स्यामा पालि गोइस्वाना।

1 थेस्लोनिकि 2:7

ताइको जामाललाइहेङ स्याहार पाका आमाइ भाइपा नेलाइको माझाता केलाइ मोनोइ जेङन्हाहि।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

तितस 3:2

इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

याकुब 1:1

का याकुब परमेस्वर कालाउ प्रभु येसु ख्रिस्टको बान्धाइति इदोइ पात्तारा इस्राएल सारभिको तेन्हे कुलहेङ लेखेदोङखा, जाइ सारभिगेलाइ भरि चार-बिराइतेङ हिका उङको झाराङहेङ का सेउपाखा।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

याकुब 4:2

नेलाइ इच्छाते पासुखेना, कालाउ नेलाइ मानिङसुखेना। ओदोङ भाअ्सिङ नेलाइ मारा कालाउ लोभ पासुखेना, कालाउ नेलाइ आरुगेलाइ दोफा हिका काथाको भाअ्सिङ बारका इच्छा पासुखेना, कालाउ नेलाइको भोका हाइ दोङ निङलि मादोसुखेना। ओदोङ भाअ्सिङ नेलाइ धुम कालाउ झागडा पासुखेना। नेलाइ मानिङस्वाना, हाइपालिपानु नेलाइ इङको को भाअ्सिङ परमेस्वर दोफा माह्रेसुखेना।

1पतरुस 3:8

आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।