2 तिमोथि 2:2 - Dhimal NT

² का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

धिमाल

² का नासेहेङ हेन्‍जाङ द्‌याङगेलाइको आगाता पिका बिद्‌या बो धिरपालि दोका खान्‍धुरि द्‍याङगेलाइहेङ जिमा पि।

2 तिमोथि 2:2 Iomraidhean Croise

मत्‍ति 13:52

येसु आरोङ इम्बालाइहेङ दोअ्हि, ओदोङ भाअ्सिङ परमेस्वरको व्यवस्था धिरपाका द्‍याङ कालाउ काङको चात्यागेलाइ बुङ परमेस्वरको सासनता एमि साअ्को गिह्रि भाइका हिखे, जाइ ताइको भाकारसो मुल्यवान आनेमानेगेलाइ नावा कालाउ पुरना बाहार ओल्लेपाखे।

मत्‍ति 24:25

खाङसु फोम ताअ्सु का नेलाइहेङ लाम्फासोङ दोअ्का हिघा।

लुका 12:42

कालाउ प्रभु दोअ्हि, एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे ओबालाइहेङ ठिक-ठिक सोमोइता चालि-आम्लि प्यावाको। कालाउ न्हुसो ह्रिङका दामा चाहि।

1 कोरिन्थि 4:2

सेवक चाहि वाको ग्रिहिको पिका काम प्रति खाङधुरि योग्य हिलि गोइखे।

2 कोरिन्थि 2:14

कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्‍याङगेलाइ परमेस्वरको बारेता हिनाको कालाउ ग्याको।

2 कोरिन्थि 3:5

हिदोइ बुङ काम पालि दोका खुबि केलाइता हि पानु केलाइ मादोअ्न्हाखे, कालाउ परमेस्वर केलाइहेङ या खुबि पिखे।

कलस्सि 1:7

जेदोङ काथा नेलाइ केलाइको आनाउ दोफाङको सानाइति बान्धाइति इपाफ्राससो धिर्का हिसुन्हा। वा केलाइको सङकटता ख्रिस्टता खाङधुरि योग्य सेवक हि।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

1तिमोथि 1:18

काङको चान तिमोथि, का नासेहेङ या आग्या पिदोङखा, कि नाङको बिसोइता लाम्फासोङ परमेस्वरको बाक्ता दोअ्का काथा नाअ् फोम ताअ् कालाउकि नेलाइ धाताइका सिक्स्यकगेलाइको बिरोधता आसल धुम पालि दोसु।

1तिमोथि 4:14

नाङको दोफा हिका बरदानको हेलचेक्राइ मापा, जेदोङ बरदान मन्डलिको आगुवागेलाइ ताइको खुर नाङको ह्रुता ताअ्लाउ आगमबानिसो नासेहेङ मिलिका हिघाखे।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 5:22

हासुहेङ बुङ ताइको खुर ताअ्तेङ मन्डलिको आगुवाको रुपता मासाल जेलाउ थेकापा वा ख्रिस्टको भाअ्सिङ खाङधुरि योग्य साबित माजेङखे। माकुनुते नाअ् बुङ वाको पापको जिम्माबारि जेनाना। निसित पाअ्‌, कि नाअ् ताइमिङ पाप मापाखेना।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

2 तिमोथि 3:14

कालाउ नाअ् केलाइसो निङका सिक्स्याहेङ लागातार खाङधुरि पाअ्सु कालाउ निसित जेङसु, कि इदोइ सत्ये हि हाइपालिपानु नासेहेङ थाहा हि, कि इङको हासुसो धिर्ना।

हिब्रु 2:17

ओदोङ भाअ्सिङ वा गोताङ काथाता बो द्‍याङगेलाइ भाइपा जेङलि गोइहि, कालाउकि वा परमेस्वरको आगाता केलाइको दायालु कालाउ भर परिका प्राधान पुजारि जेङलि द्वाको। कालाउ द्‍याङगेलाइको पाप ल्होपालिको भाअ्सिङ वा दोङ ताइमिहेङ बलिको रुपता आर्पन पालि द्वाको।